Jerimaya 4:28 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁸ Fiki rẹ ọnana akpọ na ki che muomahọ, obenu ko che bi, kidie me ta nure, me jẹn iroro nure, mi che dogho obọ-ọ mi ji kurhẹriẹ-ẹ.

Jerimaya 4:28 ပူးပေါင်းရင်းမြစ်များ

Aizaya 24:4

Akpọ na re muomahọ o re vwioro, akpọ na ro brenu ọ rọ fẹbe; idjuvwu nene akpọ na viẹ.

Aizaya 34:4

Usun re otu re obo odjuvwu ejobi che gbo kufia, obenu na ko che kpirhi kere eni. Otu rayen ejobi ki che she, kere obo re che kpara ne vain, kere che ri fig rọ kpara she ne urhe rọye

Aizaya 5:30

Ayen guan vwi fiki rọye vwẹ ẹdẹ yena, kerẹ urhie ro do. Ohwo da kparo ni otọ na, nighere, ebri kugbe ivuemiovwo, orẹmrẹ na ko che mu ebri vwi fiki rẹ ikoro na.

Aizaya 50:3

Me vwẹ ebri vwo rhuo idjuvwu na, esiso kọye ayen vwo phopho.

Jerimaya 12:11

Ayen ruro phihọ ofefe, ofefe, o muomahọ kẹ vwẹ. E ru otọ na soso phihọ ofefe, ẹkẹvuọvo ohwo rọ dare herọ-ọ.

Jerimaya 12:4

Mavo otọ na muoma phihọ krite, rẹ ẹbe rẹ aghwa na vwioro krite? fiki rẹ umwemwu rẹ otu re dia evun rọye, tẹ eranvwe vẹ emephran e hwerhe ayen kufia kidie ihwo tare nẹ, Ọ sa mrẹ oba rẹ avwanre-e.

Jerimaya 14:2

Juda muomahọ Anurhoro rọye re brenu, ihwo rọye ra viẹ vwẹ otọ na, oviẹ ri Jerusalẹm mu kpenu

Jerimaya 23:10

Kidie otọ na vọnre vẹ igberadja; fiki rẹ ekan otọ na vwo muomahọ, odi rẹ aghwa na ejobi je ya re. Idjerhe rayen omiomiovwi, ẹgba rayen shehọ-ọ.

Jerimaya 23:20

Ophu rẹ Ọrovwohwo se rhivwi-i bẹsiẹ ro vwo brorhiẹ rẹ imu re hẹ udu rọye re nu. Vwẹ ẹdẹ rẹ okuko na wa cha riẹn phephe.

Jerimaya 30:24

Ophu ọgangan rẹ Ọrovwohwo na se rhivwi-i bẹsiẹ ro vwo ru iroro rọ jẹre vwẹ udu rọye na gba. Wa cha riẹn ọnana vwẹ ẹdẹ rẹ ukuko na.

Jerimaya 51:12

Vwẹ aphiana tan kpahe igbẹhẹ ri Babilọn; jẹn ohẹrhẹ na gan vwẹ erhẹrotọ mu, jẹn ihwo hwa phihọ. Kidie Ọrovwohwo jẹ iroro na ọye ji ruo obo rọ tare kpahe ihwo ri Babilọn.

Jerimaya 7:16

Vwọ kẹ wẹ, wọ nẹ ẹrhovwo kẹ ihwo nana-a, wọ viẹ-ẹ eyẹ wọ nẹ ẹrhovwọ kẹ aye-en, wọ je rẹ vwọ kẹ aye-en, kidie mi che nyo we-e.

Uvwerhe 2:17

Ọrovwohwo ru obo ro rori ọ vwẹ oshọ rọ djle mu ayen na vwo ru iruo re; kirobo rọ guọnọre nẹ ọdia rhabae rhe, ọ ghwọre ọ rha re ehrọre-e; Ọ nẹrhẹ ivwighrẹ na mrẹ wẹ ghọghọ, O de ru ẹgba rẹ ivwighrẹ wẹn na rho phihọ.

