Jerimaya 38:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Jerimaya da ta, A cha reyọ owẹ vwọ kẹ aye-en. Mu ọghọ kẹ urhuru rẹ Ọrovwohwo vwẹ obo re me vuẹ wẹ na, kọ yovwi kẹ wẹ, ke ji sivwi urhuarho wẹn.

Jerimaya 38:20 ပူးပေါင်းရင်းမြစ်များ

Jẹnẹsis 12:13

Gba ta kẹ ayen nẹ wẹ oniọvo mẹ, rere o vwo yovwi kẹ vwẹ fiki wẹ, rere Me mrasan rhọ fiki wẹ.

Jẹnẹsis 19:20

Nighe, orere rọ oboyi na kẹrobọ ra dje ra, o ke je havwe. Ju vwe djẹ kpo Etiyin–ọ dia ọhahavwe? –erhi mẹ kọ rhọ;

2 Ikun rẹ Ivie 20:20

Ayen de vrẹn vwẹ irhiọke ride ayen da yanran kpo aton ri Tekoa; rẹ ayen vwọ yanran re, Jehoshafat de mudia ọ da ta, Nyo vwe, Juda kugbe ihwo ri Jerusalẹm! Se Ọrovwohwo Ọghẹnẹ wẹn gbuyota, kọ vwẹ owọ wẹn muotọ; se emraro rọye gbuyota, ku wọ kparobọ.

Isẹ 4:4

o de yono uvwe, ọ da ta kẹ vwẹ nẹ, Jẹn udu wẹn yọnre eta mẹ gangan: sẹro rẹ irhi mẹ, rere wọ rhọ:

Isẹ 7:2

yọnrọn irhi mẹ rere wọ vwọ rhọ, sẹro rẹ eyono mẹ kere ọmọ-ero wẹn.

Aizaya 55:3

Rhie erhọn wẹn, ri wo bru vwe rhe; nyo, re erhi wẹn vwọ rhọ; ke Me vẹ owẹ re ọphọ re rara, omamọ rẹ uvi rẹ ẹguọnọ ro jẹrhẹriẹ ri mi vwo kẹ Devid.

Jerimaya 11:4

ri mi ji iji kẹ esẹ rẹ ovwan re me vwọ reyọ ayen nẹ otọ rẹ Ijipt cha, nẹ erhanre rẹ utehru, ta nẹ, Kerhọn rẹ urhuru mẹ, re we ru obọ me ta kẹ ovwan, kẹ ovwan dia ihwo mẹ, ke me je dia Ọghẹnẹ rẹ ovwan,

Jerimaya 11:8

Dede na ayen nyori-i eyẹ ayen je kerhọ-ọn; ẹkẹvuọvo dohwo dudu ọgangan rẹ umwemwu rọye je yan phihọ. Ọtiọye re me da ghwa eta rẹ ọphọ nana kpahe ayen, ri mi jiji kẹ ayen nẹ ayen ru, ẹkẹvuọvo ayen ruro-o.

Jerimaya 26:13

Ọtiọye na ovwan gba rhẹriẹ idjerhe rẹ ovwan, wa je rhẹriẹ iruo rẹ ovwan asakiephana, re we nyo urhuru rẹ Ọrovwohwo Ọghẹnẹ rẹ ovwan, Ọrovwohwo ko kurhẹriẹ nẹ umiovwo ro ghwoghwori kpahe ovwan na.

Jerimaya 38:21

Ẹkẹvuọvo wọ rha vwẹ oma wẹn kẹ aye-en, ọnana hẹ aroẹmrẹ rẹ Ọrovwohwo vwọ kẹ vwẹ:

Jerimaya 7:23

Ẹkẹvuọvo urhi nana me vwọ kẹ ayen, Nyo urhuru mẹ, ke me dia Ọghẹnẹ kẹ ovwan, ovwan ke dia ihwo mẹ, rere wa yan vwẹ idjerhe ejobi ri mi dje kẹ ovwan rere o vwo yovwi kẹ ovwan.

Daniẹl 4:27

Fiki rẹ ọtiọye, E Ovie, gbe nyo uchehro mẹ, siobọ nẹ umwemwu rere wo ru emu esiri, vẹ orukuruku wẹn, re wo ni arodọvwẹ kẹ ihwo rẹ eshenyẹ, siẹvo ufuoma wẹn ke ruo gro phihọ.

Emọs 5:4

Kidie e nẹ Ọrovwohwo ta kẹ uwevwi rẹ Izrẹl guọnọ ovwẹ re wọ rhọ;

Emọs 5:6

Guọnọ Ọrovwohwo re wọ rhọ, o de rhi mu la kerẹ erhanre vwẹ uwevwi ri Josẹf, kọ guọghọ, o rhe vwo ohwo ọvuọvo ro se furhie Bẹtẹ-ẹl,

Iruo rẹ Iyinkọn na 26:29

Pọl da ta, Owenẹ ọkrẹre eyẹ o grori, mane kẹ Ọghẹnẹ rhọvwere nẹ ọ dia owẹ ọvo-o ẹkẹvuọvo ji te ayen ejobi rhe ri nyo vwe nonẹ na rhe dia kirobo re me epha na jokpa rẹ igoni nana ọvo ri nuro.

2 Kọrẹnt 5:11

Vwẹ ọtiọye na, ra vwọ riẹn oshọẹdjẹ rẹ Ọrovwohwo na, kẹ avwanre riẹriẹ ihwo; ẹkẹvuọvo obo rẹ avwanre epha Ọghẹnẹ ọvo re riẹnre, mi phiẹrohọ nẹ udu rẹ ovwan je riẹn rhe.

2 Kọrẹnt 5:20

Ọtiọye na avwanre kẹ ihwo ri Kristi ji uwevwi, oma rẹ avwanre ọye Ọghẹnẹ wan vuẹ uwevwi na. Avwanre vwẹ odẹ ri Kristi rẹ ovwan, rere wa vẹ Ọghẹnẹ rhuẹrẹ kugbe.

2 Kọrẹnt 6:1

Rẹ ayen vẹ ọye vwo ru iruo kuẹgbe na, avwanre ke rẹ ovwan nẹ, ovwan rha reyọ ẹserọphẹ rẹ Ọghẹnẹ na ghevweghe-e.

Jems 1:22

Ẹkẹvuọvo ovwan dia ihwo re sa vwẹ ota na ruẹ emu e dia ihwo ri nyo ọvo-o, re phiẹn omaobọ rẹ ayen.