Jerimaya 43:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ ẹkẹvuọvo Barọk ọmọ ri Neraya ru we vwo mu kpahe avwanre rere wo vwo phi avwanre phihọ obọ rẹ ihwo ri Kaldia, re ayen mrasan hwe avwanre eyẹ vwo mu avwanre ighuvwu kpo Babilọn.

Jerimaya 43:3 ပူးပေါင်းရင်းမြစ်များ

Une rẹ Ejiro 109:4

Me guọnọ ayen jẹ ayen muẹ kpahe ovwẹ, ye me ghwa nẹ ẹrhovwo kẹ ayen.

Jerimaya 32:12

me da vwẹ ọbe na kẹ Barọk ọmọ ri Neraya ọmọ ri Maseya, vwẹ aro rẹ Hanamẹl rẹ omoni mẹ vwẹ irharo rẹ iseri re ghwẹ obọ phihọ ọbe na, kugbe aro ri Ju ejobi ri tidia ọguan rẹ ẹrhẹrẹ na.

Jerimaya 36:10

Kẹsiẹye, Barọk ki se eta ri Jerimaya nẹ ọbe na rhe kẹ ihwo na ejobi nyo, vwẹ evun rẹ uwevwi rẹ Ọrovwohwo na, vwẹ uvun rẹ Gemaraya ọmọ ri Shefan osiẹbe na, rọ hẹ ọguan ro kpenu na, vwẹ ewan ruọ rẹ Anurhoro ọkpokpọ rẹ uwevwi rẹ Ọrovwohwo na.

Jerimaya 36:26

Ovie na de ji iji kẹ Jeramil rẹ ọmọ rẹ ovie na vẹ Seraya ọmọ ri Azriẹl kugbe Shelemaya ọmọ rẹ Abdil ne mu Barọk osiẹbe na vẹ Jẹrimaya rẹ ọmraro na, ẹkẹvuọvo Ọrovwohwo de si ayen nu.

Jerimaya 36:4

Jerimaya ki se Barọk ọmọ ri Neraya, Barọk de si eta rẹ Ọrovwohwo rọ ta kẹ Jerimaya na ejobi phihọ ekpirhi rẹ ọbe na vwẹ ọke ri Jerimaya vwo se ayen kẹ.

Jerimaya 38:4

Ọye isun na da ta kẹ ovie na, je hwe ohwo nana, kidie o re ruẹ abọ rẹ isodje ri chekọ vwẹ orere na lọhọ, vẹ abọ rẹ ihwo na ejobi, rọ vwọ ta eta nana kẹ ayen na. Kidie ohwo nana guọnọ ufuoma rẹ ihwo na-a, ẹkẹvuọvo umiovwo rayen.

Jerimaya 41:18

Fikirẹ ihwo ri Kaldia, kidie ayen djẹ oshọ rayen, fikiridie Ishmẹl ọmọ ri Netanaya hwe Gedalaya ọmọ rẹ Ahikam, ohwo rẹ ovie ri Babilọn vwo mu osun rẹ otọ na.

Jerimaya 43:6

eshare na, eya na, emetẹ rẹ ivie na, kugbe ohwo kohwo ri Nebuzaradan onotu rẹ ohẹrhẹ na jovwo kugbe Gẹdalaya ọmọ ri Ahikam, ọmọ rẹ Shafan; eriyin ji te Jerimaya rẹ ọmraro na vẹ Baruk ọmọ rẹ Neraya.

Iyẹnrẹ Esiri ri Luk 6:26

Ekan kẹ ovwan, vwẹ ọke rẹ ihwo de jiri ovwan, kidie ọtiọye esẹ rẹ ovwan ji jiri emraro rẹ efian na.