Jerimaya 4:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Odjadja mẹ odjadja mẹ, me rọ chahe oma vwọ! E, igbẹhẹ rẹ udu mẹ! Udu me ra nwẹn frẹfrẹ; Me gbe sa fọ-ọ; Kidie mi nyo edo rẹ ọgban na, ekpẹrẹ rẹ ofovwi.

Jerimaya 4:19 ပူးပေါင်းရင်းမြစ်များ

Jẹnẹsis 49:6

E, erhi mẹ, wọ vwẹriẹ umẹ raye-en, E, erhi mẹ, wo te ukoko raye-en, kidie vwẹ ophu rayen ayen hwe ihwo, vwẹ ẹro hrehre rayen ayen yoro uriẹn nẹ awọ rẹ erhuẹn.

Ivie rẹ Ivẹ 4:19

Ọ da ta kẹ ọsẹ rọye, E, uyovwi mẹ, uyovwi mẹ! Ọsẹ na da ta kẹ odibo rọye, Muo rhe oni rọye.

Ivie rẹ Ivẹ 8:11

Ọ da tọn ẹro vio ko di no kei, bẹsiẹ rẹ oma rhe vwọ vuọ. Ohwo rẹ Ọghẹnẹ na da viẹ.

Une rẹ Ejiro 103:1

Bruphihọ kẹ Ọrovwohwo, E erhi mẹ; obo re vẹ ovwẹ herọ ejobi, bruphihọ kẹ odẹ ọfuanfon rọye!

Une rẹ Ejiro 116:7

Rhivwi, E ẹnwẹ mẹ, kpo omerovwo wẹn; kidie Ọrovwohwo na nene uwe yeri wurhie wurhie.

Une rẹ Ejiro 119:136

Ẹro mẹ ra djẹ ọkẹre rẹ oviẹ fikiridie ihwo sa yọnrọn urhi wẹ-ẹn.

Une rẹ Ejiro 119:53

Ivun kọ dja vwẹ djọghọ djoghọ fiki rẹ ohwo umwemwu, rọ sen urhi wẹn.

Une rẹ Ejiro 146:1

Jiri Ọrovwohwo na! Jiri Ọrovwohwo na, E ẹnwẹ mẹ!

Une rẹ Ejiro 16:2

Me da ta kẹ Ọrovwohwo, Wẹ Ọrovwovwe, Mi vwo uyoyovwi ọvuọvo-o jokpa nẹ ọ wan oma wẹn rhe.

Aizaya 15:5

Udu mẹ rọ viẹ kẹ Moab; ighuvwu rọye djẹ kpọ obi Zọar, kpo obi Eglat-shelishiyah. Kidie vwẹ asan ugbenu ri Luhit ayen viẹ bẹn ayen yere kpenu, vwe idjerhe ra wan kpọ Họrọnaim ayen teyọ unuebo rẹ ẹghwọrọ,

Aizaya 16:11

Fiki rẹ eriyin na erhi mẹ ro brenu kerẹ owanre fiki ri Moab, eriyin udu mẹ je epha kẹ vwọ Kir-heres.

Aizaya 21:3

Ọtiọye ehun mẹ vọnre vẹ uvwerhe; ọdjarhe mu vwe gba, kerẹ odjadja rẹ aye rọ chuẹ uvwiẹ, Mi si wurhu o gbi ju vwe nyo ẹme-e, ofu dje vwe hwe me gbe mrorẹ-ẹ.

Aizaya 21:4

Udu mẹ yeghe, oshọ rhurhu vwe, aruọnre re me hẹrhẹ o rhi hirhe phihọ uguegue kẹ vwẹ.

Aizaya 22:4

Fiki rẹ ọtiọye na me da ta. Wo gbi ni vwe-e, ju vwe viẹ oviẹ rọ yara; wọ lagha oma bru vwe uche-e fiki rẹ ẹghwọrọ rẹ emetẹ rẹ ihwo mẹ.

Jerimaya 13:17

Ẹkẹvuọvo wa gbe kerhọ-ọn, ẹnwẹn mẹ kọ bẹbẹ viẹ fiki rẹ eheri wẹn, ibiẹro mẹ ke gangan ame oviẹ mẹ ko hwẹ rhe patapata fikiridie emu igegede rẹ Ọrovwohwo imu.

