Jerimaya 40:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Vwọ kẹ vwẹ, Mizpa me cha dia, re mi mudia kẹ ovwan vwẹ obaro rẹ ihwo ri Kaldia na ri che bru avwanre rhe; ẹkẹvuọvo vwọ kẹ ovwan, we koko wain vẹ emamọ rẹ ọkeuvo kugbe evwri, wa sẹro rayen vwẹ evun rẹ ekuakua rẹ ovwan, re wa dia irere rẹ ovwan re wa reyọre nure na.

Jerimaya 40:10 ပူးပေါင်းရင်းမြစ်များ

2 Samuẹl 16:1

Ọke ri Devid vwọ wan enu rẹ ugbenu na vrẹn nu emerha, Ziba rẹ odibo ri Mefiboshẹt da vwa, vẹ ekẹtẹkẹtẹ ivẹ ra vwẹ ufi mu unu, vẹ oghwa rẹ ikara rọ ghware ikori uri, kugbe razin ujọri, kugbe emamọ rẹ ọke uvo ujori, kugbe ophiẹn ri wain.

1 Ivie 10:8

Aghọghọ kẹ eya wẹn. Aghọghọ kẹ idibo wẹn nana, re vwẹ kọke kọke mudia vwẹ obaro wẹn ri nyo ẹghwanre wẹn.

Isẹ 22:29

Wọ mrẹ ohwo rọ riẹn iruo rọye? o che mudia vwẹ obaro rẹ ivie; o che mudia vwẹ obaro rẹ erharhe rẹ ihwo-o.

Isẹ 27:25

Ọke rẹ odi da torhẹ nu, re odi ọkpokpo da dje rhe nu, a da rhe ghwẹ ẹbe rẹ ugbenu na ejobi koko nu,

Aizaya 16:9

Eriyin na oviẹ ri Jazer kọ nẹrhẹ ovwẹ viẹ fiki ri vain ri Sibmah, Me vwẹ oviẹ mẹ kpọrhọ owẹ, E Hẹshbọn kugbe Elealeh; kidie vwẹ enu rẹ emamọ wẹn kugbe orhọ wẹn ọye unuebo rẹ ofovwi na she phihọ.

Jerimaya 35:19

ọtiọye na enẹ Ọrovwohwo rẹ otuofovwi, Ọghẹnẹ rẹ Izrẹl na tare: Ohwo ro mudia vwẹ obaro me gbe sa kare Jonadab rẹ ọmọ ri Rekah bẹdẹ-ẹ.

Jerimaya 39:10

Nebuzaradan, onotu rẹ ohẹrhẹ na, de jẹn ivwiogbere evu vẹ ihwo ri vwo emuọvo-o vwo vwẹ otọ ri Juda, ọ da kẹ ayen ogba ri vain vẹ idju vwẹ ọke yena.

Jerimaya 40:12

etiyin ihwo ri Ju na ejobi de rhivwi nẹ asan ra djẹ ayen ra rhe otọ ri Juda, bru Gẹdalaya rhe vwẹ obi Mizpa; ayen de koko wain vẹ emamọ rẹ ọkeuvo buebu.

Jerimaya 40:6

Etiyin Jermiaya da yan bru Gedalaya ọmọ rẹ Ahikam, vwẹ Mizpa, o de nene dia vwẹ uherevie rẹ ihwo ri cheko vwẹ otọ na.

Jerimaya 43:5

Ẹkẹvuọvo Johanan ọmọ ri Karia vẹ isun rẹ ofovwi na ejobi da reyọ umuku rẹ ihwo ri chekọ vwi Juda na ejobi i ri rhivwi rhe nẹ uvwiẹ kuvwiẹ ra djẹ ayen ra jovwo rhe vwọ dia otọ ri Juda na–

Jerimaya 48:32

Me viẹ kẹ Jaza nọ wẹ E vain ri Sibma! Eghọn wẹn shariẹ abadi vrẹn rhiri re te obi Jaza; vwẹ enu rẹ emamọ rẹ ọkeuvo wẹn kugbe vain. Oghwọrọ na de she teyọ.

Maika 7:1

Ekan kẹ vwẹ! Kidie me rhe họhọ ọke ra da kọrọ emamọ rẹ ọkeuvo nu, kerẹ ọke ra da kọrọ ibi ri vain ejobi nu: rẹ erheghe ọvuọvo gbe herọ ra ria-a, o gbi vwo ubi ri fig rẹ ẹsosuọ rọ vware rẹ erhi mẹ guọnọre-e

Iyẹnrẹ Esiri ri Luk 21:36

Ẹkẹvuọvo rhẹrẹ vwẹ ọke ejobi, nẹ ẹrhovwo rere wo se vwo ogangan wọ vwọ vabọ rẹ imu nana ejobi re cha phia na, re wo vwo se mudia vwẹ obaro rẹ Ọmọ rẹ ohwo.

Urhi Rivẹ 1:38

Joshua ọmọ ri Nun, ro mudia obaro wẹn na ọye cha ruẹ Etiyin na; wọ phi udu phihọ awọ; kidie ọye che ru Izrẹl riuku rọye.

Urhi Rivẹ 16:13

Ẹdẹ ighwrẹ wa re orẹ rẹ egarivi, vwẹ ọke ru wa da ghwẹ orhọ rẹ ovwan te ntnwevwi re de woro eka, vẹ asan re de mie wain;