Jerimaya 42:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ọ da dianẹ we ghinẹ dia otọ nana, etiyin ke me bọn ovwan me gbe guọghọ ovwa-an, ke me kọn ovwan, me gbe kọrọ ovwa-an, kidie me rhẹriẹ nẹ umiovwo ri mi ru ovwan na re.

Jerimaya 42:10 ပူးပေါင်းရင်းမြစ်များ

2 Samuẹl 24:16

Ọke rẹ amakashe na cha vwọ riẹn obọ kpo Jerusalẹm rọ vwọ guọghọ, Ọrovwohwo da rhẹriẹ nẹ emu ọbrabra rọ guọnọ ru, ọ da ta kẹ amakashe rẹ o ru iruo rẹ ẹghwọrọ vwẹ ohri rẹ ihwo na, o teri; Asakiephana gba da obọ ji. Yẹ amakashe rẹ Ọrovwohwo na hẹ oma rẹ uwevwi rẹ Aruanah rẹ ohwo ri Jebu.

Une rẹ Ejiro 102:16

Kidie Ọrovwohwo cha bọn Zayọn, ọ cha phia vwẹ urinrin rọye;

Une rẹ Ejiro 106:45

Ọ vwi fiki rayen karohọ ọphọ rọye, o de dogho obọ kirobo rẹ ẹguọnọ rọye ro jẹ rhẹriẹ epha.

Une rẹ Ejiro 37:3

Vwẹ ẹro so Ọrovwohwo, ru wo ru ọ re esiri ko wọ dia otọ na, oma ko fu we.

Une rẹ Ejiro 69:35

Kidie Ọghẹnẹ se sivwi Zayọn ọ me rhoma bọn irere ri Juda; idibo rọye ke dia etiyin kẹ ayen vwo,

Ẹyano 32:14

Etiyin Ọrovwohwo de fue ophu ọbrabra rọ guọnọ mu kpahe ihwo rọye.

Jerimaya 24:6

Me vwẹ ẹro mẹ ni ayen fiki rẹ erhuvwu, me cha reyọ ayen rhe otọ nana, mi che mu ayen vi, me gbe ghwọrọ aye-en, me kọn ayen, mi gbi che ghwie aye-en.

Jerimaya 26:19

Ke Hezikaya ovie ri Juda vi Juda ejobi hwere? Oshọ rẹ Ọrovwohwo gbi muo ro da nọ ekpẹn rẹ erhuvwu vwẹ obọ rẹ Ọrovwohwo? Ẹkẹvuọvo obo rẹ Ọrovwohwo tare nẹ ọye ru ayen jovwo na, o de jovwo? Avwanre ke guọnọ suọ okpetu rode vwọ kẹ omobọ rẹ avwanre na.

Jerimaya 27:11

Ẹkẹvuọvo Ẹgborho kẹgborho ro phi ohọre rọye phihọ otọ rẹ urhekpe rẹ ovie ri Babilọn ro da ga, ki mi jovwo nẹ ọ dia otọ robọ rọye, ro voro rọ je dia, eriyin Ọrovwohwo tare.

Jerimaya 31:28

O de rhi te re kirobo me rhẹrẹ ayen vwọ kọrọ ayen vwẹ ayen ghwiọtọ na, vwọ gere ayen she, vwọ ghwọrọ ayen, vwọ ghwẹ umiovwo rhe ayen na, ọtiọye me je cha rhẹrẹ ayen mu ayen vi kọn ayen, eriyin Ọrovwohwo tare.

Jerimaya 33:7

Me cha vwẹ oyovwe ri Juda vẹ oyovwe rẹ Izrẹl rhivwi rhe ayen, ke me rhoma bọn ayen kirobo rẹ ayen epha vwẹ ẹsosuọ.

Jerimaya 43:4

Eriyin na Johanan ọmọ ri Karia vẹ isun rẹ ofovwi na ejobi kugbe ihwo na ejobi rhe nyo urhuru rẹ Ọrovwohwo-o, vwọ dia otọ ri Juda na-a.

