Jerimaya 44:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Enẹ Ọrovwohwo rẹ otuofovwi, Ọghẹnẹ rẹ Izrẹl, tare: Wa mrẹ umiovwo re me ghwarhe enu ri Jerusalẹm vẹ enu rẹ irere ri Juda ejobi, Nighe, none na ayen kẹ ofefe, ohwo rha dia aye-en,

Jerimaya 44:2 ပူးပေါင်းရင်းမြစ်များ

Ivie rẹ Ivẹ 21:13

Ke me cha riẹn nene Jerusalẹm ovwanvwọn re me vwọ vwanvwe Sameria kugbe ubiurhe re me vwọ ma uwevwi rẹ Ehab; ki mi ririe Jerusalẹm kirobo re ririe ọsete, mi ririe me me bọvwọ ruotọ.

Ẹyano 19:4

Wọ mrẹ obo ri mi ru kẹ ihwo rẹ Ijipt, kugbe obo ri mi vwẹ ibekpe rẹ ugo mu uwe kẹ oma mẹ.

Aizaya 24:12

Orere na ejobi kua fiotọ re kakare, A teyọ inurhoro na ejobi guọghọ phihọ irhurhu.

Aizaya 6:11

Etiyin me da ta, Mavọ O krite, E Ọrovwohwo? Ọ da ta: Bẹsiẹ rẹ irere na vwọ dia ofefe re kaka ohwo gbe dia-a ihwo gbe dia evun re iwevwi na-a otọ na ejobi vwọ dia ofefe,

Jerimaya 25:11

Otọ nana soso na che hirhe phihọ umiovwo kọ dia ofefe, irere nana cha ga ovie ri Babilọn ikpe ujorha gbẹ ihwe.

Jerimaya 34:22

Nighe, mi che ji urhi, eriyin Ọrovwohwo tare, me cha rhoma reyọ ayen rhe orere nana; ayen cha họnrọ rẹ ayen da reyọ, ra da vwẹ erhanre torhẹ. Mi che ru irere ri Juda ifefe rẹ ihwo de jẹn ayen ẹdia.

Jerimaya 4:7

Okpohrokpo nẹ evun rẹ etu rọye rhe, ọghwọrọ rẹ ẹgborho na yan phiare; ọ yan nẹ asan rọye re rere ọ ru otọ rẹ ovwan phihọ ofefe irere rẹ ovwan ke cha dia erhurhu ohwo gbe dia aye-en.

Jerimaya 44:22

Ọrovwohwo gbi se chiri uruemu omiomiovwi rẹ ovwan kugbe ẹgua rẹ ovwan na ọfa-a, fiki rẹ ọtiọye na otọ rẹ ovwan rhi vwo hirhe phihọ ofefe vẹ ẹghwọrọ kugbe ekan, ihwo gbe herọ-ọ, kirobo rọ epha nonẹ na.

Jerimaya 44:23

Fikiridie wa tọrhẹ izobo, fikiridie we ru umwemwu kpahe Ọrovwohwo we mu ọghọ kẹ urhuru rẹ Ọrovwohwo eyẹ yan phihọ evun rẹ urhi rọye vẹ iji rọye vẹ iseri rọye-e, ọye umiovwo nana vwo shenyẹ ovwan na, kirobo rọ epha nonẹ na.

Jerimaya 7:34

Ki mi fue urhuru rẹ aghọghọ vẹ omavwerhovwẹ nẹ irere ri Juda kugbe Jerusalẹm ejobi, urhuru rẹ opha vẹ ọshare rọye, kidie otọ na cha dia ofefe.

Jerimaya 8:3

Ughwu kọye che me jẹ umuku rẹ ihwo ri chekọ vwẹ orua umwemwu nana vrẹn arhọ, vwẹ asan re me djẹ ayen ra ejobi; eriyin Ọrovwohwo rẹ otuofovwi na tare.

Jerimaya 9:11

Mi che ru Jerusalẹm phihọ erhurhu, mi che ruo phihọ unu rẹ erha mi che ru irere ri Juda phihọ ofefe, ihwo gbe dia-a.

Uvwerhe 1:1

Mavọ orere rọ vọnre vẹ ihwo jovwo na di vwo tidia hoho! Mavọ ọ rhe vwọ dia kere ayeuku, ọ rọ rhoro vwẹ ohri rẹ ẹgborho na! ọ rọ dia ọmọte rẹ ovie vwẹ ohri rẹ irere na rhi hirhe phihọ ọviẹn.

Uvwerhe 1:16

Kidie fiki rẹ imu nana me vwọ viẹ, ẹro mẹ kọ djẹ ọkẹre rẹ oviẹ, kidie obruche tephe kẹ vwẹ O ro phiudu phihọ ovwẹ awọ, emọ mẹ gbi vwo ọchuko-o kidie ọvweghrẹ mẹ kparobọ nure.

Uvwerhe 5:18

Kidie ugbenu ri Zayọn hirhe phihọ ofefe kẹ etiyin ẹrha dia de kọ.

Daniẹl 9:12

O ru eta rọye na gba, rọ ta kpahe avwanre vẹ isun ri suẹn avwanre, rọ vwọ reyọ ukpokpogho rode vwo rhe avwanre, kidie vwẹ otọ rẹ ọnre na ejobi obọ re ru ke Jerusalẹm na e ji ruo dẹvo-o.

Livitikọs 26:31

Ki mi che si ihwo ne irere re ovwan ejobi, ẹshẹ rẹ ovwan ejobi ke dia ifefe, ovwan da torhẹ eranvwe ri gbo ọnrhe ororo dede mi gbi nyu aye-en.

Livitikọs 26:43

Ẹkẹvuọvo ayen cha kua je otọ na vwo, otọ na ko rovwo oma vwẹ ẹdidjala rọye vwẹ ọke re ayen da kua no na, ayen Me rhe rhuẹrẹ obo rẹ ayen ruchọ, fikiridie ayen miovwo irhi mẹ, iji mẹ ki di tue erhi rayen oma.

Maika 3:12

Vwẹ ọtiọye na fiki wẹ ka cha vwi Zayọn voro udju, Jerusalẹm ko che hirhe phihọ ẹkuerhurhu, Ugbenu rẹ uwevwi na kẹ egbo rẹ irhe.

Zekaraya 1:6

Ẹkẹvuọvo eta mẹ vẹ iji Me, ri mi ji kẹ idibo mẹ emraro na, o rhe mu ese re ovwan? Eriyin ayen de kurhẹriẹ ta, kirobo rẹ Ọrovwohwo rẹ otuofovwi rori nẹ ọye ru avwanre fiki rẹ idjerhe vẹ uruemu rẹ avwanre na, ọtiọye o ghine ru avwanre.

Urhi Rivẹ 29:2

Mosis de se Izrẹl ejobi koko ọ da ta kẹ ayen nẹ, Ovwan mrẹ obo rẹ Ọrovwohwo ruru vwẹ irharo rẹ ovwan vwẹ otọ rẹ Ijipt vwọ ki Fero vẹ idibo rọye ejobi kugbe otọ rọye ejobi,

Joshua 23:3

ovwan je mrẹ obo rẹ Ọrovwohwo Ọghẹnẹ wẹn ru kẹ ẹgborho nana ejobi na fiki ovwan, kidie Ọrovwohwo Ọghẹnẹ rẹ ovwan re họnre kẹ ovwan.