Jerimaya 42:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ayen da ta kẹ Jerimaya rẹ ọmraro na, Jẹn omaevwerhe rẹ avwanre te obaro wẹn wọ rẹ Ọrovwohwo Ọghẹnẹ wẹn na kẹ avwanre, kidie umuku rẹ avwanre ro chekọ na rhe bu-u, kirobo rẹ ẹro wẹn je ghwa mrẹ na.

Jerimaya 42:2 ပူးပေါင်းရင်းမြစ်များ

1 Ivie 13:6

Ovie na da ta kẹ ohwo rẹ Ọghẹnẹ na, Gba rẹ Ọrovwohwo Ọghẹnẹ wẹn na kẹ vwẹ, re wọ nẹ ẹrhovwo kẹ vwẹ, rere obọ mẹ na vwo rhivwi kpo ẹdia. Ohwo rẹ ọfuanfon na da rẹ Ọrovwohwo; obọ rẹ ovie na de rhivwi kpo ẹdia, kirobo rọ epha jovwo.

Une rẹ Ejiro 119:170

Jẹn omavwerhe mẹ bru we rhe; sivwi vwe kirobo rẹ ota wẹn epha.

Ẹyano 8:28

Ọtiọye na Fero da ta, Mi jẹn uwe kpo, re ze izobo kẹ Ọrovwohwo Ọghẹnẹ wẹn vwẹ evun rẹ aton; jokpa nẹ wa gbe yan sheri-i. Rẹ kẹ vwẹ.

Ẹyano 9:28

Rẹ Ọrovwohwo na, kidie osio rẹ imicho na vẹ agbrara na teri; mi jẹn uwe kpo, we gbi rhe mudia ọfa-a.

Aizaya 1:15

Ọke ri wọ da bẹre abọ wẹn, Ki mi si ẹro mẹ nu kẹ wẹ ọ da dianẹ wọ nẹ ẹrhovwo buebu dede, Me kerhọ-ọn; abọ wẹn vọnre vẹ ọbara.

Aizaya 1:9

Odiane kẹ Ọrovwohwo rẹ ofovwi je imi ihwo ẹvo vwo kẹ avwanre vwonẹ, mane kẹ avwanre a dia kerẹ Sodọm, ke avwanre a họhọ Gomora.

Aizaya 37:4

Okeọvo ọ me dianẹ Ọrovwohwo rẹ Ọghẹnẹ wẹn nyo eta ri Rabshekeh, re onini rọye ovie rẹ Asiria ji rhe rhe vwẹ Ọghẹnẹ ri bẹdẹ na jehwẹ, rọ da ghwọ fiki rẹ eta na rẹ Ọrovwohwo rẹ Ọghẹnẹ wẹn nyori na; fiki rẹ ọtiọye na gbe jẹn ẹrhovwo ovwan guvwie kpenu vwọ kẹ umuche ihwo ri chekọ.

Aizaya 42:20

Ọ mrẹ imu buebu, ẹkẹvuọvo yo ni so-o, erhọn rọye rhieri, ẹkẹvuọvo jẹ o nyo ẹme-e

Jerimaya 15:11

Jọ dia ọtiọye, E Ọrovwohwo, ọ da dianẹ me rẹ wẹ vwi fiki rẹ erhuvwu raye-en me rha rẹ wẹ vwọ ke ayen fiki rẹ ivwighrẹ vwẹ oke rẹ ukpokpogho!

Jerimaya 2:27

Re ta kẹ urhe, “Wọwẹ ọsẹ mẹ,” vwọ kẹ olalọ Wẹ ri vwiẹ vwẹ. Kidie ayen chuko ku vwe, ọ dia opharo raye-en. Ẹkẹvuọvo ọke rẹ ukpokpogho rayẹn ayen me ta, vrẹn wo sivwi avwanre.

Jerimaya 21:2

Nọ vwẹ obọ rẹ Ọrovwohwo kẹ avwanre, kidie Nebukadreza ovie rẹ Babilọn kpare ofovwi bru avwanre cha, siẹvo ye Ọrovwohwo che ru kẹ avwanre kirobo rẹ iruo rẹ igbunu rọye ejobi epha, ro de ruo vwọ yan jẹ avwanre vwo.

Jerimaya 36:7

Siẹvo ye orẹ rayen che kpo obaro rẹ Ọrovwohwo, nẹ dohwo didjerhe umwemwu rọye cha rhẹriẹ nu, kidie ophu vẹ ivuemiovwo rẹ Ọrovwohwo ro roro kpahe ihwo nana rhoro gangan.

Jerimaya 37:20

Gbe nyo, me rẹ wẹ, E ọrovwovwe ovie me, jẹ orẹ mẹ rhe obaro wẹn, wọ gbe reyọ ovwe rhivwi kpo uwevwi ri Jonatan rẹ osiẹbe na-a, mi de rhe ghwu vwẹ etiyin.

Jerimaya 37:3

Ovie Zedikaya de ji Jehukal ọmọ ri Shelemaya, vẹ Zẹfanaya orherẹn na, ọmọ ri Maseya, bru Jerimaya re ọmraro na rhe nẹ, Re Ọrovwohwo Ọghẹnẹ rẹ avwanre na kẹ avwanre.

Jerimaya 38:14

Ovie Zedikaya de ji ikọn re se Jerimaya rẹ ọmmro na a da reyọ vwọ wan unu rẹ erha rẹ uwevwi rẹ Ọrovwohwo na. Ovie da ta kẹ Jerimaya, Me nọ wẹ ono, wọ djahẹ emuọvo kẹ vwẹ-ẹ.