Izikiẹl 36:36

Ọke yena ẹgborho ri chekọ re riariẹ owẹ phihọ na ke cha riẹn nẹ mẹvwẹ, Ọrovwohwo na, rhoma rhe bọn asan ri kporo she na re, ọ da rhoma rhe kọn asan ra kua fiọtọ na, mẹvwẹ, Ọrovwohwo, tarọ nure, ki mi ruo.

Hosia 11:8

Mavọ mi se vwo siobọ nu we, E Ifrem! Mavọ mi se vwo sibọ nu we, E Izrẹl! Mavọ mi se ru we kerẹ Admah! Mavọ mi se ru we kerẹ Zeboim! Udu mẹ djẹgo, ehrọre mẹ kọ rhua phihọ .

Joẹl 2:13

rere wọ bẹrẹ udu wẹn ọ dia amwa wẹ-ẹn, Re wo rhivwi bru Ọrovwohwo, Ọghẹnẹ wẹn, kidie ọ vẹ ehrọre vẹ arodọvwẹ, ọ fobọ mu ophu-u, o vwo ẹguọnọ esiri gangan ọ kpare iroro vrẹn umwemwu.

Emọs 7:3

Ophu rẹ Ọrovwohwo na de fue vwẹ ọnana: Ọ sa dia etiọye-e, eriyin Ọrovwohwo na tare.

Emọs 7:6

Ophu rẹ Ọrovwohwo na de fue vwẹ ọnana: Ọnana cha sa phia-a, eriyin Ọrovwohwo Ọghẹnẹ na tare.

Jona 3:10

Ọke rẹ Ọghẹnẹ vwọ mrẹ obo rẹ ayen ruru, obo rẹ ayen siobọ nẹ idjerhe ọbrabra rayen, Ọghẹnẹ de siobọ nẹ iroro ọbrabra rọ jẹ kpahe ayen na, o rhe ruo-o.

Jona 3:4

Jona da ro evun rẹ orere na, ọ da yan ẹdẹ ọvo kẹ ọke kpo. O de ghwoghwo, Chekọ ẹdẹ ujuvẹ, ka cha ghwọrọ Ninivẹ te otọ!

Jona 4:2

Ọ da nẹ ẹrhovwo kẹ Ọrovwohwo ọ da ta, Me rẹ wẹ, Ọrovwohwo, ọnana dia obo re me tare re me vwọ obo orho mẹ? Ọye sorọ me vwọ djẹ kpo Tarshishi, Kidie me riẹnre nẹ wọwẹ Ọghẹnẹ rẹ ehrọre vẹ arodọvwẹ, wọ fobọ mu ophu-u, wọ vọnre vẹ ẹguọnọ ro jẹrhẹriẹ wọ me rha kparẹ ẹwẹn vrẹ emu ọbrabra ru wọ guọnọ ru.

Iruo rẹ Iyinkọn na 15:16

Ọnana da wan nu ki mi rhivwi rhe, rhe rhoma bọn ẹdia ri Devid, ro sheri; ke me rhoma bọn ẹdia ro sheri na

Urhi Rivẹ 32:36

Kidie Ọrovwohwo che brorhiẹ kẹ ihwo rọye ro de ni arodovwẹ rẹ idibo rọye, ọke rọ da mrẹ nẹ ogangan rayen reri, nẹ ọvuọvo gbi chekọ-ọ, te ọviẹn vẹ ọmuvwiẹ dede.

Iguẹdjọ 2:18

Kọke kọke rẹ Ọrovwohwo na vwọ vwẹ iguẹdjọ vwo mu kẹ ayen, yẹ Ọrovwohwo na vẹ Oguẹdjọ na herọ, o de sivwi ayen nẹ obọ rẹ ivwighrẹn rayen, vwẹ ọke rẹ oguẹdjọ na ejobi; kidie Ọrovwohwo na nẹ arodọvwẹ rayen fiki rẹ enuebro rẹ oja vẹ oshenyẹ rẹ ihwo ri mu kpahe ayen.