Jerimaya 42:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Wa djẹ oshọ rẹ ovie ri Babilọn na-a, ohwo rẹ oshọ rọye mu ovwan na, wa djẹ oshọ rọye-e, eriyin Ọrovwohwo tare, kidie me vẹ ovwan herọ, ki mi sivwi ovwan mi ji si ovwan nẹ obọ rọye rhe.

Jerimaya 42:11 ပူးပေါင်းရင်းမြစ်များ

Ivie rẹ Ivẹ 25:26

Kọye ihwo na ejobi, te itete tẹ iride kugbe inotu rẹ ofovwi na de vrẹn, ayen de kpo Ijipt; fikiridie ayen djẹ oshọ rẹ ihwo; ri Kaldia.

Une rẹ Ejiro 118:6

Rẹ Ọrovwohwo vẹ ovwẹ vwo obo na me gbe djẹ oshọ-ọ. Kidie ohwo se ru vwe?

Une rẹ Ejiro 46:11

Ọrovwohwo rẹ otuofovwi na vẹ avwanre herọ, Ọghẹnẹ ri Jekọb ọye odjahọ rẹ avwanre

Une rẹ Ejiro 46:7

Ọrovwohwo rẹ otuofovwi na vẹ avwanre herọ; Ọghẹnẹ ri Jekọp ọye odjahọ rẹ avwanre.

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Aizaya 43:2

Ọke wọ da wan ame vrẹn ye Me vẹ owẹ herọ, Ọ da dia evun rẹ urhie dede, o che re we-e, wọ da yan erhanre vrẹn ọ cha torhẹ owẹ-ẹ, ogidi erhanre na cha ghwọrọ owẹ-ẹ.

Aizaya 43:5

Wọ djẹ oshọ-ọ, kidie Me vẹ owẹ herọ, Me cha vwẹ uvwiẹ wẹn nẹ obaro ọnre rhe, obuko ọnre kẹ oboyi Me reyọ ovwan nurhe,

Jerimaya 1:19

Ayen cha họnre owẹ; ẹkevuọvọ ayen se phi we kua-a, kidie me vẹ owẹ herọ, mi sivwi uwe, eriyin Ọrovwohwo tare.

Jerimaya 1:8

Wo brudu rẹ aye-en, kidie me vẹ owẹ herọ mi sivwi uwe, eriyin Ọrovwohwo tare.

Jerimaya 15:20

Ki mi ru we vwo kẹ ihwo nana kerẹ ogba rẹ ẹrovwo ayen che nene uwe họnre, ẹkẹvuọvo ayen che se phi we kparobọ-ọ kidie me vọ owẹ herọ. Re mi vwo sivwi uwe je chọ wẹ, eriyin Ọrovwohwo tare.

Jerimaya 27:11

Ẹkẹvuọvo Ẹgborho kẹgborho ro phi ohọre rọye phihọ otọ rẹ urhekpe rẹ ovie ri Babilọn ro da ga, ki mi jovwo nẹ ọ dia otọ robọ rọye, ro voro rọ je dia, eriyin Ọrovwohwo tare.

Jerimaya 27:12

Me da ta enana ejobi vwọ kẹ Zẹdikaya ovie ri Juda Phi ohọre wẹn phihọ otọ rẹ urhekpe rẹ ovie ri Babilọn, re wọ ga je ga ihwo rọye, re wọ rhọ.

Jerimaya 27:17

Wa kerhọn raye-en wa ga ovie ri Babilọn re wa rhọ. Die nẹrhẹ orere nana rhe dia ofefe?

Jerimaya 41:18

Fikirẹ ihwo ri Kaldia, kidie ayen djẹ oshọ rayen, fikiridie Ishmẹl ọmọ ri Netanaya hwe Gedalaya ọmọ rẹ Ahikam, ohwo rẹ ovie ri Babilọn vwo mu osun rẹ otọ na.

Ukeri 14:9

Emuọvo na, wa vwọ suọ Ọrovwohwo-o; wa je djẹ oshọ rẹ ihwo rẹ evun rẹ otọ na-a, fikiridie ayen ikara vwọ kẹ avwanre ukẹcha vuọvo rhe ayeen; yẹ Ọrovwohwo vẹ avwanre herọ, we jẹ oshọ rayen mu ovwa-an.

Matiu 10:28

Ovwan djẹ oshọ rẹ ohwo ro se hwe ugboma-a, ẹkẹvuọvo wa djẹ oshọ rẹ ohwo rọ se hwe ẹnwẹn.

Matiu 28:20

Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.

Iruo rẹ Iyinkọn na 18:10

kidie me vẹ owẹ herọ, ohwo che se mu we rọ da wan wẹ oma-a; kidie mi vwo ihwo buebu vwẹ orere nana.

Ọbe ri Pọl si rhe Ihwo ri Rom 8:31

Kidie a mre ta kpahe ọnana? Ọ da dianẹ Ọghẹnẹ vẹ avwanre obọ, kono se mukpahe avwanre?

Urhi Rivẹ 20:4

kidie Ọrovwohwo rẹ Ọghẹnẹ wẹn na ri nene uwe ra, ra họnre ivwighrẹ wẹn na kẹ wẹ, rẹ ọ kẹ wẹ ephio kparobọ.

2 Timoti 4:17

Ẹkẹvuọvo Ọrovwohwo de mudia cha vwẹ ọ da kẹ ogangan mi vwo ghwoghwo ota na gbagba, rere ihwo ri Keferi na ejobi vwo nyo. Vwẹ ọtiọye na e vwo sivwi uvwe nẹ unu rẹ okpohrokpo na.

Joshua 1:5

O vwo ohwo ọvuọvo ro che yivwi hirhe opharo ku we vwẹ ẹdẹ rẹ akpọ wẹn ejobi-i; kirobo mi vi Mosis diarọ, ọtiọye me vẹ owẹ je cha dia; me cha phiẹn wẹ-ẹn eyẹ me cha sẹn wẹ-ẹn.

Joshua 1:9

Ọ dia omẹvwẹ ri ji urhi na kẹ wẹ-ẹ? Goma wo yivwaro gangan, wọ phariẹ-ẹ, wo jẹ ofu dje we-e, kidie Ọrovwohwo Ọghẹnẹ wẹn vẹ owẹ herọ vwi kasan kasan wọ ra ejobi.