Jerimaya 4:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Wo de duvwu iyori, kirobo rẹ Ọrovwohwo herọ na, vwẹ evun rẹ uyota, vẹ ọsoso kugbe ọvwata, irere na ejobi ki vwo ebruba vwẹ oma rọyen, vwẹ oma rọye kọye ayen de vwo urinrin.

Jerimaya 4:2 ပူးပေါင်းရင်းမြစ်များ

Jẹnẹsis 22:18

vwẹ oma rẹ uvwiẹ wẹn ọye ẹgborho rẹ akpọ na ejobi wan vwo ebruphihọ kẹ oma rẹ ayen, fikiridie wo mu ọghọ kẹ urhuru mẹ.

1 Ivie 3:6

Solomọn da ta, Wọ nabọ vwẹ ẹguọnọ ro jẹ rhẹriẹ kẹ odibo wẹn Devid ọsẹ mẹ, fikiridie ọ yan nene uwe vwẹ esegbuyota, ọvwata kugbe udu esiri ro vwo kpahe owẹ. wo de ji vwo ẹguọnọ ro jẹ rhẹriẹ rode na kẹ, wọ da vwẹ ọmọ kẹ rere o tidia vwẹ ekete rọye kirobo rọ epha nonẹ na.

Une rẹ Ejiro 72:17

Jẹn odẹ rọye tọn hẹnrẹn hẹnrẹn, usi rọye kọ dia kreki kerẹ ọnre na! Jẹn ihwo wan oma rọye vwo ebruphihọ, ẹgborho na ejobi ki se nẹ ebruphihọ!

Une rẹ Ejiro 99:4

Ovie ro vwo Egba, rọ guọnọ ọsoso, wọwẹ ri brorhiẹn abavo wọwẹ ri brorhiẹn ọsoso vẹ ọvwata vwi Jekọp.

Aizaya 45:23

Vwẹ oma mẹ ọvo mi vwo duvwu iyori, Unu Me ọye ọvwata na nurhe ota ro che se rhivwi-i: Mẹvwẹ igbo na ejobi che wurhu kẹ, ẹrenvwe ejobi che vwo duvwu iyori.

Aizaya 45:25

Vwẹ evun rẹ Ọrovwohwo ọye uvwiẹ re Izrẹl ejobi da kparobọ vwẹ urinrin.

Aizaya 65:16

Vwẹ ọtiọye na ohwo rọ nẹ ẹrhovwo kẹ oma rọye vwẹ otọ na kọ nẹ ẹrhovwo kẹ oma rọye vwẹ oma rẹ Ọghẹnẹ rẹ uyota na, ohwo ro duvwu iyori vwẹ otọ na kẹ odẹ rẹ Ọghẹnẹ rẹ uyota na o vwo duvwo, kidie ukpokpogho rẹ awanre na chọẹro re i sioma nu kẹ ibiẹro mẹ re.

Jerimaya 10:10

Ẹkẹvuọvo Ọrovwohwo ọye uvi rẹ Ọghẹnẹ, ọye Ọghẹnẹ rẹ urhuarhọ kugbe Ovie ri bẹdẹ bẹdẹ. Akpọ na kpogho vwẹ ophu rọye ẹgborho na se chiri ivuemiovwo rọye-e.

Jerimaya 12:15

Mi de yoro ayen nu, me je rhoma nẹ arodọvwẹ rayen ke me reyọ ayen rhe dohwo dukuẹriọ rọye je rhe dohwo dotọ rọye.

Jerimaya 12:16

Ọke che te, ọ da dianẹ ayen vwẹ erhiọri yono idjerhe re ihwo mẹ, rẹ ayen da vwẹ odẹ mẹ ve ive tanẹ, Obo rẹ Ọrovwohwo epha na, ọtiobo rẹ ayen yono ihwo mẹ vwọ reyọ odẹ ri Baal vwo duvwu iyori na, ke me bọn ayen phihọ uherevie rẹ ihwo mẹ.

Jerimaya 16:19

E Ọrovwohwo, ogagan mẹ vẹ odjahọ mẹ, adjẹrhọ mẹ vwẹ ẹdẹ rẹ ukpokpogho, wọwẹ ẹgborho na ejobi che bre cha nẹ oba re akpo rhe tanẹ: Esẹ rẹ avwanre reuku rẹ emu ọvuọvo-o jokpa rẹ efian ọvo, erharhe rẹ emu ri fi erere-e?

Jerimaya 3:17

Vwẹ ọke yena ke se Jerusalẹm nẹ ekete rẹ uvie rẹ Ọrovwohwo, irere na ejobi ki koko bro rhe, obaro rẹ Ọrovwohwo vwi Jerusalẹm, ayen gbe rha vwẹ udu ọgangan vwo nene umwemwu rẹ udu rayen ọfa-a.

Jerimaya 33:9

O nana kọ dia odẹ rẹ aghọghọ kẹ vwẹ, kugbe ejiro vẹ urinrin vwẹ obaro rẹ irere rẹ akpo na ri che nyo erhuvwu ri mi che ru kẹ ayen, oshọ ko mu ayen rẹ ayen de kpogho vwi fiki rẹ erhuvwu vẹ oyovwe ejobi re me rhuẹrẹ hẹrhẹ na.

