Jerimaya 42:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Owenẹ oyovwiri eyẹ omiovwiri dede, me nyo urhuru rẹ Ọrovwohwo Ọghẹnẹ rẹ avwanre ohwo re me ju we brẹ ra na, rere ọ vwọ mrasan yovwi kẹ avwanre ọke me de nyo urhuru rẹ Ọrovwohwo Ọghẹnẹ rẹ avwanre na.

Jerimaya 42:6 ပူးပေါင်းရင်းမြစ်များ

Une rẹ Ejiro 128:2

Wọ cha re obo wọ vwẹ obọ wẹn kọn koko, wọ cha ghọghọ, kọ yovwi kẹ we.

Une rẹ Ejiro 78:36

Ẹkẹvuọvo da yẹ ayen de vwẹ unu brugu phihọ oma, ayen da vwẹ ẹrenvwe rayen vwọrọn efian kẹ.

Ẹyano 24:7

Etiyin ọ da rọye ọbe rẹ ọphọ na, o de se kẹ ihwo na nyo; ayen da ta, Obo rẹ Ọrovwohwo tare ejobi avwanre ru, avwanre ji nyo Ọwẹn.

Aizaya 3:10

Ta kẹ evwata nẹ oyovwi kẹ ayen, fikiridie ayen cha re emamọ rẹ uruemu rayen

Jerimaya 22:15

Wo roro nẹ wẹ ovie fikiridie wọ dia uwevwi ri igedu? Ọ dianẹ ọse wẹn re ria je da, yẹ o brorhiẹ ọsoso vẹ ọ rẹ ọvwata? Kẹsiẹye o ki yovwi kẹ.

Jerimaya 43:4

Eriyin na Johanan ọmọ ri Karia vẹ isun rẹ ofovwi na ejobi kugbe ihwo na ejobi rhe nyo urhuru rẹ Ọrovwohwo-o, vwọ dia otọ ri Juda na-a.

Jerimaya 7:23

Ẹkẹvuọvo urhi nana me vwọ kẹ ayen, Nyo urhuru mẹ, ke me dia Ọghẹnẹ kẹ ovwan, ovwan ke dia ihwo mẹ, rere wa yan vwẹ idjerhe ejobi ri mi dje kẹ ovwan rere o vwo yovwi kẹ ovwan.

Ọbe ri Pọl si rhe Ihwo ri Rom 7:13

Kẹ obo ri yoma na, kọye rha so ughwu kẹ vwẹ? Kaka vwo! Umwemwu, ro ru Iruo rẹ ughwu vwẹ evun mẹ na vwẹ oma rẹ obo ri yoma rere a vwọ sa mrẹ umwemwu vughe, rere vwẹ oma rẹ urhi na me rhe vwọ dia oruimwemwu rode na.

Ọbe ri Pọl si rhe Ihwo ri Rom 7:7

Kidie avwanre rha ta? Nẹ urhi na kẹ umwemwu? Kaka vwo! Dede na, ọ dianẹ kẹ urhi na vwo-o, me a gbe riẹn umwemwu-u. Ọ dianẹ urhi na re tare nẹ wo vwo urhuru-u me a gbe riẹn obo re se nẹ urhuru evwo-o.

Ọbe ri Pọl si rhe Ihwo ri Rom 8:7

Kidie iroro ra vwọ kpahe ugboma vẹ Ọghẹnẹ ọvweghrẹ; ọ vwẹ oma kpotọ kẹ urhi rẹ Ọghẹnẹ-ẹ, eriyin dẹn o se ruo-o;

Urhi Rivẹ 5:27

Gbe si kẹrẹ, rere wo nyo obo rẹ Ọrovwohwo Ọghẹnẹ cha ta; re wọ ta kẹ avwanre emu ejobi rẹ Ọrovwohwo Ọghẹnẹ cha ta kẹ wẹ; avwanre ki nyo, avwanre ki ji ruo.

Urhi Rivẹ 5:29

E manẹ oghẹre rẹ udu ọtiọye na kọye he evun rayen, re ayen vwọ djẹ oshọ Mẹ, vwọ yọnrọn irhi mẹ vwẹ ọke ejobi, ro vwo yovwi kẹ ayen, ro ji vwo yovwi kẹ emọ rayen, bẹdẹ!

Urhi Rivẹ 5:33

Wa yan vwẹ idjerhe na ejobi rẹ Ọrovwohwo Ọghẹnẹ rẹ ovwan ji iji kẹ ovwan, rere wa rhọ kugbe rere o vwo yovwi kẹ ovwan kugbe rere ẹdẹ rẹ ovwan vwo gro vwẹ otọ rẹ ovwan che yeri na.

Joshua 24:24

Ihwo na da ta Joshua, Ọrovwohwo Ọghẹnẹ rẹ avwanre ọye ma ga, urhuru rọye ọye me nyo.