Izikiẹl 24:14

Mẹvwẹ rẹ Ọrovwohwo ta nure; ọke de rhi te, ki mi ruo; mi gbi rhivwi kpo uko-o, mi che ju we vwo-o, mi che kurhẹriẹ-ẹ; ki mi gu ẹdjọ wẹ, kirobo rẹ idjerhe wẹn vẹ uruemu wẹn epha, eriyin Ọrovwohwo Ọghẹnẹ tare.

Hosia 13:14

Ke me tan ayen nẹ obọ rẹ ogangan rẹ Erivwi? Me tan ayen nẹ obọ rẹ Ughwu? E Ughwu, emiavwe wẹn rhọ? E Erivwi, tivọ ẹguọghọ wẹn epha? Ẹhrọre chọrọ ovwẹ ẹro.

Hosia 4:3

Fiki rẹ ọtiọye na otọ na de muoma phihọ, ihwo re dia otọ na ejobi oma re ro ayen, ọtiọye ji te eranvwe rẹ aghwa, kugbe ephran rẹ irharheghe, iyeri rẹ evun rẹ ame ghwrara e ji si ayen nọ.

Joẹl 1:10

A ghwọrọ idju na ejobi fiotọ, otọ na muomahọ; fikiridie a ghwọrọ ọka na, udi na re fiotọ, Evwri na re beroma.

Zekaraya 8:14

Kidie e nẹ Ọrovwohwo rẹ otuofovwi tare: Ọtiobo Me je iroro umwemwu kpahe owẹ, rẹ esẹ re ovwan vwo kpare ovwẹ ophu, mi ku iroro rhẹriẹ-ẹ. Ọrovwohwo re otuofovwi tare,

Ukeri 23:19

Ọghẹnẹ dia ohwo, rọ vwọrọ ofia-an, eyẹ ọmọ rẹ ohwo, ro se kuẹrhẹriẹ-ẹ ọ ta nure, o gbi rhe ruo? Eyẹ rọ vwọ ta nu na, o gbi rhe se ruo gba?

Matiu 27:45

Kẹ unọke esan yanran egho de rhi mu vwẹ asan ejobi rhiri rhi te unọke irhiri.

Iyẹnrẹ Esiri ri Mak 15:33

Re unọke esan rhi vwo te, ebri de rhi mu vwẹ otọ na ejobi rhiri ri te unọke irhiri.

Iyẹnrẹ Esiri ri Luk 23:44

Asakiephana yọ jẹ oma te unọke esan re, ebri de rhi mu vwẹ otọ na ejobi rhiri rhi te unọke irhiri,

Ẹfesọs 1:11

Vwẹ evun rọye, kirobo rẹ iroro rẹ ohwo ro ru emu na ejobi gba epha kirobo rẹ iroro rẹ ọhọre rọye epha.

Ẹfesọs 1:9

Kidie ọ nẹrhẹ avwanre riẹn vwẹ evun rẹ aghwanre ejobi kugbe emramrẹ rẹ igbunu rẹ ọhọre rọye, kirobo rẹ ejiroro rọ jẹ kpahe Kristi epha.

Hibru 7:21

Ihwo re ke vwo mu irherẹn jovwo na a vwẹ ayen duvwu iyori-i, ẹkẹvuọvo ọnana na iyori e vwo vwo mu, Ọrovwohwo duvwu iyori nure o gbi che ku unu rhẹriẹ-ẹ, Wẹ orherẹn bẹdẹ.

Ẹvwọphia 6:12

Ọke re vwo novie usiaphrẹ resan, mi vwo ni, nighe, otọ rode de rhi kpogho; ọnre de rhi bi kerẹ ubi, emeranvwe rọ vẹgbẹ da họhọ ọbara,

1 Samuẹl 15:29

Urinrin rẹ Izrẹl na sa vwọrọ efia-an eyẹ ọ rhẹriẹ-ẹ; kidie ọ dia ohwo rẹ akpọ, ro kuẹrhẹriẹ-ẹ.