Jerimaya 43:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Kọ cha rhe rhe teyọ otọ rẹ Ijipt, i re vwo ze kẹ ọtiekọ vwọ kẹ ọtiekọ, i re vwo ze kẹ imu ọ me vwe ayen kẹ imu, i re vwo ze kẹ ọlọkọ ọ me vwẹ ayen kẹ ọlọkọ.

Jerimaya 43:11 ပူးပေါင်းရင်းမြစ်များ

ỌBE RẸ JOB 20:29

Ọna ẹkẹn rẹ Ọghẹnẹ ghare kẹ ohwo umwemwu, ukuẹriọ rẹ Ọghẹnẹ ghwoghwiro kẹ.

Jerimaya 15:2

Ọke rẹ ayen da nọ wẹ, Bovọ ma ra vwo? Wọ me vuẹ ayen nẹ, E nẹ Ọrovwohwo tare: Erẹ emiavwe vwọ kẹ emiavwe, erẹ ọlọkọ vwọ kẹ ọlọkọ erẹ owẹvwẹ vwọ kẹ owẹvwe erẹ a vwọ kẹ imu, vwọ kẹ imu.

Jerimaya 25:15

Enẹ Ọrovwohwo, Ọghẹnẹ rẹ Izrẹl, ta kẹ vwẹ: Reyọ uko ri wain re ophu na nẹ obọ mẹ, re wo ru irere ejobi ri mi ju we bru ra na re ayen da.

Jerimaya 25:19

Fẹro ovie rẹ Ijipt, idibo rọye, isun rọye, ihwo rọye ejobi,

Jerimaya 42:22

Asakiephana we jo mu ovwan ẹro nẹ obo rẹ ovwan ra ra dia na, ọlọkọ vẹ owẹvwe kugbe ọtiekọ che hwe ovwan vwẹ oboyi.

Jerimaya 44:12

Me cha reyọ umuku ri chekọ vwi Juda re ga ro vi re cha otọ rẹ Ijipt cha dia, ayen ejobi cha ghwọrọ; ayen che she vwẹ otọ rẹ Ijipt na; ọlọkọ vẹ owẹvwe che hwe ayen, ayen che hirhe phihọ isọn, vẹ oshẹdjẹ, ve ekan, kugbe ehwẹjẹ

Jerimaya 44:13

Mi hwe ayen otu re dia otọ rẹ Ijipt na gangan, kirobo ri mi hwe Jerusalẹm na, vẹ ọlọkọ, vẹ owẹvwe, kugbe ọtiekọ.

Izikiẹl 29:11

Owọ re ohwo gbi se chiyo wa-an, owọ rẹ eranvwe ji se chiyọ wa-an, ikpe ujuvẹ soso a rha mrẹ ohwo ro yere asan na-a.

Izikiẹl 5:12

Ẹkẹn erha wẹn ki che ghwu ughwu rẹ emiavwe, owẹvwe kọ cha torhẹ vwẹ uherevie wẹn; ẹkẹn erha ọfa ko ghwu ughwu rẹ ọlọkọ riariẹ owẹ; ẹkẹn erha ro chekọ ke me hra nene odju ejobi ke yoro ọlọkọ nẹ ako rhe nene ayen.

Zekaraya 11:9

Ọtiọye na Me da ta, Me gbe dia osuigegede rẹ ovwa-an. Emu ro che ghwu, e jo ghwu; emu rọ cha ghwọrọ. e jọ ghwọ-rọ, jẹn ayen ihwo ri chekọ ohwohwo ghwọrọ ohwo

Ẹvwọphia 13:10

Ọ da dianẹ e mu ohwo oghuvwu, ighuvwu na kọye ọ ra; ọ da dianẹ ohwo vwẹ ọlọkọ hwe ohwo, ọlọkọ na e ji vwo hwe. Kẹ etinẹ a da mrẹ odiri kugbe esegbuyota rẹ ihwo efuanfon na vugbe.