Jerimaya 4:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Kidie ihwo mẹ ẹkpa, ayen riẹn vwẹ-ẹ; ayen emọ igheghẹ, ayen vwo erianriẹ-ẹn. Ayen riẹn obo re ruẹ umwemwu gangan, ẹkẹvuọvo ayen riẹn ọresiri ruẹ-ẹ.

Jerimaya 4:22 ပူးပေါင်းရင်းမြစ်များ

Jẹnẹsis 39:16

O de si ewun na nu bẹsiẹ rẹ onini rọye vwọ rhe uwevwi,

2 Samuẹl 13:3

Ẹkẹvuọvo Amnọn vwo ugbeyan ọvo, re se Jonadab, ọmọ ri Shimeah rẹ oniọvo ri Devid; Jonadab na ohwo vẹ ẹghwanre.

Une rẹ Ejiro 36:3

Ota rẹ unu rọye ota ogbarogba vẹ ophiẹvwe: o gbi se ruẹ emu rẹ ẹghwanre kugbe oyoyovwi-i

Une rẹ Ejiro 36:4

O de Shevwerhẹ ehwa rọye yọ jẹ iroro umwemwu, o phi oma rọye phihọ idjerhe ro je yovwo, ọ sa jẹ umiovwo fia-a.

Une rẹ Ejiro 53:4

Ihwo ri ruimwemwu na di vwo ẹruọ vwẹ etiyin na, re ria ihwo mẹ kerẹ ohwo ro ria ọnẹ, yẹ ayen se odẹ rẹ Ọghẹnẹ-ẹ?

Une rẹ Ejiro 82:5

Ayen vwẹ erianriẹn eyẹ ẹruọ-ọ, ayen ra yan vwẹ evun re ebri ighere rẹ akpọ na ejobi ki che kpogho.

Isẹ 28:5

Ihwo ebrabra sa riẹn obo rẹ ọsoso epha-a, ẹkẹvuọvo otu re guọnọ Ọrovwohwo na riẹn otọ rọye gbagba.

Aizaya 1:3

Erhuẹn riẹn ọrovworo, ekẹtẹkẹtẹ riẹn utughẹ rẹ onini rọye ihwo mẹ se vughee

Aizaya 27:11

Ọke rẹ eghọn rọye da ya ki vwirhẹ; eya ke cha vwẹ ayen mu erhanre. Kidie enana ihwo re mrẹ emu vughe-e. Vwẹ ọtiọye na ọ rọ ma ayen gbe re ehrọre raye-en. ọ rọ mama ayen gbe vwẹ ẹro esiri ni aye-en.

Jerimaya 10:8

Ayen pha djidji gheghẹ, Uyono ra mrẹ nẹ oma rayen rhe gbe vrẹn urhe-e.

Jerimaya 13:23

Kẹ ohwo rẹ Itiopia se wene ọphioma rọye gbenẹ edjanakpo se wene ipe rọye? Ọ da dia ọtiọye yi wo ji se ru emu esiri, wẹ rẹ umwemwu riẹriẹ oma nure na.

Jerimaya 2:8

Irherẹn na sa ta-a, Tivọ Ọrovwohwo na epha vwo? Ayen otu ri yono urhi na riẹn vwẹ-ẹn isun na gbe urhi mẹ ku; emraro na vwẹ Baal vwọ mraro, ayen de nene imu ri vwo erere-e.

Jerimaya 4:21

Mavọ me mrẹ aphiana na krite mavọ mi nyo edo rẹ ọgban na krite?

Jerimaya 5:21

Nyo ọnana, E ẹkpa ighenghẹn ri vwo ẹro, ye mrorẹ-ẹ ri vwo erhọn yi nyo ẹme-e na.

Jerimaya 5:4

Etiyin me da ta, Enana wọ de mrẹ na igbere, ayen vwo iroro-o, kidie ayen riẹn idjerhe rẹ Ọrovwohwo na-a, ayen riẹn urhi rẹ Ọghẹnẹ raye-en.

Jerimaya 9:2

E manẹ ke me sa bọn uwevwi ọvo kẹ erhorha vwẹ evun rẹ atọn na, rere me yan jẹ ihwo na vwo, me hẹriẹ oma mẹ nẹ ayen! Kidie ayen ejobi igberadja usun rẹ ihwo re vwọrọn efian.

Jerimaya 9:3

Ayen kpirhi ẹrẹnvwe rayen kerẹ umurhabọ; efian ọ dia uyota-a ọye ma rho vwẹ otọ na, kidie ayen nẹ umwemwu ra ro umwemwu, ye ayen riẹn vwẹ-ẹ, eriyin Ọrovwohwo na tare.

