Jerimaya 38:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Nighe, eya na ejobi ri chekọ vwẹ uwevwi rẹ ovie ri Juda re sun yanra bru isun rẹ ovie ri Babilọn herọ tanẹ, Igbeyan wẹn ru wọ vwẹ ẹro so phiẹn wẹ ayen phi we kparobọ; asakiephana rẹ awọ wẹn vwo she ro ibrehre na, ayen de chuko ku we.

Jerimaya 38:22 ပူးပေါင်းရင်းမြစ်များ

ỌBE RẸ JOB 6:15

Imoni mẹ riodọvwe kerẹ ekpẹn rẹ ọkẹre fa koko, kerẹ ephiọ re djẹ wan,

Une rẹ Ejiro 41:9

Vwevwe rẹ ugbeyan rẹ erhi mẹ re me vwẹ ẹro so, rọ ria emu mẹ, rhoma vwẹ ichihrawọ vi vwe.

Une rẹ Ejiro 69:14

Vwẹ ọchuko rẹ esiri wẹn na yoro uvwe no re mi je sheruọ evun rẹ ibehre; je sivwi uvwe nẹ obọ rẹ ivwighrẹ mẹ ne evun re ame okokodo.

Une rẹ Ejiro 69:2

Mi divwiri vwẹ evun rẹ ibehre, vwẹ asan rẹ owọ de je otọ ete, Me rhe ro ame okokodo, ọkẹre ko hwerhe uvwe vrẹn.

Aizaya 42:17

Ka djẹ ayen rhivwi oma kọ vo ayen, re vwẹ ẹro so oma ra mare, re ta ota kẹ oma ra wanre nẹ, Wẹ ẹdjọ rẹ avwanre.

Jerimaya 13:21

Kidie wo ta, siẹ ra da vwẹ ayen mu vwẹ enu wẹn ihwo ru wo rori nẹ igbeyan wẹn? wọ gbe rhovwo ako fia kerẹ aye rọ chuẹ uvwiẹ?

Jerimaya 20:10

Kidie mi nyo ophiọrọ buebu. Imuọshọ ọ hẹ asan ejobi! phọphọ! Jẹn avwanre phọphọ! emamọ rẹ igbeyan mẹ ejobi tarọ rẹ ayen vwọ rhẹrẹ eshe mẹ. Ọkeọvo ya cha phiẹ, avwanre ki che phiọ kparobọ rẹ avwanre de ruo keri.

Jerimaya 27:14

Wọ kerhọn rẹ emraro na-a re tanẹ wa cha ga ovie ri Babilọn na-a na, kidie ofian ayen mraro rọye kẹ ovwan na.

Jerimaya 27:15

Mi ji aye-en, eriyin Ọrovwohwo tare, ẹkẹvuọvo ayen vwẹ odẹ mẹ mraro re efian, oba rọye ke me cha djẹ ovwan kufia, re ovwan da ghwọrọ kufia, ovwan kugbe emraro re mraro kẹ ovwan na.

Jerimaya 38:19

Ovie Zedikaya da vuẹ Jerimaya, Oshọ ri Ju re djẹ bru ihwo ri Kaldia na ra mu vwe, ayen da rha reyọ ovwẹ kẹ ayen vwọ jehwẹ.

Jerimaya 38:21

Ẹkẹvuọvo wọ rha vwẹ oma wẹn kẹ aye-en, ọnana hẹ aroẹmrẹ rẹ Ọrovwohwo vwọ kẹ vwẹ:

Jerimaya 41:10

Kẹsiẹye Ishmẹl ki mu ihwo ri chekọ vwi Mizpa na ejobi ighuvwu, emetẹ rẹ ovie vẹ ihwo ri chekọ vwi Mizpa ejobi, ihwo ri Kehuzaradan, onotu rẹ ohẹrhẹ na, phihọ obọ ri Gedalaya ọmọ re Ahikam. Ishmẹl ọmọ ri Netanaya de mu ayen ighuvwu ọ da vwẹ ayen kpo otọ rẹ ihwo rẹ Ammọn.

Jerimaya 43:6

eshare na, eya na, emetẹ rẹ ivie na, kugbe ohwo kohwo ri Nebuzaradan onotu rẹ ohẹrhẹ na jovwo kugbe Gẹdalaya ọmọ ri Ahikam, ọmọ rẹ Shafan; eriyin ji te Jerimaya rẹ ọmraro na vẹ Baruk ọmọ rẹ Neraya.

Jerimaya 46:21

Ihwo rẹ ofovwi rọye re durhieri vwẹ uherevie rọye re họhọ emọ rẹ erhuẹn sọkọ sọkọ, uyota, ayen kuoma rhẹriẹ ayen de koko djẹ, ayen se mudia-a, kidie ẹdẹ rẹ okpetu rayen gbare, ọke re ehwe rayen tere.

Jerimaya 46:5

Die jabọ me vwọ mrẹ? ofu dje ayen ayen de rhivwi kpuko. E hwe egbofovwi rayen totọ, ayen da djẹ okpokpakpa, ayen gbi ni uko-o. Oshọ vwẹ asan ejobi: eriyin Ọrovwohwo na tare.

Jerimaya 6:12

A cha vwẹ uwevwi rayen kẹ ihwo efa, te udju vẹ eya rayen ejobi, kidie me cha riẹn obọ mẹ kpahọ kpahe ihwo rẹ otọ na eriyin, Ọrovwohwo na tare.

Jerimaya 8:10

Vwẹ ọtiọye na ke me vwẹ eya rayen kẹ ihwo efa, ke me vwẹ udju rayẹn kẹ otu ri phi ayen kua, fikiridie nẹ omotete rayen re te omirẹgua vwo urhuru rẹ igho rẹ eku; nẹ orherẹn re te ọmraro ejobi vwọrọn ofian.

Uvwerhe 1:13

Obenu ọye erhanre rọye nurhe, rhe ro ibeku mẹ, rọ tuan kpotọ O da riẹn obriki rhurhu awọ mẹ, O de ku vwe rhẹriẹ, O da nẹrhẹ ovwẹ ghwu mudia, mi de shero vwẹ ẹdẹ na ejobi.

Uvwerhe 1:2

O beroma rẹ oviẹ vwẹ ason, ameoviẹ hẹ egban rọye, vwẹ usun rẹ esen rọye na ejobi o vwo ọvuọvo rọ vwẹ uchebro kẹ-ẹ; Igbeyan rọye ejobi hirhe phihọ ivwighrẹ rọye.

Uvwerhe 5:11

Aphọphẹ eya vwi Zayọn, kugbe emetobẹ re hẹ Juda.

Maika 7:5

Wọ vwẹ ẹro so ọrivẹ-ẹ, wọ vwẹ udu kpahe ugbeya-an; sẹro rẹ ẹchẹ rẹ ugbunu wẹn kẹ aye rọ vwẹ uyovwi kpahe owẹ udu;