Jerimaya 40:15

Etiyin Johanan ọmọ ri Karia ke bẹbẹ ta kẹ Gẹdalaya vwẹ Mizpa, Ju vwe yanran re mi hwe Ishmaẹl ọmọ ri Netanaya ghwu, ohwo ọvuọvo sa riẹ-ẹn. Die sorọ o vwo hwe we, rẹ ihwo ri Ju na ejobi re yariẹ owẹ phihọ na vwọ hra, rẹ ihwo ri chekọ kẹ Juda na vwọ ghwọrọ?

Jerimaya 42:20

nẹ wa da yan ghwru arhọ rẹ ovwan ko nene. Kidie we ju vwe bru Ọrovwohwo Ọghẹnẹ rẹ ovwan, nẹ, Nẹ ẹrhovwo kẹ Ọrovwohwo Ọghẹnẹ rẹ avwanre na kẹ avwanre, re wo ghwoghwo kẹ avwanre emu kemu rẹ Ọrovwohwo Ọghẹnẹ rẹ avwanre djeri avwanre ruo.

Uvwerhe 1:1

Mavọ orere rọ vọnre vẹ ihwo jovwo na di vwo tidia hoho! Mavọ ọ rhe vwọ dia kere ayeuku, ọ rọ rhoro vwẹ ohri rẹ ẹgborho na! ọ rọ dia ọmọte rẹ ovie vwẹ ohri rẹ irere na rhi hirhe phihọ ọviẹn.

Izikiẹl 12:16

Ẹkẹvuọvo ki mi che ruo rere emerha rayen vwọ djẹ vabọ nẹ obọ rẹ ọlọkọ na, nẹ owẹvwe vẹ emiavwe, rere ayen vwọ fan ẹgua rayen vwẹ ohri rẹ ẹgborho rẹ ayen ra na, rere ayen vwọ riẹn nẹ mẹvwẹ hẹ Ọrovwohwo na.

Hosia 8:10

Owenẹ ayen re durhie ẹgborho na vwọ ba oma dede, Me cha ghwẹ ayen koko vwẹ ọmọke krẹn vwobọ ayen gbe cha vwẹ ivie kugbe isun vwo muẹ-ẹ.

Livitikọs 26:22

Ki mi si obọ nẹ eranvwe re djoma vwẹ ohri re ovwan, ke ayen che mu emọ rẹ ovwan re, kugbe uchuru rẹ ovwan, ayen mi rhi ru ovwan havwe phihọ, idjerhe rẹ ovwan ejobi ki che gbe a rha mrẹ ohwo vwẹ aye-en.

Emọs 7:2

Ọke rẹ ayen vwọ re odi rẹ otọ na nu, Me da ta, E Ọrovwohwo Ọghẹnẹ, vwo ghovwo, Me rẹ wẹ! Mavọ Jekọp se vwo mudia? Ọ havwe nọ.

Matiu 24:22

Jokpa nẹ ke ru ẹdẹ na krẹ, o se vwo ohwo ọvuọvo rọ cha rhọ-ọ; ẹkẹvuọvo vwi fiki rẹ ihwo ra sanọre na, ke ru ẹdẹ na krẹ.

Iruo rẹ Iyinkọn na 8:24

Etiyin Saimọn da kpahe kẹ, Rẹ Ọrovwohwo kẹ vwẹ, rere emu wọ tare na vwo jẹ uvwe ebro cha.

Urhi Rivẹ 28:62

Owenẹ ovwan vwo bu kerẹ isio rẹ obenu na, emerha tutuno krẹ ri che chekọ kẹ ovwan, fikiridie ovwan kerhọn rẹ urhuru rẹ Ọrovwohwo rẹ Ọghẹnẹ rẹ ovwan na-a.

Urhi Rivẹ 28:63

Kirobo ro je Ọrovwohwo ro vwo ru ovwan yovwi bu phihọ na, eriyin o ji je Ọrovwohwo ro vwo si emiovwo rhe ovwan rọ vwọ ghwọrọ ovwan, kọ djẹ ovwan kufia nẹ otọ rẹ ovwan ra dia na.

Urhi Rivẹ 4:27

Ọrovwohwo kọ cha hra ovwan phihọ ohri rẹ ihwo, umuchihwo rẹ ovwan keye e che jovwo vwẹ ohri rẹ ẹgborho ra cha djẹ ovwan ra na.

Jems 5:16

Ovwan rhọvwe imwemwu rẹ ovwan kẹ ohwohwo, rere ovwan ohwohwo nẹ ẹrhovwo kẹ ohwo, rere e vwo sivwi ovwan. Ẹrhovwo rẹ ọvwata sẹ nọ umuesia.

1 Samuẹl 12:19

Ihwo na ejobi da ta kẹ Samuel, Rẹ Ọrovwohwo Ọghẹnẹ wẹn na kẹ idibo wẹn, rere avwanre vwo je ghwo; kidie avwanre rhoma vwẹ umwemwu nana ba imwemwu rẹ avwanre ri jovwo, rẹ avwanre vwo nọ ekpẹn rẹ ovie kẹ oma rẹ avwanre.

1 Samuẹl 12:23

Ọ rọ marho mi che ru umuemwu kpahe Ọrovwohwo re mi se jẹ ẹrhovwo ẹnẹ kẹ Ọrovwohwo fiki rẹ ovwa-an; ki mi yono ovwan phihọ idjerhe rẹ esiri vẹ ọsoso.

1 Samuẹl 7:8

Ihwo rẹ Izrẹl da ta kẹ Samuel, Kperi se Ọrovwohwo kẹ avwanre wọ da unu jẹ-ẹ, rere o sivwi avwanre nẹ obo ri Filistia.