Jerimaya 9:5

Dohwo dọrivẹ rọye phiẹnre ọ rọ ta uyota herọ-ọ; ayen yono ẹrẹnvwe rayen obo ra vwọrọn ofian, ayen ruẹ umwemwu yẹ uvwerhi jẹn ayen kurhẹriẹ-ẹ.

Izikiẹl 16:30

Mavọ unuavwerhe rẹ ọfanrhiẹn vọn udu wẹn te, eriyin Ọrovwohwo Ọghẹnẹ tare, ru wo vwo ru imu nana, uruemu rẹ unuavwerhe rẹ igberadja na,

Hosia 4:1

Nyo ota rẹ Ọrovwohwo E ihwo rẹ Izrẹl, kidie Ọrovwohwo vẹ ihwo rẹ otọ na vwo aphro. O gbi vwo ọvwata yẹrẹ aruẹdọ-ọn, ọ rhe vwo erianriẹn rẹ Ọghẹnẹ vwẹ otọ na-a;

Hosia 4:6

A guọghọ ihwo mẹ fiki rẹ jẹriẹn fikiridie wọ sen erianriẹn, Me sen we nẹ wọ gbe dia orherẹn mẹ-ẹ. Ọtiobo rẹ urhi rẹ Ọghẹnẹ wẹn vwọ chọro owẹ ẹro na, emọ wẹn ke je chọro ovwẹ ẹro rhe.

Hosia 5:4

Uruemu rayen gbi jẹn ayen hirhe bru Ọghẹnẹ raye-en. Kidie erhi rẹ igberadja hẹ evun rayen, ayen gbe riẹn Ọrovwohwo-o.

Emọs 3:10

Ayen riẹn obo re ruẹ emuesiri-i Ọrovwohwo na tare Ihwo re guọnọ ozighi ve ugborho vwẹ ogba ọgangan rayen.

Maika 2:1

Ekan ke otu re jẹ iroro umwemwu ri ruẹ ivumwemwu vwẹ enu re ehwa rayen! Ọke rẹ ọke dẹ rhiere, ayen mi ruọ, fikiridie ọgangan na rhe ayen vwẹ obọ.

Maika 7:3

Obo rayen hẹ emu umwemwu eruo, ayen nabọ ruo dẹndẹn; te osun te oguẹdjọ ra nọ ekpẹn rẹ udi, ohwo rode ra ta ota umwemwu rẹ erhi rọye guọnọre; kẹ enẹ ayen rhuo koko.

Iyẹnrẹ Esiri ri Luk 16:8

Onini na de jiri odibo umwemwu na fiki rẹ aghwanre rọye; kidie emọ rẹ akpọ nana vwẹ evun rẹ uvwiẹ rayen ghwanre nọ emọ rẹ urhukpẹ na.

Iyẹnrẹ Esiri ri Jọn 16:3

Ayen che ru ọnana fikiridie ayen je riẹn Ọsẹ na vwo, siẹvo kẹ omẹvwẹ-ẹ.

Ọbe ri Pọl si rhe Ihwo ri Rom 1:22

Ayen roro nẹ ayen ghware, dayẹ ẹkpa ayen ruẹ,

Ọbe ri Pọl si rhe Ihwo ri Rom 1:28

Kirobo rẹ ayen rha rhọvwe reyọ phihọ Ọghẹnẹ na-a, Ọghẹnẹ de siobọ nẹ ayen kẹ udu ọbrabra rẹ ayen re ayen vwo ru obo ri je ayen.

Ọbe ri Pọl si rhe Ihwo ri Rom 16:19

Rẹ usi rẹ ọghọemuo rẹ ovwan vwo kperi ro asan ejobi na, re me vwọ ghọghọ kẹ ovwan na, me guọnọ nẹ ovwan ghwanre kpahe obo ri yovwiri re we jẹ abe-ẹriọ vwẹ oma rẹ obo re brare;

Ọbe ri Pọl si rhe Ihwo ri Rom 3:11

o vwo ohwo ọvuọvo ro vwo ẹruọ-ọ, o vwo ohwo ọvuọvo ro guọnọ Ọghẹnẹ-ẹ.

1 Kọrẹnt 14:20

Imoni, ovwan rhe se oma rẹ ovwan emọ vwẹ iroro rẹ ovwa-an; wa dia emọ vwẹ umwemwu, ẹkẹvuọvo vwẹ iroro wa dia omiragua.

Urhi Rivẹ 32:28

Kidie ayen ẹgborho ri vwo ẹghwanre-e ẹriẹn ọvuọvo-o hẹ evun raye-en.

Urhi Rivẹ 32:6

Kenẹ wọ hwa osa kẹ Ọrovwohwo, ovwan ihwo ughẹghẹn ri jẹ iroro evwo na! Ọ dia ọsẹ rẹ ovwan o ruẹ, rọ ma ovwan, rọ ma ovwan nu rọ da vwẹ ovwan mudia!