Jerimaya 5:2

Owenẹ ayen tanẹ, kirobo rẹ Ọrovwohwo herọ na yẹ ayen duvwu iyori rẹ efian.

Jerimaya 7:5

Kidie ovwan de ghine rhuẹrẹ idjerhe rẹ ovwan vẹ eyere rẹ ovwan phihọ rẹ ovwan de ghine ru ọsoso kẹ ohwohwo,

Jerimaya 9:24

ẹkẹvuọvo ọ rọ yoma gba vwẹ ọna yoma, nẹ ọye vughe uvwe ọye je riẹn vwẹ, nẹ mẹvwẹ Ọrovwohwo ro nẹ ẹguọnọ ro jẹrhẹriẹ, rọ guọnọ uyota kugbe ọvwata vwẹ akpọ na, kidie imu nana ri je vwe eriyin Ọrovwohwo na tare:

Hosia 2:19

Ke me rhoma sa wẹ otọ kẹ oma mẹ bẹdẹ; me sa wẹ otọ vwẹ ọ rẹ ọvwata vẹ ọsoso, vẹ ẹguọnọ esiri ro jẹrhẹriẹ vẹ arodọvwẹ.

Joẹl 2:12

Dede vwẹ Asakiephana, eriyin Ọrovwohwo tare, vwẹ udu wẹn ejobi rhivwi bru vwẹ rhe,. vẹ owẹvwe echiro, vẹ oviẹ, kugbe omaemuohọ,

Zekaraya 8:8

ke Me reyọ ayen rhe vwọ dia uherevie ri Jerusalẹm ayen ke dia ihwo Mẹ ke Me je dia Ọghẹnẹ rayen, vwẹ uyota vẹ ọsoso.

Malakae 1:11

Kidie nẹ evacha rẹ ọnre re te eshe kpotọ rọye odẹ mẹ re cha rho vwẹ ohri rẹ ẹgborho na ejobi, vwi kasan kasan ejobi ọye a da torhẹ insẹns kẹ odẹ mẹ, kugbe omamọ rẹ ẹkpẹvwẹ rọ fonrọ; kidie odẹ mẹ ọrhuarho vwẹ ohri rẹ ẹgborho na, eriyin Ọrovwohwo rẹ otuofovwi na tare.

1 Kọrẹnt 1:31

fiki rẹ ọtiọye na, kirobo re siro, Jẹn ohwo rọ yan eyan ejobi, vwẹ Ọrovwohwo yan eyan.

2 Kọrẹnt 10:17

Jẹn ohwo rọ yan eyan, vwẹ Ọrovwohwo yan eyan.

Galesha 3:8

Re ẹbe ọfuanfon na, vwọ mrẹ nẹ Ọghẹnẹ cha vwẹ ase kẹ ihwo ri Keferi fiki rẹ esegbuyota, ọye o vwo ghwoghwo iyẹnrẹ esiri na kẹ Ebraham jovwo nẹ Vwẹ oma wẹn ọye ẹgborho na ejobi wan vwo ebruphihọ.

Urhi Rivẹ 10:20

Wọ Me djẹ oshọ rẹ Ọrovwohwo Ọghẹnẹ wẹn na; ọye wọ ga, ọye wọ gba oma mu, odẹ rọye wo vwo ve ive.

Urhi Rivẹ 4:30

Ọke rẹ ovwan da evun rẹ ukpokpogho rẹ emu nana ejobi de bru ovwan rhire, ku ovwan rhivwi bru Ọrovwohwo Ọghẹnẹ rẹ ovwan na, ke ovwan kerhọ rẹ urhuru rọye;

Urhi Rivẹ 6:13

Wọ Me djẹ oshọ Ọrovwohwo Ọghẹnẹ wẹn na, ọye wọ cha ga, odẹ rọye wo che vwo ve.

Filipae 3:3

Avwanre hẹ ihwo re yanvwe omamọ rẹ oyanvwe na, re gọ Ọghẹnẹ vwẹ erhi, ri vwi Kristi Jesu vwọ yan eyan, re vwẹ ẹro so ugboma-a.

Rutu 3:13

Dia vwẹ ason nana, vwẹ irhiọke o de ru ẹkẹ rẹ omoni kẹ wẹ, ye oyoma; jo ruo; ẹkẹvuọvo ọ rha rhọvwe ru ẹkẹ rẹ omoni kpẹkpẹkpẹ kẹ wẹ-ẹ, etiyin, kirobo rẹ Ọrovwohwo herọ na, ki mi ru ẹkẹ rẹ omoni kpẹkpẹkpẹ kẹ wẹ. Shevwerhẹ vwọ vwerhẹ bẹsiẹ rẹ urhiọke vwo te.

1 Samuẹl 20:3

Ẹkẹvuọvo Devid da kpahe, ọsẹ wẹn riẹnre nẹ ivun mẹ vwerhe owẹ; o de roro nẹ, e jẹn Jonatan riẹn ọnana-a, ivun de rhe miovwo. Ẹkẹvuọvo uyota, kirobo rẹ Ọrovwohwo herọ na ji kugbe obo rẹ erhi wẹn herọ na, me da je owọ ọko vwẹ ẹtinẹ na ye me ro ughwu.