Jerimaya 20:9

Me da tanẹ, Mi gbi che se odẹ rọye-e, eyẹ me gbe ta ota vwẹ odẹ rọye-e, yẹ ọ hẹ udu mẹ kerẹ erhanre rọ la re rhurhu phihọ evun rẹ ibeku mẹ, oma kọ rhọvwẹ vẹ eyọnrọn rọye, mi gbi se chiro-o.

Jerimaya 23:9

Vwọ kpahe emraro na: Udu mẹ guọghọre vwẹ evun me, ibeku mẹ ejobi kpoghori, Me họhọ ohwo rọ da udi rhe họhọ ohwo rẹ udi muẹ fiki rẹ Ọrovwohwo na kugbe fiki rẹ eta efuanfon rọye.

Jerimaya 4:21

Mavọ me mrẹ aphiana na krite mavọ mi nyo edo rẹ ọgban na krite?

Jerimaya 4:5

Do vwi Juda, wo ghwoghwo vwi Jerusalẹm, tanẹ, Hworo owanre wan otọ na duvwu, kperi gangan tanẹ, Ghwẹ oma koko, wo jẹn avwanre yanran kpo irere ra gba ogba riariẹ na.

Jerimaya 42:14

tanẹ, Ẹjo, ma yan kpo otọ rẹ Ijipt, asan me de jẹ ofovwi ẹmrẹ, eyẹ jẹ edo rẹ owanre enyo, eyẹ owẹvwe rẹ emuọre gbi hwe-e,

Jerimaya 49:2

Ọtiọye na, gbe nighe, ede cha, eriyin Ọrovwohwo tare, ri mi che vwo ruo re de nyo edo rẹ ofovwi kpahe Rabba rẹ ihwo rẹ Amọn, ọ che hirhe phihọ ẹrhẹnre rẹ ekpẹn ofefe, a cha vwẹ erhanre torhẹ ighwre rọye, kẹsiẹye Izrẹl ke kua ihwo re kuarọ jovwo na, eriyin Ọrovwohwo tare.

Jerimaya 50:22

Edo rẹ ofovwi hẹ otọ na, vẹ ẹghwọrọ rode!

Jerimaya 6:24

Avwanre nyo ikun rọye, abọ re avwanre ke ghwrọghọ odjadja te avwanre unu, odjadja kerẹ aye rọ chuẹ uvwiẹ.

Jerimaya 8:18

E se fuẹ ophu mẹ-ẹ, Udu mẹ herọ mwọga.

Jerimaya 8:21

Kidie omẹwan rẹ ọmọtẹ rẹ ihwo mẹ na ọ miavwe ovwẹ vwẹ udu, mi muomahọ, ofu dje vwe hwe.

Jerimaya 9:1

E manẹ uyovwi mẹ kẹ ame, rẹ ibiẹrọ mẹ da dia ogbugbu rẹ oviẹ? rere me a vie te ason te uvo fiki rẹ irivwi rẹ ọmọtẹ rẹ ihwo mẹ na!

Jerimaya 9:10

Viẹ wo beroma kẹ igbenu na, je viẹ ovie kẹ odi rẹ aghwa na, kidie aguọghọ ayen ohwo ọvuọvo gbe wan vrẹ-ẹn e gbi nyo oviẹ rẹ uchuru vwọ-ọ, te emephran rẹ obenu kugbe e eravwe rẹ aghwa dje ghwru.

Uvwerhe 1:16

Kidie fiki rẹ imu nana me vwọ viẹ, ẹro mẹ kọ djẹ ọkẹre rẹ oviẹ, kidie obruche tephe kẹ vwẹ O ro phiudu phihọ ovwẹ awọ, emọ mẹ gbi vwo ọchuko-o kidie ọvweghrẹ mẹ kparobọ nure.

