Jerimaya 43:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ẹkẹvuọvo Johanan ọmọ ri Karia vẹ isun rẹ ofovwi na ejobi da reyọ umuku rẹ ihwo ri chekọ vwi Juda na ejobi i ri rhivwi rhe nẹ uvwiẹ kuvwiẹ ra djẹ ayen ra jovwo rhe vwọ dia otọ ri Juda na–

Jerimaya 43:5 ပူးပေါင်းရင်းမြစ်များ

Ivie rẹ Ivẹ 25:22

Vwẹ enu rẹ ihwo ri chekọ vwẹ evun rẹ otọ ri Juda na, ri Nebukadreza ovie ri Babilọn yan jovwo, ọ da vwẹ Gedaliah ọmọ rẹ Ahikam, ọmọ ri Shafan, vwo ru osun.

Jerimaya 40:10

Vwọ kẹ vwẹ, Mizpa me cha dia, re mi mudia kẹ ovwan vwẹ obaro rẹ ihwo ri Kaldia na ri che bru avwanre rhe; ẹkẹvuọvo vwọ kẹ ovwan, we koko wain vẹ emamọ rẹ ọkeuvo kugbe evwri, wa sẹro rayen vwẹ evun rẹ ekuakua rẹ ovwan, re wa dia irere rẹ ovwan re wa reyọre nure na.

Jerimaya 41:10

Kẹsiẹye Ishmẹl ki mu ihwo ri chekọ vwi Mizpa na ejobi ighuvwu, emetẹ rẹ ovie vẹ ihwo ri chekọ vwi Mizpa ejobi, ihwo ri Kehuzaradan, onotu rẹ ohẹrhẹ na, phihọ obọ ri Gedalaya ọmọ re Ahikam. Ishmẹl ọmọ ri Netanaya de mu ayen ighuvwu ọ da vwẹ ayen kpo otọ rẹ ihwo rẹ Ammọn.

Jerimaya 41:17

Ayen da yanran ra dia Gerut Chimham rọ kẹrẹ Bẹtlẹhẹm, ayen ki roro nẹ ayen yan kpo Ijipt.

1 Samuẹl 26:19

Asakiephana gbe jẹn ọrovwovwe ovie nyo eta rẹ odibo rọye. ọ da dianẹ Ọrovwohwo kọye kpare owẹ vwọ so vwẹ na, e jọ reyọ okẹ; ẹkẹvuọvo ọ da rha dia ihwo rẹ akpọ, e jẹn ekan dia kẹ ayen vwẹ obaro rẹ Ọrovwohwo, kidie nonẹ na ayen djẹ vwẹ ni mi rhe vwo ẹkẹ vwẹ ughwẹ rẹ Ọrovwohwo-o, tanẹ, Yanran ra gọ edjọ efa.