Jerimaya 39:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Vwẹ ẹgbukpe rirhiri ri Zedikaya ovie ri Juda, vwẹ emeranvwe rihwe, Nebukadreza ovie ri Babilọn vẹ unuofovwi rọye ejobi da rhe ri mu kpahe Jerusalẹm o de phio kua,

Jerimaya 39:1 ပူးပေါင်းရင်းမြစ်များ

2 Ikun rẹ Ivie 36:17

Fiki rẹ ọtiọye na ọ da reyọ ovie ri Kaldia rhe vwọ so ayen, rọ vwẹ oda nyavwe imighene rayen hwe vwẹ evun rẹ ẹshẹ rayen, o rhe nẹ arodọvwẹ kẹ imighene na-a emeshare eyẹ emetobẹ, ekpako eyẹ emare; o de phi ayen ejobi phihọ obọ rọye.

Jerimaya 32:1

Ota rọ nẹ obọ rẹ Ọrovwohwo bru Jerimaya rhe vwẹ ukpe rẹ ihwe ri Zẹdikaya ovie ri Juda, vwẹ ukpe rẹ ihwe gbẹ ẹrenre ri Nebukadreza.

Jerimaya 34:1

Ota rọ nẹ obọ rẹ Ọrovwohwo bru Jẹrimaya rhe, vwẹ ọke ri Nebukadreza ovie ri Babilọn vẹ otuofovwi rọye ejobi kugbe uvie rẹ akpọ na ejobi re hẹ otọ rẹ isuesun rọye vẹ ihwo na ejobi vwọ họnre Jerusalẹm vẹ irere rọye ejobi.

Jerimaya 34:22

Nighe, mi che ji urhi, eriyin Ọrovwohwo tare, me cha rhoma reyọ ayen rhe orere nana; ayen cha họnrọ rẹ ayen da reyọ, ra da vwẹ erhanre torhẹ. Mi che ru irere ri Juda ifefe rẹ ihwo de jẹn ayen ẹdia.

Jerimaya 42:18

Kidie enẹ Ọrovwohwo rẹ otuofovwi Ọghẹnẹ rẹ Izrẹl tare, Ọtiobo rẹ ophu vẹ ivuemiovwo mẹ hwẹ ku ihwo ri Jerusalẹm na, ọtioye ivuemiovwo mẹ ji hwẹ ku ovwan vwẹ ọke ru we de kpo Ijipt. Wa cha dia isọn, emuroshọ, ekan, vẹ ehwẹjẹ rode. Wa gbe mrẹ etinẹ na ọfa-a.

Jerimaya 52:1

Zedikaya da dia ẹgbukpe uje gbẹ ọvo ọkpako te ro ke rhe dia ovie, ọ da re uvie ikpe uhwọvo vwi Jerusalẹm. Odẹ rẹ oni rọye da dia Hamuta ọmọtẹ ri Jerimaya ri Libna

Jerimaya 6:6

E nẹ Ọrovwohwo rẹ otuofovwi na tare. She irhe rọye ghwiotọ wa gba ohẹrhẹ kpahe Jerusalẹm. Ọnana orere ro fo ehwe gangan; emuọvo hẹ evun rọye-e jọkpa rẹ oshenyẹ.

Izikiẹl 33:21

Vwẹ ikpe rihwivẹ rẹ imu rẹ avwanre, vwẹ emeranvwe rẹ ihwe, vwẹ ẹdẹ riyori rẹ emeranvwe na, ohwo ọvo rọ djẹ vabọ nẹ Jerusalẹm rhe de bru vwe rhe tanẹ, Orere na sheri.

Izikiẹl 4:3

Wọ reyọ ophapha rẹ utehru, re wọ vwọ gba ogba rẹ utehru phihọ uvwre wẹ vẹ orere na, re wọ tọn ẹro vio, rere ọ vwọ dia kerẹ asan ra bọn uwevwi rẹ ohẹrhẹ phihọ, rere wo nyẹ ohẹrhẹ na muo. Ọnana kẹ oka vwọ kẹ uwevwi rẹ Izrẹl.

Izikiẹl 40:1

Vwẹ ukpe ruje gbẹ iyori rẹ imu rẹ avwanre, vwẹ ẹtuọphihọ rẹ ukpe na, vwẹ ẹdẹ rihwe rẹ emeranvwe vwẹ ukpe rihwẹne re vwo phi orere na kua nu, vwẹ ẹdẹ yena dẹn na, obọ rẹ Ọrovwohwo vẹ ovwẹ da herọ,

Izikiẹl 5:2

Ẹkẹn erha rọye wọ torhẹ vwẹ erhanre vwẹ uherevie rẹ orere na, rẹ ẹdẹ rẹ imu na da gba nu, ẹkẹn erha ọvo, wọ reyọ wọ me vwẹ ọlọkọ wẹn vwo tue riariẹ orere na; ẹkẹn erha ro chekọ wo mi tuetue nene odju, ki mi yoro ọlọkọ mẹ nẹ ako rhe vwọ kpahe ayen.

Zekaraya 8:19

E nẹ Ọrovwohwo rẹ otuofovwi tare Owenẹ owẹvwe rẹ echiro rẹ emeranvwe rẹne, re fi ọriyori, vẹ ọrighwrẹ, re te ọrihwe, cha dia vwẹ uwevwi ri Juda ọke rẹ oghọghọ vẹ omavwerhe kugbe orẹ rẹ omavwerhe, ọtiọye na gba guọnọ uyota vẹ ufuoma.

Urhi Rivẹ 28:36

Ọrovwohwo cha reyọ ovwan, vẹ ovie re vwo mu vwẹ enu rẹ ovwan na, vwo rhe ẹgborho re te owẹ te esẹ wẹn je riẹn dẹvo-o; Etiyin wọ da ga edjọ, e rẹ urhe vẹ e re elalọ.