Jerimaya 38:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² nẹ, Enẹ Orovwonwo tare, Ohwo ro chekọ ọrho nana ọlọkọ vẹ owẹvwe kugbe emiavwe che hwe; ẹkẹvuọvo ohwo rọ yan bru ihwo ri Kaldia cha rhọ, arhọ rọye cha dia kerẹ osa rẹ ofovwi, ọ me rhọ.

Jerimaya 38:2 ပူးပေါင်းရင်းမြစ်များ

Jerimaya 21:4

Enẹ wa cha ta kẹ Zedikaya, Enẹ Ọrovwohwo, Ọghẹnẹ rẹ Izrẹl tare, Nighe, me cha rheriẹ ekuakua rẹ ofovwi re abọ re ovwan na kpuko e re wa vwọ họnre ovie ri Babilọn kugbe ihwo ri Kaldia e re yariẹ ovwan phihọ vwẹ obotafe rẹ igbẹhẹ na, Ke me cha ghwa ayen koko rhe uherevie rẹ orere na.

Jerimaya 24:8

Ẹkẹvuọvo enẹ Ọrovwohwo tare, Kirobo ri fig imiomiovwi na ri miovwi nọ re ja re-e na, epha na, ọtiọye mi che ru Zedikaya rẹ ovie ri Juda, te isun rọye, otu ri chekọ vwi Jerusalẹm re jẹ hẹ otọ nana, kugbe ayen otu re dia otọ rẹ Ijipt.

Jerimaya 27:11

Ẹkẹvuọvo Ẹgborho kẹgborho ro phi ohọre rọye phihọ otọ rẹ urhekpe rẹ ovie ri Babilọn ro da ga, ki mi jovwo nẹ ọ dia otọ robọ rọye, ro voro rọ je dia, eriyin Ọrovwohwo tare.

Jerimaya 27:13

Die sorọ rẹ ọlọkọ vwo hwe we vẹ ihwo wẹn, te owẹvwe, te emiavwe, kirobo re Ọrovwohwo ta kpahe ẹgborho kẹgborho rọ ga ovie ri Babilọn na-a na?

Jerimaya 29:16

Enẹ Ọrovwohwo ta kpahe ovie ro tidia ekete ri Devid, je kpahe ihwo ejobi re dia orere nana, imoni re ovwan re mu nene ovwan kpo imu na-a.

Jerimaya 29:18

Ọlọkọ vẹ owẹvwe, kugbe ọtiekọ mi che vwo nene ayen, mi mi rhi ru ayen phiyọ imuoshọ kẹ ivie rẹ akpo na ejobi, re ayen vwọ dia ekan, osho, unuefiọn, vẹ ehwẹjẹ vwẹ uherevie rẹ irere ejobi re me djẹ ayen na.

Jerimaya 34:17

Ọtioye na, enẹ Ọrovwohwo tare ovwan mu ọghọ kẹ vwẹ vwẹ ofuvwegbe ri mi ghwoghwori kẹ dohwo doniọvo rọye kugbe dohwo dọrivẹ rọye-en, nighe, mi ghwoghwo kẹ ovwan ofuvwogbe rẹ ọlọkọ vẹ otiekọ kugbe owẹvwe, eriyin Ọrovwohwo tare. Mi che ru ovwan vwo dia imuoshọ kẹ ivie rẹ akpọ na ejobi.

Jerimaya 39:18

Kidie mi ghine che sivwi uwe rhọ, wo se she ro ọlọkọ-ọ, ẹkẹvuọvo wo che vwo urhuarho wẹn kerẹ osa rẹ ofovwi, fikiridie wọ vwẹ ẹro so vwẹ, eriyin Ọrovwohwo tare.

Jerimaya 42:17

Eshare ejobi rẹ tọn opharo rayen vi Ijipt ri kpo oboyi ra dia na ọlọkọ che hwe ayen, owẹvwe vẹ ọtiekọ che hwe ayen, o che vwo ohwo ro che chekọ kẹ ayen vwẹ umiovwo re me vwo bru ovwan cha na.

Jerimaya 42:22

Asakiephana we jo mu ovwan ẹro nẹ obo rẹ ovwan ra ra dia na, ọlọkọ vẹ owẹvwe kugbe ọtiekọ che hwe ovwan vwẹ oboyi.

Jerimaya 44:13

Mi hwe ayen otu re dia otọ rẹ Ijipt na gangan, kirobo ri mi hwe Jerusalẹm na, vẹ ọlọkọ, vẹ owẹvwe, kugbe ọtiekọ.

Jerimaya 45:5

Wọ guọnọ imu ride kẹ oma wẹn? Wọ guọnọ aye-en, kidie, gbe nighe, me herọ ghwa umiovwo rhe ihwo ejobi eriyin Ọrovwohwo tare, ẹkẹvuọvo me cha vwẹ arhọ wẹn kẹ wẹ kere osa rẹ ofovwi vwẹ asan kasan wọ cha ra ejobi.

Izikiẹl 14:21

Kidie enẹ Ọrovwohwo Ọghẹnẹ tare: Komavọ ọ dia vwẹ ọke me da vwẹ oghẹre rẹ ẹdjeguo ẹne mẹ vwọ rhe Jerusalẹm, ọlọkọ, owevwe, eranvwe ebrabra vẹ emiavwe, rere o bru ohwo kugbe eranvwe no!

Izikiẹl 6:11

Enẹ Ọrovwohwo Ọghẹnẹ tare, Teyọ abọ wẹn, vwẹ owọ wẹn teyẹ otọ, re wọ ta, Ẹghwọ! fiki rẹ ẹgua omiomiovwi rẹ uwevwi rẹ Izrẹl, kidie ayen che she vwẹ oma rẹ ọlọkọ, vẹ owẹvwe, vẹ emiavwe.

Izikiẹl 7:15

Ọlọkọ ọ hẹ uphephẹ, emiavwe vẹ owẹvwe hẹ evun rẹ uwevwi, ọ rọ hẹ obo uphephẹ ghwu ughwu rẹ ọlọkọ; ọ rọ hẹ obo evun rẹ orere owevwe te emiavwe ke ghwọrọ.