Uvwerhe 1:20

Nighe, E Ọrovwohwo, kidie me hẹ evun rẹ uvwerhe, ẹnwẹn mẹ hẹ evun rẹ ukpokpogho, ẹnwẹn mẹ da chahe kidie mi mu kpahọ nọ. Ọlọkọ ghwe hwe vwẹ evun re urhuvwu, kọ họhọ ughwu vwẹ evun rẹ Uwevwi.

Uvwerhe 2:11

Ibiẹrọ mẹ sunka vẹ oviẹ; erhi mẹ re kpọghọ; udu mẹ vọnre vẹ uvweri fiki rẹ ẹghwọrọ rẹ ọmọtẹ rẹ ihwo mẹ, fikiridie imitete vẹ emọboba hiro sherua vwẹ evun rẹ irhuvwu rẹ orere na.

Daniẹl 4:19

Etiyin Daniẹl, re se odẹ rọye Bẹlteshaza ofu de rhi dje krekri, iroro rọye da djẹ oshọ muo. Ovie na da ta, Belteshaza wo jẹ evwerhẹ na yẹrẹ otọ rọye e fan, mu we oshọ-ọ. Bẹlteshaza da kpahe kẹ, Ọrovwovwe, e jẹn evwerhẹ na dia vwọ kẹ ihwo rẹ ivun wẹ miovwẹ re otọ rọye rha dia kẹ ivwighrẹ wẹn.

Daniẹl 7:15

Vwọ kẹ vwẹ ri Daniẹl, erhi rọ hẹ evun mẹ kọ ro ẹnwan emramrẹ re me mrẹre na ọ da nẹrhẹ oshọ mu vwẹ.

Daniẹl 7:28

Ọnana ọye oba rẹ ota na. Vwọ kẹ vwẹ ri Daniẹl, iroro mẹ da nabọ djẹ oshọ mu vwe, ophiẹn mẹ da rhẹriẹ; ẹkẹvuọvo mi de phi ota na phihọ evun mẹ.

Daniẹl 8:27

Etiyin Mẹvwẹ ri Daniẹl oma da ghwọrọ ovwẹ me da mwọga vwẹ ọmọke, etiyin mi de vrẹn kpo iruo rẹ ovie; ẹkẹvuọvo emramrẹ na de gbe vwẹ unu mamọ, me gbe rha riẹn otọ rọye-e.

Emọs 3:6

E hworo owanre vwẹ orere re oshọ de jẹ ihwo emuọ? okpetu di she vwẹ orere, rẹ Ọrovwohwo de jẹ obọ evwo vwọ?

Habakọk 3:16

Mi vwo nyo, oma me kọ phariẹ, ẹbẹrunu mẹ ko muẹ phariẹ; ibeku mẹ ki di muẹ gbo, awọ mẹ ki di muẹ phariẹ. Mi mudia gbiẹi herhẹ ẹdẹ rẹ ukpokpogho che vwo she vwa ihwo re kparẹ ofovwi bru avwanre rhe.

Ukeri 10:9

Ọke ru wa da kpare ofovwi vwẹ otọ rẹ ovwan vwọ so ukọn ri shenyẹ ovwan, ku wo hworo owanre rẹ udu bruvwe rere a vwọ karophihọ owẹ vwẹ obaro rẹ Ọrovwohwo rẹ Ọghẹnẹ wẹn, ke sivwi uwe nẹ obọ rẹ ivwighrẹ wẹn.

Ọbe ri Pọl si rhe Ihwo ri Rom 10:1

Imoni mẹ, udu mẹ guọnọre nẹ me nẹ ẹrhovwo kẹ Ọghẹnẹ fiki rẹ esivwo rẹ ihwo mẹ.

1 Kọrẹnt 14:8

Ọ da dianẹ owanre de di se bọm bọm, kono re choma hẹrhẹ ofovwi?

Galesha 4:19

Emọ mẹ, re me chuẹ uvwiẹ rayen, bẹsiẹ ri Kristi vwọ dia oma rẹ ovwan!

Iguẹdjọ 5:21

Ọkẹre ri Kishọn de hwerhe ayen yanran, ọkẹre rẹ urhie rọ djẹ gbugbu, ọkẹre ri Kishọn na. Erhi mẹ, ne udje yanran, vẹ ogangan!