Jerimaya 39:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ihwo ri Kaldia na da torhẹ uwevwi rẹ ovie na vẹ uwevwi rẹ ihwo na, ayen da ghwọrọ igbẹhẹ ri Jerusalẹm totọ.

Jerimaya 39:8 ပူးပေါင်းရင်းမြစ်များ

Ivie rẹ Ivẹ 25:8

Vwẹ ẹdẹ ighwrẹ rẹ emeranvwe riyori rẹ ukpe rihwe gbẹ irhiri rẹ Ovie Nebukadreza, ovie ri Babilọn Nebuzaradan, olotu rẹ ohẹrhẹ, odibo rẹ ovie ri Babilọn na da rhe Jerusalẹm.

2 Ikun rẹ Ivie 36:19

Ayen da torhẹ uwevwi rẹ Ọghẹnẹ, ayen de kporo igbẹhẹ ri Jerusalẹm te otọ, ayen da vwẹ erhanre torhẹ ighẹn rọye ejobi, ọ da guọghọ ekuakua esiri rọye ejobi.

Nehemaya 1:3

Ayen da ta kẹ vwẹ, ihwo ri ghwu chekọ vwe ubrakpọ yena re dje vabọ rẹ imu na e hẹ evun re ukpokpogho ve omẹvuọ, igbẹhẹ ri Jerusalẹm ekpoiro she, a je vwẹ erhanre torhẹ inurhoro rọye.

Une rẹ Ejiro 79:7

Kidie ayen mu Jekọp rọ, ayen da guọghọ ẹdia rọye te otọ

Aizaya 5:9

Ọrovwohwo rẹ otuofovwi na o duvwu iyori kẹ vwẹ nyo. Uyota iwevwi buebu cha dia ofefe, iwevwi ride yoyovwi, ihwo gbe dia aye-en.

Jerimaya 17:27

Ẹkẹvuọvo wa kerhọn mẹ-ẹ, vwọ yọnrọn ẹdidjala na fuanfon vwo jẹ oghwa ẹghwa ruẹ anurhoro ri Jerusalẹm vwẹ ẹdidjala-a, ki mi koko erhanre phihọ, anurhoro rọye, kọ ghwọrọ ekete ri Jerusalẹm e gbi se fuo-o.

Jerimaya 21:10

Kidie mi mu opharo mẹ kpahe orere na vwẹ ọ rẹ umiovwo ọ dia ọ rẹ erhuvwu-u eriyin Ọrovwonwo tare. A cha vwọ kẹ Ovie ri Babilọn, ọ cha vwẹ erhanre torhẹ.

Jerimaya 32:29

Ihwo ri Kaldia re họnra orere nana na cha rhe rhi phi erhanre phihọ orere na, rọ da torhẹ, kugbe uwevwi ra diẹ enu rayen de torhẹ ugboduma kẹ Baal ra da je udi ku edjọ na, rẹ ophu vwo mu vwe na.

Jerimaya 34:2

Enẹ Ọrovwohwo Ọghẹnẹ rẹ Izrẹl, tare: Yanra wọ ra ta kẹ Zẹdikaya ovie ri Juda re wọ vuẹ nẹ, Enẹ Ọrovwọhwo tare: Nighe, mi che phi orere nana phihọ obọ rẹ ovie ri Babilọn, kọ vwẹ erhanre torhe.

Jerimaya 34:22

Nighe, mi che ji urhi, eriyin Ọrovwohwo tare, me cha rhoma reyọ ayen rhe orere nana; ayen cha họnrọ rẹ ayen da reyọ, ra da vwẹ erhanre torhẹ. Mi che ru irere ri Juda ifefe rẹ ihwo de jẹn ayen ẹdia.

Jerimaya 37:10

Kidie owenẹ ovwan se hwe otu rẹ ofovwi rẹ ihwo ri Kaldia na soso re họnre ovwan na, rẹ ihwo re woma ọvo de chekọ, vwẹ dohwo dutughẹ rẹ ayen epha, ayen de vrẹn ayen cha vwẹ erhanre torhe orere nana.

Jerimaya 38:18

Ẹkẹvuọvo wọ rha vwẹ oma wẹn kẹ isun rẹ ovie ri Babilọn na-a, ke che phi orere nana phihọ obọ rẹ ihwo ri Kaldia, ka cha vwẹ erhanre torhẹ, wọ gbe sa djẹ nẹ obọ raye-en.

Jerimaya 5:10

Yan wan urhiẹ ri vain rọye re wọ guọghọ, ẹkẹvuọvo wo ghwe furhie re-e, kpare eghọn rọye no, kidie ayen dia e re Ọrovwohwo-o.

Jerimaya 7:20

Vwẹ ọtiọye na enẹ Ọrovwohwo Ọghẹnẹ na tare: Nighe, mi che ku ivuemiovwo mẹ vẹ ophu mẹ phihọ etinẹ na, phihọ enu rẹ ohwo vẹ eranvwe, phihọ enu rẹ irhe rẹ aghwa vẹ emamọ rẹ otọ na, ọ cha la e se fuo-o.

Uvwerhe 1:10

Ọvweghrẹ na riẹn abọ rọye phihọ enu rẹ emu esiri rọye ejobi, e, ọ mrẹ ẹgborho na, ọ guọghọ ẹshẹ rọye otu wọ djẹ re nẹ evwẹriẹ ukoko wẹn na-a.

Uvwerhe 2:2

Ọrovwohwo rhe vwo arodọvwẹ vwẹ ọke rọ vwọ guọghọ ẹdia ri Jakọp ejobi-i; vwẹ ọphu rọye ọ da guọghọ te otọ ogba ọgangan rẹ ọmọtẹ ri Juda, o siro ghwiotọ vẹ ophọphọvwe uvie kugbe isun rọye.

Uvwerhe 2:7

Ọrovwohwo na reyọ agbada rọye vwọ jehwẹ ọ da siẹn ẹshẹ rọye. O phi igbẹhẹ rẹ ighẹn rọye phihọ obọ rẹ ivwighrẹ rọye, Ọsẹghẹ de rhi she vwẹ uwevwi rẹ Ọrovwohwo kerẹ ẹdorẹ re bruru.

Izikiẹl 16:41

Ayen ke torhẹ iwevwi wẹn ayen me vwẹ owẹ guẹdjọ vwẹ irharo rẹ eya na, ke me da obọ rẹ igberadja egbe wẹ na ji, wọ gbe hwa osa kẹ ihwo ri bru we rhe ọfa-a.

Izikiẹl 23:47

Urogho na ki phi ayen a me vwẹ ọlọkọ rayen hra ayen, ayen ki hwe emeshare rayen vẹ emetẹ rayen, ayen me torhẹ iwevwi rayen.

Izikiẹl 33:21

Vwẹ ikpe rihwivẹ rẹ imu rẹ avwanre, vwẹ emeranvwe rẹ ihwe, vwẹ ẹdẹ riyori rẹ emeranvwe na, ohwo ọvo rọ djẹ vabọ nẹ Jerusalẹm rhe de bru vwe rhe tanẹ, Orere na sheri.

Emọs 2:5

Fiki rẹ ọtiọye na ki mi phi erhanre phihọ Juda, kọ torhẹ ogba ọgangan ri Jerusalẹm.

Maika 3:12

Vwẹ ọtiọye na fiki wẹ ka cha vwi Zayọn voro udju, Jerusalẹm ko che hirhe phihọ ẹkuerhurhu, Ugbenu rẹ uwevwi na kẹ egbo rẹ irhe.