Jerimaya 40:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ ayen da yan kpo Mizpah bru Jerimaya ra–-Ishmaẹl ọmọ ri Netanaya, Jahanan ọmọ ri Karia, Siraya ọmọ ri Tanhumẹt, emọ rẹ Efai ohwo ri Makat, ayen vẹ ihwo rayen.

Jerimaya 40:8 ပူးပေါင်းရင်းမြစ်များ

2 Samuẹl 10:6

Rẹ ihwo rẹ Ammọn rhe vwọ riẹn nẹ ayen gbo hwe Devid, ihwo rẹ Ammọn de re durhie ihwo ri Siria ri Bẹtrehọb, kugbe Siria ri Zobah, isodje uriori uje re vwẹ owọ yan, kugbe ovie ri Maakah vẹ ihwo uriori kugbe ihwo ri Tọb, uriori ihwivẹ.

2 Samuẹl 10:8

Etiyin ihwo rẹ Ammọn da rhe ayen de rhi si ofovwi koko vwẹ ughere rẹ orere na; kugbe Siria ri Zobah vẹ Rehob, kugbe ihwo ri Tọb vẹ Maakah, e vayen gbe mudia vwẹ asan ophephẹn rẹ orho na.

2 Samuẹl 23:34

Eliphẹlẹt ọmọ Ahasbai ri Maacah, Eliam ọmọ rẹ Ahitofẹl ri Gilo,

Ivie rẹ Ivẹ 25:23

Asakiephana ilotu rẹ ofovwi vẹ ihwo rayen vwo nyo nẹ ovie ri Babilọn vwi Gedalaya ma osun ayen vẹ ihwo rayen de bru Gedalaya rhe Mizipa, Ishmẹl ọmọ ri Netanaya, Johanan ọmọ ri Karia, kugbe Seraya ọmọ ri Tanhumet, ohwo ri Netorat, vi Jazanaya ọmọ rẹ Maakat.

Ivie rẹ Ivẹ 25:25

Ẹkẹvuọvo vwẹ emeranvwe righwrẹ na, Ishmael ọmọ ri Netanaya, ọmọ rẹ Elishama, rẹ orua rẹ ovie na, vẹ eshare ihwe da rhe, ayen da họnre, ayen de hwe Gedalaya vẹ ihwo ri Ju vẹ ihwo ri Kaldia re vẹ ọye gba hẹ Mizpa

1 Ikun rẹ Ivie 11:30

Meharai ri Netofa, Heled rẹ ọmọ ri Baanah ri Netofah,

1 Ikun rẹ Ivie 2:48

Maaka, rẹ ọnse ri Kalẹb, de vwiẹ Sheber kugbe Tirhanah.

1 Ikun rẹ Ivie 2:54

Emọ ri Salma: Bẹtlẹhẹm, ihwo rẹ Netofat, Atrotbetjoab, kugbe ubro rẹ ihwo ri Manahat, ihwo ri Zor.

Ezra 2:2

Ayen da rhe vi Zerubabẹl, Joshua, Nehemaya, Seraiah, Reelaiah, Modecai, Bilshan, Mispar, Bigvai, Rehum kugbe Baana. Unu rẹ ihwo rẹ Izrẹl:

Ezra 2:22

Eshare ri Netofa, ujuvẹ gbẹ ihwe gbẹ esan.

Nehemaya 7:26

Ihwo ri Bẹtlẹhẹm vi Netofah, ujori gbẹ ujọne gbẹ ẹrenre.

Jerimaya 37:15

Isun na de mu ophu kpahe Jerimaya, ayen de hwe ayen de muo phihọ uwodi vwẹ uwevwi ri Jonatan rẹ osiẹbe na, kidie a rhẹriẹ uwevwi yena phihọ uwodi nure.

Jerimaya 37:20

Gbe nyo, me rẹ wẹ, E ọrovwovwe ovie me, jẹ orẹ mẹ rhe obaro wẹn, wọ gbe reyọ ovwe rhivwi kpo uwevwi ri Jonatan rẹ osiẹbe na-a, mi de rhe ghwu vwẹ etiyin.

Jerimaya 38:26

etiyin ko wọ vuẹ ayen, Me vwẹ oma kpotọ rẹ ovie nẹ ọ vwẹ ovwẹ rhivwi kpo uwevwi ri Jonatan re ghwu vwẹ etiyi-in.

