Jerimaya 39:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ẹkẹvuọvo unuofovwi rẹ ihwo ri Kaldia da vwọ tua ayen, ayen da djẹ mu Zedikaya vwẹ uphephẹ ri Jeriko, re ayen vwo muo nu, ayen de vwo rhe Nebukadreza ovie ri Babilọn, vwẹ Ribla, vwẹ otọ ri Hamat, o de brorhie hwe.

Jerimaya 39:5 ပူးပေါင်းရင်းမြစ်များ

2 Samuẹl 8:9

Ọke ri Toi rẹ ovie ri Hamat vwo nyo nẹ Devid phi utuofovwi ri Hadadezar ejobi kua,

Ivie rẹ Ivẹ 17:24

Ovie rẹ Asiria da kua ihwo nẹ Babilọn rhe, vẹ Kuta, vẹ Ava, Hamat, vi Sefavem rhe, ọ da ghwẹ ayen phihọ irere ri Sameria ra kua ihwo rẹ Izrẹl nu na, ayen de rhe vwo Sameria, ayen de yeri irere rọye.

Ivie rẹ Ivẹ 23:33

Fero Niko de muo gba phihọ uwodi vwi Ribla vwẹ otọ ri Hamat, rere o je suo vwi Jerusalẹm, o de bru arhọghọ kẹ otọ na nẹ ayen jẹ, talent ujori rẹ idọnọ vẹ oro.

Ivie rẹ Ivẹ 25:6

Etiyin ayen de mu rhe ovie rẹ Babilọn vwẹ Ribla, o de bru orhiẹn hwe.

2 Ikun rẹ Ivie 33:11

Fiki rẹ ọtiọye na Ọrovwohwo da reyọ inotu rẹ unuofovwi rẹ Asiria ri vwo phi ayen, o mu Manasse a da vwẹ oghọre sa a da ghwẹ igoni rẹ ẹrovwo phihọ abọ e de muo kpo Babilọn.

Aizaya 22:3

Isun wẹn ejobi koko djẹ, ọ dia fiki rẹ umurhabọ-ọ e mu ayen. Ovwan ejobi ra mrẹre e muru, owene ayen dje re shesheri.

Jerimaya 21:7

Ukuko rọye, eriyin Ọrovwohwo tare, mi che phi Zẹdikaya ovie ri Juda tẹ idibo rọye, vẹ ihwo rẹ orere nana rẹ emiavwe vẹ ọlọkọ kugbe owẹvwe hwe chekọ phihọ obọ ri Nẹbukadreza ovie ri Babilọn ji phihọ obọ rẹ ivwighrẹ rayen, phihọ obọ rẹ ihwo re guọnọ arhọ rayen. Ọ cha vwẹ arọ rẹ ọlọkọ nyavwẹ ayen, o che mu ayen ẹro-o, o ji jẹn ayen vwo-o, ọ je rẹ ehrọre raye-en.

Jerimaya 24:8

Ẹkẹvuọvo enẹ Ọrovwohwo tare, Kirobo ri fig imiomiovwi na ri miovwi nọ re ja re-e na, epha na, ọtiọye mi che ru Zedikaya rẹ ovie ri Juda, te isun rọye, otu ri chekọ vwi Jerusalẹm re jẹ hẹ otọ nana, kugbe ayen otu re dia otọ rẹ Ijipt.

Jerimaya 38:18

Ẹkẹvuọvo wọ rha vwẹ oma wẹn kẹ isun rẹ ovie ri Babilọn na-a, ke che phi orere nana phihọ obọ rẹ ihwo ri Kaldia, ka cha vwẹ erhanre torhẹ, wọ gbe sa djẹ nẹ obọ raye-en.

Jerimaya 38:23

Eya wẹn kugbe emọ wẹn ejobi ke sun ayen rhe ihwo ri Kaldia, wẹ vẹ ekpuyovwi wẹn cha sa djẹ va ayen abọ-ọ, ẹkẹvuọvo ovie ri Babilọn che mu we; ra da vwẹ erhanre torhẹ orere na totọ.

