Jerimaya 4:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Kpare aphiana vwo ni Zayọn, djẹ kẹ arhọ wẹn, wo muẹdia-a kidie me ghwa umiovwo nẹ obọhwẹre ọnre cha kugbe ẹghwọrọ rọde na.

Jerimaya 4:6 ပူးပေါင်းရင်းမြစ်များ

Aizaya 62:10

Wan anurhoro na, wan inurhoro na, rhuẹrẹ idjerhe na phihọ kẹ ihwo na; gbẹn gbẹn idjerhe rode na phihọ, tọrọ ibieragha nọ, kpare oka ke ihwo na mrẹ.

Jerimaya 10:22

Kerhọn rẹ alegbe! Nighe, ọ vẹn cha– edo rode na nẹ oboọhwẹre ọnre cha ọ cha ghwọrọ irere ri Juda hirhe phihọ ofefe, kere unu rẹ ẹrha.

Jerimaya 18:11

Ọtiọye na gba ta kẹ ihwo ri Juda vwẹ asakiephana re wọ je ta kẹ ihwo re dia Jerusalẹm, Enẹ Ọrovwohwo tare, Nighe, me herọ choma re umiovwo kpahe owẹ, me je jẹ iroro kpahe owẹ. Dohwo didjerhe umwemwu rọye kurhẹriẹ nu wa rhuẹrẹ idjerhe vẹ eyere rẹ ovwan phihọ.

Jerimaya 21:7

Ukuko rọye, eriyin Ọrovwohwo tare, mi che phi Zẹdikaya ovie ri Juda tẹ idibo rọye, vẹ ihwo rẹ orere nana rẹ emiavwe vẹ ọlọkọ kugbe owẹvwe hwe chekọ phihọ obọ ri Nẹbukadreza ovie ri Babilọn ji phihọ obọ rẹ ivwighrẹ rayen, phihọ obọ rẹ ihwo re guọnọ arhọ rayen. Ọ cha vwẹ arọ rẹ ọlọkọ nyavwẹ ayen, o che mu ayen ẹro-o, o ji jẹn ayen vwo-o, ọ je rẹ ehrọre raye-en.

Jerimaya 22:7

Me cha reyọ otu re ghwọrọ vwọ họnre owẹ, dohwo dekuakua rọye, ayen che she emamọ ri igẹdu wẹn kuoto, a da ghwe ayen phihọ erhanre.

Jerimaya 25:9

gbe nighe, mi che se uvwiẹ rẹ obọhwẹre ọnre cha, eriyin Ọrovwohwo tare, kugbe Nebukadreza ovie ri Babilọn, odibo mẹ na, me ghwẹ ayen rhe vwọ họnre otọ nana vẹ ihwo re dia, je kpahe irere nana re yarierẹ na; me cha ghwọrọ ayen tọtọtọ, mi de ru ayen imuosho vẹ unuẹfiọn, kugbe ihwo ra hwe bẹdẹ.

Jerimaya 4:21

Mavọ me mrẹ aphiana na krite mavọ mi nyo edo rẹ ọgban na krite?

Jerimaya 50:2

Djẹ phia vwẹ ohri rẹ ẹgborho na wo ghwoghwo, vwẹ aphiana tan wo ghwoghwo, wo sionẹ-ẹ, re wo tanẹ: A reyọ Babilọn nure, oma vo Bẹl nure, ofu dje Mẹrodak nure. A vwẹ ema rọye jehwẹ, ofu dje edjọ rọye.

Jerimaya 50:22

Edo rẹ ofovwi hẹ otọ na, vẹ ẹghwọrọ rode!

Jerimaya 51:12

Vwẹ aphiana tan kpahe igbẹhẹ ri Babilọn; jẹn ohẹrhẹ na gan vwẹ erhẹrotọ mu, jẹn ihwo hwa phihọ. Kidie Ọrovwohwo jẹ iroro na ọye ji ruo obo rọ tare kpahe ihwo ri Babilọn.

Jerimaya 51:27

Vwẹ aphiana vi vwẹ akpọ na, hwọrọ owanre vwẹ ohri rẹ ẹghorho na; rhuẹrẹ ẹgborho na kẹ ofovwi ra vwọ suọ, se uvie na koko vwọ suọ, Ararat, Mini, vẹ Ashkinaz, vwẹ onotu ọvo mu vwọ suọ ghwe iyesi rhe kerẹ ebaka ri do.

Jerimaya 51:54

Kerhon, unuebo nẹ Babilọn cha! Edo rẹ ẹghwọrọ rode nẹ otọ rẹ ihwo ri Kaldia rhe!

Jerimaya 6:1

Djẹ kẹ arhọ wẹn, E ovwan ihwo ri Bẹnjamin, nẹ uherevie ri Jerusalẹm! Hworo ọgban vwi Tekoa, dje oka phia vwi Betakcherem; kidie umiovwo re ghwie nẹ obohwẹre ọnre cha, kugbe eghwọrọ rode.

Jerimaya 6:22

Enẹ Ọrovwohwo na tare: Nighe, ihwo evo nẹ obọhwẹre ọnre cha ẹgborho rode na ri tue nẹ ogboko, oba rẹ akpo na cha.

Izikiẹl 9:1

Etiyin ọ da van kperi se vwe, tanẹ, Bi kẹre ovwẹ, ovwan re guọghọ orere na, dohwo dọkọlọ re ẹguọghọ rọye vwẹ obọ.

Izikiẹl 9:2

Nighe, eshare esan de nẹ ẹbẹre rẹ anurhoro rẹ obenu na rhe, ro hirhe aro ku obuko ọnre, dohwo dọkọlọ rọye rọ cha vwọ nyavwa vwẹ obọ, ohwo ọvo rọ vwẹ isada rhuo vwọ ba ayen, vẹ ekpu re vwo si ẹbe rọ vwọ ya oma. Ayen da ro uwevwi re mudia kẹrẹ agbada rẹ ẹrovwo na.

Zẹfanaya 1:10

Vwẹ ẹdẹ yena, Eriyin Ọrovwohwo na tare, ke che nyo unuebo vwẹ obo Anurhoro rẹ Eri na, oviẹ ko che nẹ ubro rẹ orho rivẹ rhe, edo gbragada ko nẹ obo ugbenu na rhe.

Zekaraya 6:6

Akpẹrẹ ro vwo iyesi ibebi na da yan hirhe aro ku orho rọ hẹ obọhwere ọnre, e re efuanfon na da yan hirhe aro ku orho rọ hẹ obuko ọnre, e re pha gbrogbro na da yan hirhe aro ku orho rọ he obọhwẹre ọnre.