Jerimaya 44:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ota ro bru Jerimaya rhe kpahe ihwo ri Ju ejobi re dia otọ rẹ Ijipt, vwi Tapanhes, vwi Mẹmfis, vẹ otọ rẹ Patrọs.

Jerimaya 44:1 ပူးပေါင်းရင်းမြစ်များ

Jẹnẹsis 10:14

Patrusim, Kaslu-him (kẹ Etiyin Filistia nurhe), kugbe Kaftorim.

Ẹyano 14:2

Ta kẹ ihwo rẹ Izrẹl rere ayen rhẹriẹ oma re ayen won phihọ obaro ri Pihahirọt, vwẹ uvwre ri Migdọl vẹ abadi na vwẹ obaro ri Balzefọn; we mi mu erhọn phihọ obaro rọye, vwẹ oma rẹ abadi na.

Aizaya 11:11

Vwẹ edẹ yena Ọrovwohwo kọ cha riẹn obọ rọye vwẹ obọ rivẹ rhe vwọ ghwẹ umuku rẹ ihwo rọye ri chekọ, nẹ Asiria rhe, nẹ Ijipt, nẹ Patios, nẹ Itiopia, nẹ Elam, nẹ Shinar, nẹ Hamat, kugbe irere re hẹ obo oma rẹ urhie.

Aizaya 19:13

Isun ri Zoan rhi hirhe vwọ ẹkpa, Isun ri Memphis a phiẹn ayen ghẹn, ihwo re dia igbuyovwi rẹ ẹgborho na ayen sun Ijipt ghwru

Jerimaya 2:16

Ọ rọ ma rhọ, ihwo ri Mẹmfis vẹ Tapanhes ghwọrọ erhun rẹ uvie wẹn.

Jerimaya 24:8

Ẹkẹvuọvo enẹ Ọrovwohwo tare, Kirobo ri fig imiomiovwi na ri miovwi nọ re ja re-e na, epha na, ọtiọye mi che ru Zedikaya rẹ ovie ri Juda, te isun rọye, otu ri chekọ vwi Jerusalẹm re jẹ hẹ otọ nana, kugbe ayen otu re dia otọ rẹ Ijipt.

Jerimaya 43:13

O cha guọghọ orisẹ ri Heliopolis rọ evun rẹ otọ rẹ Ijipt, uwevwi rẹ edjọ rẹ Ijipt erhanre kọye ọ vwọ torhẹ ayen.

Jerimaya 44:15

Etiyin ihwo ejobi re riẹnre nẹ eya rayen torhẹ insẹns kẹ edjọ efa, vẹ eya ejobi ri mudia, tẹ ọghwẹgbe rọde na, ihwo ejobi re dia Patros vwẹ otọ rẹ Ijipt, da kpahe kẹ Jerimaya.

Jerimaya 46:14

Ta phia vwẹ Ijipt, ji ghwoghwọ vwi Migdọl, ghwoghwo vwẹ Mẹmfis vẹ Tapanhes; Ta, Mudia muegbe wọ chọma, kidie ọlọkọ cha ghwọrọ yariẹ owẹ phihọ.

Jerimaya 46:19

Rhuẹrẹ ekuakua kẹ oma rẹ ovwan ru we kpo imu, E ihwo rẹ Ijipt! Kidie Mẹmfis cha dia ofefe, erhurhu, o rhe vwo ohwo-o.

Izikiẹl 29:10

fiki rẹ ọtiọye na, nighere, ki mi mu kpahe owẹ, mi ji mu kpahe irhie wẹn, ki mi ru otọ rẹ Ijipt vwọ hirhe phihọ asan ra kua nu vẹ erhurhu diodi, nẹ Migdol re te Siyene, rhiri re te ughwru rẹ Itiopia.

Izikiẹl 29:14

ke me rhoma vwẹ efe rẹ Ijipt rhivwi rhe, ke me vwẹ ayen rhivwi kpo otọ ri Patrọs, otọ rẹ ayen nurhe, kẹ etiyin ayen da dia uvie rẹ ayen kpoghono vwẹ akpọ na,

Izikiẹl 30:13

E nẹ Ọrovwohwo Ọghẹnẹ tare Me guoghọ ema na, mi phi oba phihọ ema re hẹ Mẹmfis, a gbe mrẹ osun vwẹ otọ rẹ Ijipt ọfa-a.

Izikiẹl 30:14

Ke me kua Patrọs fiọtọ, ki mi phi erhanre phihọ Zoan, ki mi vwi Thebes gu ẹdjọ.

Izikiẹl 30:16

Ki mi phi erhanre phihọ Ijipt; Pelusiọm kọ dia uvwri rode ke kporo Thebes fi ke kporo igbẹhẹ rọye she.

Izikiẹl 30:18

Vwi Tehafnehes uvo na ko che mu Etiyin me da guọghọ isuesun rẹ Ijipt, ẹgba rọye ro vwo herẹ na ko che vwo oba, ka cha vwẹ egho rhurho, ke mu emetẹ rọye ighuvwu.

Hosia 9:6

Kidie gbe nighe, ayen ra yanran kpo Asiria; Ijipt cha ghwẹ ayen koko, Mẹmfis kọye che shi ayen. Ekuakua esiri vẹ idọnọ rayen ejobi odi ko di rhurhu ayen inwe ke djẹ phihọ itughẹ rayen.