Jerimaya 38:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ọye isun na da ta kẹ ovie na, je hwe ohwo nana, kidie o re ruẹ abọ rẹ isodje ri chekọ vwẹ orere na lọhọ, vẹ abọ rẹ ihwo na ejobi, rọ vwọ ta eta nana kẹ ayen na. Kidie ohwo nana guọnọ ufuoma rẹ ihwo na-a, ẹkẹvuọvo umiovwo rayen.

Jerimaya 38:4 ပူးပေါင်းရင်းမြစ်များ

1 Ivie 21:20

Ehab da ta kẹ Ilaija, Wo rhe bru vwe vwa re E ọvweghrẹ mẹ? ọ da kpahe, Mi bru we vwa, kidie wọ shẹ oma wẹn kẹ umiovwo vwẹ obaro rẹ Ọrovwohwo.

2 Ikun rẹ Ivie 24:21

Ẹkẹvuọvo ayen da ro ẹro riariẹ phihọ, vwẹ urhi rẹ ovie kẹ ayen, ayen de phio hwe vwẹ ọguan rẹ uwevwi rẹ Ọrovwohwo na.

Ezra 4:12

Asakiephana gbẹ jẹ ovie riẹn nẹ ihwo ri Ju ri nẹ asan wẹn bru avwanre rhe na, ayen te Jerusalẹm re. Ayen rhoma bọn orere rẹ okpetu kugbe orere umwemwu yena. Ayen joma bọn igbẹhẹ rọye nure, ayen je ghwa rhuẹrẹ uchivwo rọye rere.

Nehemaya 6:9

Kidie ayen de dje uguegue muẹ avwanre, ayen ki roro nẹ, Abọ rayen cha ghwrọrọ ne iruo na, e gbi ruo-o. Ẹkẹvuọvo vwẹ asakiephana, E Ọghẹnẹ, gba vwẹ ẹgba vwọ ke abọ me.

Ẹyano 5:4

Ẹkẹvuọvo ovie rẹ Ijipti da ta kẹ Mosis vẹ Erọn, “Die we vwo si ihwo na nẹ ako rẹ iruo rayen? We kpo iruo rẹ ovwan.”

Jerimaya 11:21

Ọtiọye na enẹ Ọrovwohwo tare, kpahe ihwo rẹ Anatọt, re guọnọ arhọ wẹn na, re ta, Wọ vwẹ odẹ rẹ Ọrovwohwo mraro-o, avwanre da vwẹ obọ rẹ avwanre hwe we–

Jerimaya 18:23

Ẹkẹvuọvo E Ọrovwohwo, wọwẹ re riẹn iroro rẹ ayen vwọ guọnọ ovwẹ hwe. Wọ vwẹ orukuruku rayen vwo ghovwo aye-en, wo ji phoro umwemwu rayen nẹ obaro wẹ-ẹ. Jẹn ayen she ghwiotọ vwẹ obaro wẹn, ru ayen gangan vwẹ ọke rẹ ophu wẹn na.

Jerimaya 26:11

Kẹsiẹye irhẹrẹn na vẹ emraro na ke ta kẹ isun na vẹ ihwo na ejobi. Ọshare nana o fo abe rẹ ughwu, fikiridie ọ mraro kpahe orere nana, kirobo rẹ ovwan vwẹ erhọn rẹ ovwan nyo na.

Jerimaya 29:7

Ẹkẹvuọvo wa guọnọ erhuvwu rẹ orere ri mi ji ovwan de kpo ighuvwu na, ovwan mia rẹ Ọrovwohwo kẹ, kidie erhuvwu rọye ovwan de vwo erhuvwu.

Jerimaya 38:16

Ọye Ovie Zedikaya da bẹbẹ ve kẹ Jerimaya, kirobo rẹ Ọrovwohwo herọ na, rọ ma ẹnwẹn ejobi, mi che hwe we-e, me je reyọ o wẹn kẹ ihwo nana re guọnọ arhọ wẹn na-a.

Jerimaya 38:25

Ọ da dianẹ isun na nyori nẹ mi nene uwe ta ota re ayen de bru we rhe ta ke we nẹ, Vuẹ avwanre emu ru wọ ta kẹ ovie vẹ obo rẹ ovie vuẹ wẹ, Wọ djahe emuọvo kẹ avwanre-e avwanre che hwe we-e,

Jerimaya 43:3

ẹkẹvuọvo Barọk ọmọ ri Neraya ru we vwo mu kpahe avwanre rere wo vwo phi avwanre phihọ obọ rẹ ihwo ri Kaldia, re ayen mrasan hwe avwanre eyẹ vwo mu avwanre ighuvwu kpo Babilọn.

Izikiẹl 22:27

Isun rọye re hẹ uherevie rọye e họhọ ikpohrokpo re ria eranvwe ọkpokpọ, re rhaphiẹ ọbara, ayen ghwọrọ ihwo rere ayen vwo re erere rẹ eku.

Emọs 7:10

Etiyin Amazaya rẹ orherẹn ri Bẹtẹl de ji ohwo bru Jeroboam ovie rẹ Izrẹl nẹ, Emọs jẹ iroro ọbrabra kpahe owẹ vwẹ ohri rẹ uwevwi rẹ Izrẹl, otọ na sa gba ota rọ tare-e.

Iyẹnrẹ Esiri ri Luk 23:2

Ayen ke vwẹ urhi muo, tanẹ, Avwanre mrẹ ohwo nana ro kuẹ ẹgborho na rhẹriẹ, rọ djẹ avwanre nẹ a hwa osa rẹ uyovwi kẹ Siza-a, tanẹ ekpuyovwi rọye Kristi na ovie.

Iruo rẹ Iyinkọn na 16:20

ọke ra vwọ vwẹ ayen rhe iguẹdjọ na nu ayen da ta, Eshare nana ihwo ri Ju ri rhi kpokpo orere rẹ avwanre.

Iruo rẹ Iyinkọn na 17:6

Ọke rẹ obọ rayen gbi te aye-en, ayen de kpono Jasin kugbe imoni na evo rhe otu ri suẹn na, tanẹ, Enana hẹ ihwo rẹ bọvwọn akpọ na rhuẹ na eye je rhe obonẹ na.

Iruo rẹ Iyinkọn na 24:5

Kidie avwanre rhe mrẹ nẹ ohwo nana vwenẹ ohwo okpetu, ro sivwẹ oseghe vwẹ ohri rẹ ihwo ri Ju re hẹ akpọ na ejobi, kugbe olori rẹ ẹko rẹ ihwo ri Nazarẹt.

Iruo rẹ Iyinkọn na 28:22

Ẹkẹvuọvo avwanre guọnọ nyo mie we obo ru wo rori, kidie vwọ kpahe ota rẹ ẹko na asan ejobi ọye a da ta ota kpahọ.