Jerimaya 40:11

Eriyin rhe, ọke rẹ ihwo ri Ju re hẹ obi Moab, vẹ uherevie rẹ ihwo rẹ Amọn vẹ e re hẹ obi Idọm kugbe e re hẹ obo etọ efa vwo nyo nẹ ovie ri Babilọn yan jẹ ihwo evo vwo vwẹ evun ri Juda nẹ ọ vwẹ Gedalaya ọmọ rẹ Ahikam rẹ ọmọ in Shafan mu osun vwẹ enu rayen,

Jerimaya 40:13

Ọke nana Johanan ọmọ ri Karia vẹ isun rẹ ofovwi rẹ orere rọ hẹ obo uphephẹ na ejobi de bru Gedalaya rhe obi Mizpa,

Jerimaya 40:14

ayen da ta kẹ nẹ, Wọ riẹre nẹ Baalis ovie rẹ ihwo rẹ Amọn ji Ishmaẹl ọmọ ri Netanaya rhi hwe we? Ẹkẹvuọvo Gedalaya ọmọ rẹ Ahikam se ayen gbuyota-a.

Jerimaya 40:15

Etiyin Johanan ọmọ ri Karia ke bẹbẹ ta kẹ Gẹdalaya vwẹ Mizpa, Ju vwe yanran re mi hwe Ishmaẹl ọmọ ri Netanaya ghwu, ohwo ọvuọvo sa riẹ-ẹn. Die sorọ o vwo hwe we, rẹ ihwo ri Ju na ejobi re yariẹ owẹ phihọ na vwọ hra, rẹ ihwo ri chekọ kẹ Juda na vwọ ghwọrọ?

Jerimaya 40:6

Etiyin Jermiaya da yan bru Gedalaya ọmọ rẹ Ahikam, vwẹ Mizpa, o de nene dia vwẹ uherevie rẹ ihwo ri cheko vwẹ otọ na.

Jerimaya 41:1

Vwẹ emeranvwe righwrẹ Ishmẹl ọmọ ri Netanaya, ọmọ rẹ Elishama, ọ rẹ orua rẹ ovie na, ọvo vwẹ oruiruo rode rẹ ovie na vẹ eshare ihwe de bru Gedalaya ọmọ rẹ Ahikam rhe vwẹ obi Mizpa. Rẹ ayen vwọ re emu vwi Mizpa,

Jerimaya 41:11

Ẹkẹvuọvo ọke ri Johanan ọmọ ri Karia vẹ isun rẹ ofovwi re vẹ ọye gba herọ vwo nyo umwemwu rẹ Ishmẹl ọmọ ri Netanaya ruru,

Jerimaya 41:2

Ishmẹl ọmọ ri Netanaya vẹ ihwo ihwe na de vrẹn vwẹ ọlọkọ nyavwe Gedalaya ọmọ rẹ Ahikam, ọmọ ri Shafan, e de hwe ghwu, ohwo rẹ ovie ri Babilọn vwo mu osun rẹ otọ na.

Jerimaya 42:1

Etiyin ijurhi rẹ ofovwi na ejobi, vẹ Johanan ọmọ ri Karia vẹ Azaraya ọmọ rẹ Hoshaya, kugbe ihwo na ejobi nẹ otete re te orọde rayen, ki rhi si kẹre

Jerimaya 42:8

Etiyin o dẹ se Johanan ọmọ ri Karia vẹ ijurhi rẹ ofovwi ejobi ri nene koko, vẹ ihwo na ejobi nẹ ọ rẹ otete re tẹ ọrode rayen.

Jerimaya 43:2

Azaraya ọmọ ri Hoshaya kugbe Johanan ọmọ ri Karia kugbe iduota na ejobi da ta kẹ Jerimaya nẹ, Wọ vwọrefian. Ọrovwohwo Ọghẹnẹ rẹ avwanre ji we ra vuẹ avwanre-e nẹ, Wa yanran kpo Ijipt re wa ra dia oboyi-i;

Jerimaya 43:5

Ẹkẹvuọvo Johanan ọmọ ri Karia vẹ isun rẹ ofovwi na ejobi da reyọ umuku rẹ ihwo ri chekọ vwi Juda na ejobi i ri rhivwi rhe nẹ uvwiẹ kuvwiẹ ra djẹ ayen ra jovwo rhe vwọ dia otọ ri Juda na–

Urhi Rivẹ 3:14

Jaia rẹ ohwo ti Manasse da reyọ otọ rẹ Agọb ejobi, kọye, Bashan, re te ughwru rẹ ihwo ri Geshuo vẹ ihwo ri Meakat; ọ da vwẹ odoma rọye Bashan-havot vwo se ayen, rhi te nonẹ na).

Joshua 12:5

ro suẹn Ugbenu ri Hẹrmọn kugbe Salekah vi Bashan ejobi re te ughwru ri Gẹshua vẹ Maakat, vẹ ubro ri Gilead re te ughwru ri Sihọn ovie ri Hẹshbọn