Jerimaya 41:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ eshare ujọne de nẹ Shikẹm vẹ Shilo kugbe Samaria rhe, vẹ etuegba ra wanre kugbe emwa rẹ hẹre, vẹ oma rayen ri bru era, re ghwa izobo rẹ eka vẹ adjija cha rẹ ayen cha vwọ kẹ okẹ vwẹ obi uwevwi rẹ Ọrovwohwo na.

Jerimaya 41:5 ပူးပေါင်းရင်းမြစ်များ

Jẹnẹsis 33:18

Jekọp de rhi te orere ri Shikẹm gberhẹnẹdẹ, rọ otọ ri Kenan, vwẹ idjerhe ra wan ni Padanaram cha, o de mu erhọn phihọ ughere rẹ orere na.

Jẹnẹsis 34:2

Ọke ri Shikẹm ọmọ ri Hamọr rẹ ohwo ri Hiv, osun rẹ otọ na, vwọ mrẹ, o de shabọ phihọ ọ vọye da mroma ọ da phọphọ.

Jẹnẹsis 37:12

Vwẹ ọke nana imoni rọye da ra ghẹrẹ igodẹ vwẹ asan rọ kẹrẹ Shikẹm.

2 Samuẹl 10:4

Kọye Hanun da reyọ idibo ri Devid, ọ da wanre ẹtuegba rayen ọvuọvo, o de bru ewun rayen fi vwẹ ugava, vwẹ asan ubiọchọ, o de ji ayen kpo.

1 Ivie 12:1

Rehoboam de kpo Shikẹm, kidie Izrẹl ejobi kpo Shikẹm ra reyọ vwọ ma ovie.

1 Ivie 12:25

Etiyin Jeroboam da bọn Shikẹm vwẹ obo orho rẹ ugbenu rẹ Ifrem, ọ da dia etiyin; o de rhe ne etiyin ra bọn Pẹnuẹl.

1 Ivie 16:24

ọ da dẹ ugbenu ri Sameria mie Shema talẹnt ivẹ rẹ idọnọ efuanfon; ọda gba ogba yariẹ ugbenu na, o de se odẹ rẹ orere rọ bọnre na Sameria, kerẹ odẹ ri Shema, ro vwo ugbenu na.

1 Ivie 16:29

Vwẹ ikpe rọgban gbẹ ẹrenre rẹ Asa ovie ri Juda, Ehab ọmọ rẹ Omri de mu ẹriọ phihọ vwẹ Izrẹl, Ehab rẹ ọmọ rẹ Omri da re vwẹ Izrẹl vwi Sameria ikpe uje gbe ivẹ:

Ivie rẹ Ivẹ 25:9

Ọ da torhẹ uwevwi rẹ Ọrovwohwo na, kugbe ighẹn rẹ ovie na, kugbe iwevwi ejobi rẹ Jerusalẹm; ọ da torhẹ ikpi iwevwi na ejobi muotọ.

1 Ikun rẹ Ivie 19:4

Etiyin Hanun da reyọ idibo ri Devid ọ da wanrọ ayen ẹtuegba, o de bru Iwun rayen vwẹ uherevie, vwẹ asan ehun rayen, o de si obọ nẹ ayen; ayen da yanran kpo.

Une rẹ Ejiro 102:14

Kidie idibo wẹn yọnrọn eragha rọye ghaghare, ọ da re ehrore rẹ iwurhie rọye.

Une rẹ Ejiro 78:60

Ọ da sen ẹdia rọye vwi Shiloh, utughẹ rọ dia vwẹ ohri rẹ ihwo,

Aizaya 15:2

Ọmọtẹ ri Dibọn yanran kpo obenu ọ yanran kpo enu rẹ igbenu ra viẹ; vwẹ enu ri Nebo vẹ enu ri Medeba Moab re beroma. Kuyovwi kuyovwi gba akpan re, a wanre kẹtuegba kẹtuegba,

Jerimaya 16:6

Ihwo ride vẹ ihwo itete che ghwẹ vwẹ otọ nana, e che shi aye-en, ọ rọ viẹ ayen gbe dia-a eyẹ kẹ ọ ro bru ẹto eyẹ ọ rọ wanrẹ uyovwi kẹ aye-en.

Jerimaya 41:4

Ẹdẹ rivẹ ro vwo hwe Gedalaya nu, tavwe rẹ ohwo ke rhe riẹn,

Jerimaya 47:5

Akpan bru Gaza rhire, Ashkẹlọn ghwọrọ nure. E umuku ri chekọ vwẹ ihwo rẹ Anak, Mavọ we bru omobọ rẹ ovwan krite?

Jerimaya 48:37

Kidie kuyovwi kuyovwi a wanherọ, kẹtuegba kẹtuegba e bruro kufia, enu rẹ abo na ejobi erera, vwẹ ehun ejobi kẹ isisọn.

Jerimaya 7:12

Ke yanran kpo ẹdia mẹ rọ hẹ Shiloh, asan rẹ odẹ mẹ diare vwẹ ẹsosuọ, re wa mrẹ obo mi ruro fiki rẹ orukuruku rẹ ihwo mẹ Izrẹl.

Jerimaya 7:14

vwẹ ọtiọye na ki mi che ru kẹ uwevwi na ra vwẹ ode mẹ se na, re wa vwẹ ẹro so, kugbe asan na re me vwọ kẹ esẹ rẹ ovwan na, kirobo ri mi ru ki Shiloh.

Joẹl 2:13

rere wọ bẹrẹ udu wẹn ọ dia amwa wẹ-ẹn, Re wo rhivwi bru Ọrovwohwo, Ọghẹnẹ wẹn, kidie ọ vẹ ehrọre vẹ arodọvwẹ, ọ fobọ mu ophu-u, o vwo ẹguọnọ esiri gangan ọ kpare iroro vrẹn umwemwu.

Urhi Rivẹ 14:1

Ovwan emọ rẹ Ọrovwohwo Ọghẹnẹ rẹ ovwan. we bru oma rẹ ovwa-an, wa je wanre uyovwi phihọ orivwi-i.

Joshua 18:1

Etiyin ukoko rẹ ihwo rẹ Izrẹl ejobi da rhe ghwẹ koko vwi Shiloh, ayen da gba utughẹ ra da vwa oma phihọ etiyin; yẹ ayen phi otọ na ejobi kua nure.

Joshua 24:32

Ibeku ri Josef rẹ ihwo rẹ Izrẹl ghwa nẹ Ijipt rhe e de shi ayen phihọ Shekẹm, vwẹ ẹbẹrotọ ri Jekọp de miẹ emọ ri Hamọr ọse ri Shekẹm esiso rẹ igho, o de rhi hirhe phihọ ẹkẹn uku rẹ emọ ri Jọsef.

Iguẹdjọ 18:31

Ọtiọye na ayen da vwẹ oma rẹ Mika duvwuru na vwo vi phihọ Shiloh vwẹ ọke rẹ uwevwi rẹ Ọghẹnẹ vwọ herọ.

Iguẹdjọ 9:1

Asakiephana Abimẹlẹk ọmọ ri Jerubbaal da yanran kpo Shikẹm bru orua rẹ oni rọye ra ọ da ta kẹ ayen ejobi rẹ orua rẹ oni rọye na nẹ,

1 Samuẹl 1:7

Ọtiọye kọye o ruẹ kukpe kukpe; kọke kokẹ ro kpo uwevwi rẹ Ọrovwohwo na kẹ ọtiọye ọ kparọ ophu. Ọtiọye na Hanah kọ viẹ ọ gbe rhọvwa rie emu-u.