Jerimaya 4:12

odju rọ vọn nọ ọtiọnana cha rhe fiki mẹ. Mẹvwẹ yi guẹdjọ phihọ ayen uyovwi na.

Jerimaya 44:30

Enẹ Ọrovwohwo tarẹ, Nighe me cha vwẹ Fero Hofra ovie rẹ Ijipt phihọ obọ rẹ ivwighrẹ rọye ji kugbe obọ rẹ ihwo re guọnọ arhọ rọye hwe, kirobo mi phi Zedikaya ovie ri Juda phihọ obọ ri Nebukadreza ovie ri Babilọn na rọ dia ọvweghrẹ rọye rọ je guọnọ arhọ rọye hwe na.

Jerimaya 49:23

Vwọ kpahe Damaskọs Hamat vẹ Apad kpoghore, kidie ayen nyo ikun omiomiovwo re, Ayen ra wran vwẹ evun rẹ oshọ, kerẹ abadi rọ họnran rọ sa fon riẹi.

Uvwerhe 1:3

Juda kpo imu fiki re oma ẹlaghọ vẹ owian ọgangan, ohri rẹ ẹgborho na kọye ọ dia, ẹkẹvuọvo ọ sa mrẹ ẹdia rẹ omaerovwo-o, otu re vwọ tua djẹrẹ mu vwẹ evun rẹ uvwerhe rọye.

Uvwerhe 4:20

Ẹnwẹn rẹ inwe rẹ avwanre ọ rẹ Ọrovwohwo vwẹ ọri ghworo na e de muo vwẹ ukpotọ rayen, ọ re avwanre ta kpahe nẹ, Otọ rẹ uhoho rọye avwanre cha dia vwẹ ohri rẹ ẹgborho na.

Izikiẹl 23:24

Ke ayen cha vwọ so wẹ nẹ obọhwẹre ọnre rhe vẹ akpẹrẹ kugbe idjighere vẹ urogho rẹ ihwo buebu; kẹ ayen vwọ so wẹ vwi kabọ kabọ vẹ oshuẹ, kugbe ọlọkọ, kugbe erhu rẹ utehru, ke me vwẹ ẹdjeguo na vwọ kẹ ayen, kẹ ayen vwẹ owẹ gu ẹdjọ nene urhi rẹ rayen.

Habakọk 1:7

Ihwo ri mu udidi ri mu oshọ; ọsoso rayen kugbe ọrho yoro nẹ ayen oma cha.

Ukeri 13:21

Etiyin ayen da yanran re ni otọ na, nẹ aton ri Zin re te Rehob, rọ kẹrẹ ughere ri Hamath.

Joshua 13:5

Otọ rẹ Geba kugbe Lebanọn re tẹ ubrakpọ rẹ ọnre da vacha, nẹ Baalgad vwẹ obotọ rẹ Ugbenu ri Hermọn re te ughere ri Hamat.

Joshua 4:13

kere ihwo uriori ujuvẹ re choma rẹ ofovwi da ka obaro kẹ Ọrovwohwo re hẹrhẹ ofovwi, vwẹ uphephẹ ri Jeriko.

Joshua 5:10

Ọke rẹ ihwo rẹ Izrẹl vwo mu erhọn vwi Gilgal ayen da re orẹ rẹ ẹwanvrẹn na vwẹ ẹdẹ ihwẹne rẹ emeranvwe na vwẹ ovwọnvwọn vwẹ uphẹphẹ ri Jeriko.

Iguẹdjọ 3:3

Enana ẹgborho na: ehọnvwọnre iyori rẹ ihwo ri Filistia, kugbe ihwo ri Kenan na ejobi, kugbe ihwo ri Sidọn, kugbe ihwo ri Hiv re dia ugbenu rode ri Lẹbanọn, nẹ obo ugbenu rode ri Baal-hermọn re te asan ra wan ruọ Hamat.