Jerimaya 4:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Fiki rẹ ọnana, gba vwẹ esiso rhuo, viẹ beroma; kidie ophu ọtuatua rẹ Ọrovwohwo na ji kurhẹriẹ jẹn avwanre vwo-o.

Jerimaya 4:8 ပူးပေါင်းရင်းမြစ်များ

Une rẹ Ejiro 78:49

O de siobọ nẹ ophu ọtuatua rọye bru ayen ra, ophu, ivuemiovwo, omaẹguọghọ, usun rẹ emakashe re ghwọrọ.

Aizaya 10:4

Emuọvo rhe chekọ-ọ jokpa rẹ ighuvwu ra cha ghwọrọ eyẹ eye she vwẹ ohri rẹ ihwo re hweri. Kidie vwẹ enana ejoi na ophu rọye fueri-i yen obọ rọye je riẹn phia.

Aizaya 13:6

Beroma, kidie ẹdẹ rẹ Ọrovwohwo na kẹrire, kerẹ ẹghwọrọ ro nẹ obọ rẹ Ọrovwoẹgba rhe eriyin ọ cha rhe!

Aizaya 22:12

Vwẹ ẹdẹ yena Ọrovwohwo Ọghẹnẹ rẹ otuofovwi ko che se ihwo rhe viẹ rhi muomahọ, rhe wanre uyovwi korie rhe, vwẹ esiso rhuo,

Aizaya 32:11

Phariẹ, ovwan eya re hẹ ofuvweghe, guoma, ovwan ri ghwaho rerẹ na ghwie nu, ru wọ ba oma wẹn phihọ, wọ vwe eslsọ rhuọ ehun wẹn.

Aizaya 5:25

Kọye ophu rẹ Ọrovwohwo vwọ tua kpahe ihwo rọye, ọ da riẹn obọ kpahe ayen ọ da ghwiẹ ayen, igbenu na de kpogho irivwi rayen kerẹ ikueku vwẹ uherevie rẹ urhuvwu Vwẹ enana ejobi na ophu rọye ji fue-e, yẹn obọ rọye je riẹn phia rhe.

Aizaya 9:12

Otu ri Siria vwẹ obaro ọnre kugbe Filistia vwẹ obuko ọnre mi rhie unu vwo mu Izrẹl rọ. Kidie vwẹ enana ejobi na ophu rọye feuri-i yẹn obọ rọye je riẹn phia.

Aizaya 9:17

Fiki rẹ ọtiọye na oma gbe vwerhe Ọrovwohwo kpahe imighene raye-en, o gbe re ehrọre rẹ ọmọphrorivwi vẹ eyauku raye-en, kidie ayen ohwo ọvuọvo vwo Ọghẹnẹ-e, ayen iruimwemwu rẹ unu rayen ọvuọvo ta ota rẹ ẹkpa. Kidie vwẹ enana ejobi na ophu rọye ji fue-e, yẹn obọ rọye je riẹn phia.

Aizaya 9:21

Manasse ria ọ rẹ Ifrem, Ifrem ria ọ ri Manasse, ayen de koko vwọ so Juda. Vwẹ enana ejobi na ophu rọye fueri-i yẹ obọ rọye je riẹn phia.

Jerimaya 25:34

Viẹ, ovwan isuigegede, re we kperi, gbunie vwẹ iwurhie, ovwan ilori rẹ igegede na, Kidie ẹdẹ rẹ ehwe vẹ ọ rẹ ohra rẹ ovwan rhire wo che she kerẹ egbo yoyovwi

Jerimaya 30:24

Ophu ọgangan rẹ Ọrovwohwo na se rhivwi-i bẹsiẹ ro vwo ru iroro rọ jẹre vwẹ udu rọye na gba. Wa cha riẹn ọnana vwẹ ẹdẹ rẹ ukuko na.

Jerimaya 48:20

Oma vo Moab re, kidie a ghwọerọ; kuenu wọ viẹ! Ta vwẹ oma rẹ Anọn nẹ a guọghọ Moab te otọ.

Jerimaya 6:26

Vwẹ esiso rhuo, E ọmọtẹ rẹ ihwo mẹ, wo gbule vwẹ iwurhie; muomahọ kerẹ ohwo ro vwerhe ọmọ ọvuọvo rọyen, omamọ rẹ oviẹ ro muenu korokoro kidie kpregede na ọye oghwọrọ na che vwo bru avwanre rhe.

Uvwerhe 1:12

O fiẹ emuọvo kẹ ovwan ovwan ejobi re wan vrẹn na? Ni rẹ wo mrẹ sa sa mrẹ oja rọ họhọ ọmẹ ro she nyẹ vwẹ na, rẹ Ọrovwohwo ru vwe na vwẹ ẹdẹ rẹ ophu ọgagan rọye na.

Izikiẹl 21:12

Viẹ wo beroma, ọmọ rẹ ohwo, kidie ihwo mẹ a ta kpaha na; a ta kpahe isun rẹ Izrẹl, a vwẹ ayen vẹ ihwo mẹ vwọ kẹ ọlọkọ hwe. Gba ghwiẹ ekpoghowọ wẹn.

Izikiẹl 30:2

Ọmọ rẹ ohwo, mraro, re wọ ta, E nẹ Ọrovwohwo Ọghẹnẹ tare: Beroma, Eghwo kẹ ẹdẹ na!

Joẹl 1:13

Vwẹ esiso rhuo re wọ viẹ, E irherẹn na berọma, E otu ri gbe odibo vwẹ enu rẹ agbada na Ro uwevwi, vwẹ esiso rhuo shevwerhẹ. E otu ri gbe odibo kẹ Ọghẹnẹ mẹ! Fikiridie izobo rẹ ọka vẹ izobo rẹ udi e si ayen nẹ uwevwi rẹ Ọghẹnẹ wẹn re.

Emọs 8:10

Ki mi che hirhe orẹ wẹn phihọ omaemuohọ, ine ẹsuọ wẹn ejobi phihọ omaevwerhe ke Me vwẹ emwa rẹ uvweri rhuo ayen ejobi, uyovwi rẹ ohwo kohwo ko gbe akpan; kọ họhọ ohwo ro muomaphihọ fiki ọmọ ọvuọvo ro vwiẹri oba rọye kẹ ẹdẹ rọ yara korokoro.

Maika 1:16

Gbe oma wẹn akpan re wo bru ẹton wẹn nu, fiki rẹ emọ re vwerhe owẹ oma; gbe gbe oma wẹn akpan kerẹ ugo, kidie ayen che vrẹn nẹ uwe oma kpo ighuvwu.

Ukeri 25:4

Ọrovwohwo da ta kẹ Mosis, Reyọ ehọnvwọre rẹ ihwo na, re wo churu ayen si uvo vwẹ obaro re Ọrovwohwo, rere ophu ọtuatua rẹ Ọrovwohwo na vwo bi chọ Izrẹl ra.