Jerimaya 42:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Asakiephana we jo mu ovwan ẹro nẹ obo rẹ ovwan ra ra dia na, ọlọkọ vẹ owẹvwe kugbe ọtiekọ che hwe ovwan vwẹ oboyi.

Jerimaya 42:22 ပူးပေါင်းရင်းမြစ်များ

Aizaya 30:3

Fiki rẹ ọtiọye na ochọ ri Fero che hirhe phihọ ọmaẹvuọ oma wọ vwọ da uhoho rẹ Ijipt kọ dia oma ephọphọ.

Jerimaya 24:10

Ki mi ji ọlọkọ vẹ owẹvwe, kugbe emiavwe bru ayen ra, bẹsiẹye re ayen vwọ ghwọrọ tototo nẹ otọ re me kẹ ayen vẹ esẹ rayen na.

Jerimaya 42:17

Eshare ejobi rẹ tọn opharo rayen vi Ijipt ri kpo oboyi ra dia na ọlọkọ che hwe ayen, owẹvwe vẹ ọtiekọ che hwe ayen, o che vwo ohwo ro che chekọ kẹ ayen vwẹ umiovwo re me vwo bru ovwan cha na.

Jerimaya 43:11

Kọ cha rhe rhe teyọ otọ rẹ Ijipt, i re vwo ze kẹ ọtiekọ vwọ kẹ ọtiekọ, i re vwo ze kẹ imu ọ me vwe ayen kẹ imu, i re vwo ze kẹ ọlọkọ ọ me vwẹ ayen kẹ ọlọkọ.

Jerimaya 44:12

Me cha reyọ umuku ri chekọ vwi Juda re ga ro vi re cha otọ rẹ Ijipt cha dia, ayen ejobi cha ghwọrọ; ayen che she vwẹ otọ rẹ Ijipt na; ọlọkọ vẹ owẹvwe che hwe ayen, ayen che hirhe phihọ isọn, vẹ oshẹdjẹ, ve ekan, kugbe ehwẹjẹ

Izikiẹl 33:27

Ta ọnana kẹ ayen, E nẹ Ọrovwohwo Ọghẹnẹ tare: Kirobo re me herọ na, uyota ayen otu re dia asan ra kua jovwo ọlọkọ a cha vwọ nyavwe ayen hwe, ọ rọ hẹ obo evun rẹ aghwa me cha vwọ kẹ eranvwe nẹ e re kugbe ayen otu re hẹ obo ogba ọgangan kugbe evun rẹ emwa emiavwe kọye ayen wan ghwu.

Izikiẹl 6:11

Enẹ Ọrovwohwo Ọghẹnẹ tare, Teyọ abọ wẹn, vwẹ owọ wẹn teyẹ otọ, re wọ ta, Ẹghwọ! fiki rẹ ẹgua omiomiovwi rẹ uwevwi rẹ Izrẹl, kidie ayen che she vwẹ oma rẹ ọlọkọ, vẹ owẹvwe, vẹ emiavwe.

Izikiẹl 6:12

Ọ rọ hẹ obo ogboko che ghwu ughwu rẹ emiavwe na; ọ rọ hẹ asan rọ kẹre che ghwu ughwu rẹ ọlọkọ na, ọ ro ghwu chekọ rẹ emu ruru-u owẹvwe kọye hwe ghwu. Enẹ kọye ophu mẹ cha dia kpahe ayen

Hosia 9:6

Kidie gbe nighe, ayen ra yanran kpo Asiria; Ijipt cha ghwẹ ayen koko, Mẹmfis kọye che shi ayen. Ekuakua esiri vẹ idọnọ rayen ejobi odi ko di rhurhu ayen inwe ke djẹ phihọ itughẹ rayen.