Jerimaya 42:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Ọrovwohwo ta kẹ ovwan nure, E umuku ro chekọ vwi Juda, We kpo Ijipti-i. We jo mu ovwan ẹro gba gba nẹ me phẹphẹ ovwan unu nonẹ na,

Jerimaya 42:19 ပူးပေါင်းရင်းမြစ်များ

2 Ikun rẹ Ivie 24:19

Yẹ o ji ji emraro rhe ohri rayen rere ọ vwẹ ayen rhivwi rhe Ọrovwohwo; enana ki se oseri hwe ayen, ẹkẹvuọvo yẹ ayen davwerhọ-ọn.

Nehemaya 9:26

Dede na ye ayen ji vwo udu ayen de mukpahe owẹ ayen de mu urhi wẹn phihọ obuko ayen de hwe emraro wẹn, ri bru ayen uche nẹ i rhivwi bru uwe rhe, ayen de gbe ẹgua rode.

Aizaya 21:12

Ọrhẹrotọ, na da ta, Irhiọke cha, ye ason na ji sheri Ọ da dianẹ wọ nọ, nọ wọ, rhoma rhe.

Jerimaya 38:21

Ẹkẹvuọvo wọ rha vwẹ oma wẹn kẹ aye-en, ọnana hẹ aroẹmrẹ rẹ Ọrovwohwo vwọ kẹ vwẹ:

Izikiẹl 17:15

Ẹkẹvuọvo o de mu kpahọ ro vwo je ikọn kpo Ijipt, rere ayen kẹ iyesi vẹ unuofovwi rode. Kọ sa kparobọ? Kẹ ohwo ro ru emu ọtiọye sa djẹ vabọ? Ko se miovwi ọphọ na rọ da djẹ vabọ?

Izikiẹl 2:5

Owenẹ ayen nyo owene ayen je nyo (kidie ayen uwevwi rẹ okpetu) ayen ke riẹn nẹ ọmraro je hẹ ohri re ayen.

Izikiẹl 3:21

Ẹkẹvuọvo wo de rhe ghwoghwo kẹ ọvwata nẹ o ruẹ imwẹmwm-u, o rhe ghine ru umwemwu-u kọ ghene rhọ, fikiridie ọ reyọ eghwoghwo wẹn, yẹ ekpuyovwi wẹn ji sivwi arho wẹn rhọ.

Ukeri 14:3

Die sorọ rẹ Ọrovwohwo vwọ reyọ avwanre vwọ rhe otọ nana, rere a vwẹ ọlọkọ hwe avwanre? Eya rẹ avwanre vẹ imitete rẹ avwanre che ghwu kufia; o gbi rhe yovwi re avwanre rhoma rhivwi kpo obi Ijipt?

Iruo rẹ Iyinkọn na 2:40

Ji kugbe eta efa ọtiọye na buebu o vwo bru ayen uche, tanẹ, ovwan sioma rẹ ovwan nẹ edje nana ri ghwruru na.

Ẹfesọs 4:17

Asakiephana me rhọvwe ọnana me ke rha je dia oseri vwẹ evun rẹ Ọrovwohwo nẹ, ovwan rhe yerẹ kirobo rẹ ihwo ri Keferi ruẹ-ẹ, fiki rẹ ugheghẹ rẹ udu rayen.

Urhi Rivẹ 17:16

Ọ rọ herọ na wo jẹn ovie na koko isi buebu kẹ oma rọye-e, eyẹ re o ru ihwo na vwo rhivwi kpo Ijipt rọ vwọ mrasa ghwẹ isi koko buehu-u, rẹ Ọrovwohwo vwọ ta kẹ wẹ nu na nẹ, Wo gbi rhivwi kpo idjerhe yena ọfa-a.

Urhi Rivẹ 31:21

Ọke rẹ ukpokpogho vẹ emiovwo buebu de bru ayen rhe re, une nana kọ dia kẹ ayen kerẹ oseri (kidie ọ cha dia ẹbẹrunu rẹ uvwiẹ rayen ro de jẹ ayen ẹchọrọ); kidie Me riẹn oghẹre rẹ iroro rẹ ayen roro nure, tavwe Me ke reyọ ayen rhe otọ ri mi veri nẹ Me vwọ kẹ na.

1 Tẹsalonaika 4:6

E jẹn ohwo ọvuọvo chọ urhi-i, e jo gbe oniọvo rọye kuẹ vwẹ ota nana-a, fikiridie Ọrovwohwo hẹ ọreihri rẹ imu nana ejobi, kirobo rẹ avwanre kpa okpa phihọ ovwan obọ na.