Jerimaya 43:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ọke ri Jerimaya vwọ ta eta nana ejobi rẹ Ọrovwohwo rẹ Ọghẹnẹ rayen jiro bru ayen ra na nu,

Jerimaya 43:1 ပူးပေါင်းရင်းမြစ်များ

Jẹnẹsis 19:14

Etiyin Lọt da yan phia ra vuẹ egọ rọye nẹ, We vrẹn jọphẹre, ru we vrẹn nẹ etinẹ na, kidie Ọrovwohwo cha ghwọrọ orere na. Ẹkẹvuọvo egọ rọye da vwẹ ota na roro ehwẹjẹ.

Ẹyano 24:3

Mosis da rhe ọ da rhe ta ota rẹ Ọrovwohwo na vwọ kẹ ihwo na kugbe ẹgha rọye ejobi; ihwo na ejobi de kuenu gbe ọvo, tanẹ, Eta rẹ Ọrovwohwo tare ejobi avwanre ru.

Jerimaya 1:17

Ẹkẹvuọvo wẹ, chobiẹ amwa wẹn vrẹn, re wọ ta emu kemu ri mi ji iji rọye kẹ wẹ. Wo jẹ ofu rẹ ayen dje we-e, me da rha vwẹ ofu dje we vwẹ obaro rayen.

Jerimaya 1:7

Ẹkẹvuọvo Ọrovwohwo ke ta kẹ vwẹ nẹ, Wọ ta nẹ, mẹvwẹ omotete-e; fikiridie ihwo ri mi ju we bru ra ejobi wo che brẹ ra, Kemu kemu me ta kẹ wẹ ọye wọ ta.

Jerimaya 26:2

Enẹ Ọrovwohwo tare. Mudia vwẹ ọguan rẹ uwevwi rẹ Ọrovwohwo na, re wọ ta kẹ irere ri Juda ejobi re cha ẹga vwẹ uwevwi rẹ Ọrovwohwo na eta ejobi ri mi jiji kẹ wẹ nẹ wọ ta kẹ ayen na, wo si ota ọvuọvo no-o.

Jerimaya 26:8

Ri Jerimaya vwo ta obo rẹ Orovwohwo jiji kẹ ejobi nẹ ọ ta kẹ ihwo na ejobi nu, irherẹn na vẹ emraro kugbe ihwo na ejobi de muo, ta nẹ, Wo che ghwu.

Jerimaya 42:21

Mi ghwoghwiro kẹ ovwan nonẹ na, ẹkẹvuọvo emu ọvuọvo rẹ Ọrovwohwo Ọghẹnẹ rẹ ovwan na ju vwe nẹ me ta kẹ ovwan o ri we nyori herọ-ọ.

Jerimaya 42:22

Asakiephana we jo mu ovwan ẹro nẹ obo rẹ ovwan ra ra dia na, ọlọkọ vẹ owẹvwe kugbe ọtiekọ che hwe ovwan vwẹ oboyi.

Jerimaya 5:12

Ayen vwọnrọn efian kpahe Ọrovwohwo, ayen da tanẹ, O se ru emuọvo-o, umiovwo se te avwanre oma-a eyẹn avwanre sa mrẹ ọlọkọ eyẹrẹ owẹvwe-e.

Jerimaya 51:63

Ọke wo de se ọbe nana re nu, gba gba oragha muo, ru wo phio phihọ uherevie ri Yufretis,

Matiu 28:20

Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.

Iruo rẹ Iyinkọn na 20:27

Kidie mi sioma reyọ vwo jẹ iroro rẹ Ọghẹnẹ e dje kẹ ovwa-an.

Iruo rẹ Iyinkọn na 5:20

Ovwan yanran re mudia phihọ evun rẹ uwevwi rẹ ẹga na rere ovwan re ghwoghwo ota rẹ Arhọ na kẹ ihwo ejobi.

1 Samuẹl 8:10

Etiyin Samuẹl da ta ota rẹ Ọrovwohwo na kẹ ihwo na re nọ ekpẹn rẹ ovie mie.