Jerimaya 4:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Mi vwo ni igbenu na, me vwọ mrẹ ayen ki kpogho, igbenu itete na herọ kpo uko kpo aro.

Jerimaya 4:24 ပူးပေါင်းရင်းမြစ်များ

1 Ivie 19:11

Ọ da ta, Yan phia, re mudia enu rẹ ugbenu vwẹ obaro rẹ Ọrovwohwo. Nighere, Ọrovwohwo ra wanvrẹn, aphopho rode rhi dju igbenu na, o de hwe eragha na ibribro vwọ obaro rẹ Ọrovwohwo, ẹkẹvuọvo Ọrovwohwo hẹ evun rẹ odju na-a; rẹ odju na vwo fue nu otọ de kpogho, ẹkẹvuọvo Ọrovwohwo hẹ evun rẹ otọ ro kpogho na-a;

Une rẹ Ejiro 18:7

Etiyin akpọ na de yeghe o de kpogho, ichivwo rẹ igbenu na de zie i de zie zighi zighi, kidie ophu muro.

Une rẹ Ejiro 77:18

Ovan rẹ aghrara wẹn na da hẹ evun rẹ ogiribo; enu ẹnyavwọ na da vwẹ orẹmrẹ kẹ akpọ ejobi, akpọ na phariẹre o de kpogho.

Une rẹ Ejiro 97:4

Enuẹnyavwọ rọye vwe urhukpẹ muẹ vwẹ akpọ na; akpọ na mrẹ kọ phariẹ.

Ẹyano 19:18

Ivwirhi de rhi rhurhu Ugbenu ri Sinae, fikiridie Ọrovwohwo wotọ rhe enu rọye vwẹ erhanre; ivwirhi rọye de bru kpenu kerẹ ivwirhi rẹ etu; ugbenu na ejobi de kpogho gangan.

Aizaya 13:13

Eriyin na ki mi che mu odjuvwu kpogho, akpọ na ko che kpogho nẹ ẹdia rọye, vwe ophu rẹ Ọrovwohwo rẹ ofovwi na vwẹ ẹdẹ rẹ ophu rode rọye na.

Aizaya 24:20

Akpọ na re gbe kerẹ ohwo rọ da udi, ọ rọ vuẹ kerẹ utughẹ, ogbeku rọye pha họhọhọ yẹgbẹ vwẹ enu rọye, o sheri, o rhe se vrẹn ọfa-a

Aizaya 5:25

Kọye ophu rẹ Ọrovwohwo vwọ tua kpahe ihwo rọye, ọ da riẹn obọ kpahe ayen ọ da ghwiẹ ayen, igbenu na de kpogho irivwi rayen kerẹ ikueku vwẹ uherevie rẹ urhuvwu Vwẹ enana ejobi na ophu rọye ji fue-e, yẹn obọ rọye je riẹn phia rhe.

Jerimaya 10:10

Ẹkẹvuọvo Ọrovwohwo ọye uvi rẹ Ọghẹnẹ, ọye Ọghẹnẹ rẹ urhuarhọ kugbe Ovie ri bẹdẹ bẹdẹ. Akpọ na kpogho vwẹ ophu rọye ẹgborho na se chiri ivuemiovwo rọye-e.

Jerimaya 8:16

Ọ dia Dan e de nyo inwe ẹ fiọn rẹ iyesi rayen; kugbe ẹguangon rẹ azanọ rẹ rayen, otọ na soso de kpogho. Ayen rhere ayen da ghwọrọ otọ na kugbe obọ re vọnrọn, ọrere na ve ọtu re dia ejobi.

Jerimaya 9:10

Viẹ wo beroma kẹ igbenu na, je viẹ ovie kẹ odi rẹ aghwa na, kidie aguọghọ ayen ohwo ọvuọvo gbe wan vrẹ-ẹn e gbi nyo oviẹ rẹ uchuru vwọ-ọ, te emephran rẹ obenu kugbe e eravwe rẹ aghwa dje ghwru.

Izikiẹl 38:20

Eri rẹ abadi, kugbe emephran rẹ obenu, kugbe eranvwe rẹ aghwa, kugbe obo ri kpono ejobi ri kpono vwẹ otọ na, kugbe ihwo ejobi re hẹ enu rẹ akpọ na, cha phariẹ vwẹ irharo mẹ, kugbe igbenu na ejobi ka cha vwẹ ayen phiotọ, enu rẹ igbenu na ki che she, igbẹhẹ kigbẹhẹ ejobi ki che rhurie she te otọ.

Maika 1:4

Igbenu na ke cha wran vwẹ obotọ rọye iyara na ki vwo egbogho, kerẹ erhan vwẹ oma rẹ erhanre, kerẹ ame re ku phihọ ọghwrọrọ.

Habakọk 3:10

Igbenu na mrẹ wẹ, ki muẹ oma chahe, ame rọ họnra na ra djẹ phihọ obaro, asan ikokodo na de kperi urhuru phia, ọ kpare obọ rọye kpenu.

Habakọk 3:6

O mudia ọ da vwanvwẹ akpọ na; o niro o de mu ẹgborho na kpogho; etiyin igbenu ri bẹdẹ na da hra, igbenu itete re rhabae na de she divwi. Idjerhe rọye je herọ kirobo rọ epha nẹ awanre rhe.

Ẹvwọphia 6:14

obenu na da ranvwiẹ kerẹ ọbe re kpirhi koko, kugbenu kugbenu kugbe kubrotọ kubrotọ de ghwie nẹ ẹdia rọye.