Jerimaya 41:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ishmẹl ọmọ ri Netanaya vẹ ihwo ihwe na de vrẹn vwẹ ọlọkọ nyavwe Gedalaya ọmọ rẹ Ahikam, ọmọ ri Shafan, e de hwe ghwu, ohwo rẹ ovie ri Babilọn vwo mu osun rẹ otọ na.

Jerimaya 41:2 ပူးပေါင်းရင်းမြစ်များ

2 Samuẹl 3:27

Abner ri vwo hirhe te Hebrọn, Joab de se phihọ akakọ kpo ughere rere ọbẹbẹ nene ta omota, etiyin o de duvwo evun o de ghwu, fiki rẹ ọbara rẹ Asahẹl rẹ oniọvo rọye.

Ivie rẹ Ivẹ 25:25

Ẹkẹvuọvo vwẹ emeranvwe righwrẹ na, Ishmael ọmọ ri Netanaya, ọmọ rẹ Elishama, rẹ orua rẹ ovie na, vẹ eshare ihwe da rhe, ayen da họnre, ayen de hwe Gedalaya vẹ ihwo ri Ju vẹ ihwo ri Kaldia re vẹ ọye gba hẹ Mizpa

Une rẹ Ejiro 109:5

Ọtiọye na ke ayen vwẹ umwemwu hwa osa rẹ erhuvwu, omaetuo vwọ kẹ ẹguọnọ mẹ.

Une rẹ Ejiro 41:9

Vwevwe rẹ ugbeyan rẹ erhi mẹ re me vwẹ ẹro so, rọ ria emu mẹ, rhoma vwẹ ichihrawọ vi vwe.

Jerimaya 40:14

ayen da ta kẹ nẹ, Wọ riẹre nẹ Baalis ovie rẹ ihwo rẹ Amọn ji Ishmaẹl ọmọ ri Netanaya rhi hwe we? Ẹkẹvuọvo Gedalaya ọmọ rẹ Ahikam se ayen gbuyota-a.

Jerimaya 40:16

Ẹkẹvuọvo Gedalaya ọmọ rẹ Ahikam ke ta kẹ Johanan ọmọ ri Karia nẹ, Wo che ru emu nana-a, kidie wọ mu efia barẹ Ishmẹl.

Jerimaya 40:5

Ọ da dianẹ wọ domaji, gbe rhivwi bru Gẹdalaya ọmọ re Alukam, ọmọ ri Shafan, ohwo rẹ ovie ri Babilọn vwo mu osun rẹ irere ri Juda na, re wọ dia uherevie rẹ ihwo na; eyẹrẹ gbe kpo asan kasan wo rori no shehọ nu wọ ra. Kọye onotu rẹ ohẹrhe na da kẹ okẹ rẹ emuọre ọ de ji ru ẹse kẹ, o de siobọ nọ yanran.

Jerimaya 40:7

Oke rẹ onotu rẹ ofovwi vẹ ihwo rayen re herọ vwẹ obọ uphephẹ vwo nyo nẹ a vwẹ Gedalaya ọmọ rẹ Ahikam ma osun rẹ otọ na, nẹ a vwẹ eshare vẹ eya gbe emọ na phihọ obọ nure, nẹ e mu otu re ma dia igbere vwẹ otọ na ighuvwu kpo Babilọni-i,

Jerimaya 40:8

ayen da yan kpo Mizpah bru Jerimaya ra–-Ishmaẹl ọmọ ri Netanaya, Jahanan ọmọ ri Karia, Siraya ọmọ ri Tanhumẹt, emọ rẹ Efai ohwo ri Makat, ayen vẹ ihwo rayen.

Jerimaya 41:3

Ishmẹl de ji hwe ihwo ri Ju ejobi re vẹ Gedalaya gba obi Mizpa, ji te ihwo re ofovwi ri Kaldia rọ mrẹre vwẹ etiyin.

Iyẹnrẹ Esiri ri Jọn 13:18

Ọ dia ovwan ejobi me ta-a; me riẹn otu re me jẹreyọ; rere ọbe ọfuanfon na vwọ gba, Ọ rọ re emu mẹ rhoma hirhe ichukawo rọye ku vwẹ.