Jerimaya 40:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ọ da dianẹ wọ domaji, gbe rhivwi bru Gẹdalaya ọmọ re Alukam, ọmọ ri Shafan, ohwo rẹ ovie ri Babilọn vwo mu osun rẹ irere ri Juda na, re wọ dia uherevie rẹ ihwo na; eyẹrẹ gbe kpo asan kasan wo rori no shehọ nu wọ ra. Kọye onotu rẹ ohẹrhe na da kẹ okẹ rẹ emuọre ọ de ji ru ẹse kẹ, o de siobọ nọ yanran.

Jerimaya 40:5 ပူးပေါင်းရင်းမြစ်များ

Ivie rẹ Ivẹ 22:12

Ovie na da ta kẹ Hilkaya orherẹn na, kugbe Ahikam ọmọ ri Shafan, kugbe Ashibo ọmọ ri Maikaya, kugbe Shafan osiọbe na, kugbe Asaya odibo rẹ ovie na nẹ,

Ivie rẹ Ivẹ 22:14

Kọye Hilkaya rẹ orherẹn na vẹ Ahikam kugbẹ Ashibo, vi Shafan, kugbe Asaya de bru Hulda ọmraro rẹ aye, aye ri Shalum, ọmọ ri Tikiva, ọmọ ri Hahaz, ọ rọ vwẹ ẹro te idọrọ re iwun (ọke nana ọ dia Jerusalẹm vwẹ urhuvwu rivẹ); ayen de nene ta ota.

2 Ikun rẹ Ivie 34:20

Ovie na de ji iji ki Hilkaya, Ahikam, ọmọ ri Shafan, Abdọn ọmọ ri Mika, Shafan osiọbe na, kugbe Asaiya odibo rẹ ovie, tanẹ,

Ezra 7:27

Ebruphihọ kẹ Ọrovwohwo, Ọghẹnẹ rẹ esẹ rẹ avwanre, ro phi oghẹre rẹ emu ọtiọna phihọ udu rẹ ovie, nẹ ọ ra rhuẹrẹ uwevwi rẹ Ọghẹnẹ rọ hẹ obi Jerusalẹm.

Ezra 7:6

Ẹzra nana koye ne Babilọn rhe. Osiọbe o ruẹ rọ riẹn kpahe urhi ri Mosis rẹ Ọrovwohwo rẹ Ọghẹnẹ rẹ Izrẹl vwọ kẹ, ovie da vwẹ emu ejobi rọ guọnọre vwọ kẹ, kidie obọ rẹ Ọrovwohwo Ọghẹnẹ rọye vẹ ọye herọ.

Nehemaya 1:11

E Ọrovwohwo, jẹn erhọn wẹn nabọ rhie phihọ ke ẹrhovwo re odibo wẹn, ji kugbe ẹrhovwo re idibo wẹn re vwe omavwerhe dje oshọ re odẹ wẹn na, wọ vwe obọekparọ ke odibo wẹn nonẹ na, re wọ ke arọdọvwe wẹn, vwẹ obaro re ohwo nana. Asakiephana mẹvwẹ ọye omuidi rẹ ovie na.

ỌBE RẸ JOB 22:29

Kidie Ọghẹnẹ si ọvweheri kpotọ, o mi sivwi ohwo rọ pha dẹndẹn.

Isẹ 16:7

Ọke rẹ idjerhe rẹ ohwo de je Ọrovwohwo, ivwighre rọye dede na ke rhoma dia ọnse rọye.

Isẹ 21:1

Udu rẹ ovie epha kerẹ uto rẹ ame vwẹ obọ rẹ Ọrovwohwo na; o se kuo rhẹriẹ kirobo ri jere.

Jerimaya 15:11

Jọ dia ọtiọye, E Ọrovwohwo, ọ da dianẹ me rẹ wẹ vwi fiki rẹ erhuvwu raye-en me rha rẹ wẹ vwọ ke ayen fiki rẹ ivwighrẹ vwẹ oke rẹ ukpokpogho!

Jerimaya 26:24

Ẹkẹvuọvo Ahaikam ọmọ ri Shafan da nabọ vwẹ obọ rhurhu Jerimaya gangan ọtiọye na ọ gbe rhọvwe vwọ kẹ ayen hwe-e.

Jerimaya 39:14

de ji ikọn ra reyọ Jerimaya nẹ ọguan rẹ ohẹrhẹ na rhe. Ayen da vwọ ke Gedalaya ọmọ rẹ Ahikam, ọmọ ri Shafan, re ọ reyọ kpọ. Ọtiọye ọ da dia ohri rẹ ihwo na.

Jerimaya 40:4

Asakiephana gbe nighe, nonẹ na me rhan ejọnrọn nẹ abọ wẹn. Ọ da dianẹ oyovwi kẹ wẹ rere wo nene uvwe kpo Babilọn, gba yanrhe, ke me vwẹ ẹro te we yoyovwi; ẹkẹvuọvo o gbi fo kẹ wẹ rere wo nene uvwe kpo Babilọn na-a, wo jovwo. Gbe ni otọ na soso ọ hẹ obaro wẹ, gba yan kpo asan kasan wo rori no yovwiri ro ji shehọ ru wọ ra.

Jerimaya 41:1

Vwẹ emeranvwe righwrẹ Ishmẹl ọmọ ri Netanaya, ọmọ rẹ Elishama, ọ rẹ orua rẹ ovie na, ọvo vwẹ oruiruo rode rẹ ovie na vẹ eshare ihwe de bru Gedalaya ọmọ rẹ Ahikam rhe vwẹ obi Mizpa. Rẹ ayen vwọ re emu vwi Mizpa,

Jerimaya 41:18

Fikirẹ ihwo ri Kaldia, kidie ayen djẹ oshọ rayen, fikiridie Ishmẹl ọmọ ri Netanaya hwe Gedalaya ọmọ rẹ Ahikam, ohwo rẹ ovie ri Babilọn vwo mu osun rẹ otọ na.

Jerimaya 41:2

Ishmẹl ọmọ ri Netanaya vẹ ihwo ihwe na de vrẹn vwẹ ọlọkọ nyavwe Gedalaya ọmọ rẹ Ahikam, ọmọ ri Shafan, e de hwe ghwu, ohwo rẹ ovie ri Babilọn vwo mu osun rẹ otọ na.

Iruo rẹ Iyinkọn na 27:3

Ẹdẹ rivẹ avwanre de duvwu Saidọn, Juliọs da nabọ vwẹ ẹro te Pọl, ọ da vwẹ ọke kẹ nẹ ọ ra mrẹ igbeyan rọye rere ayen ghẹrẹ.

Iruo rẹ Iyinkọn na 27:43

ẹkẹvuọvo olotu rẹ ujori na, rọ vwo guọnọ Pọl sivwi, o gbi jẹ ayen ru obo rẹ ayen rori na-a. Ọ da ta kẹ otu re sa rhẹrhẹ nẹ ayen phọ phihọ ame rere ayen rhẹrhẹ wotọ.

Iruo rẹ Iyinkọn na 28:10

Ayen de ru ẹse buebu kẹ avwanre, ọke rẹ avwanre che vwo bi, ayen da ghwẹ kemu kemu rẹ avwanre guọnọre phihọ okọ kẹ avwanre.

Hibru 13:6

Kẹ avwanre sa vwẹ obọ saudu nẹ, Ọrovwohwo hẹ ọchuko mẹ, oshọ gbi mu uvwe-e; kidie ohwo se ru kẹ vwẹ?