Jerimaya 38:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Etiyin ọ da ta kẹ Zedikaya, Enẹ Ọrovwọhwo Ọghẹnẹ rẹ otuofovwi, Ọghẹnẹ rẹ Izrẹl tare, Wọ da vwẹ oma wẹn kẹ isun rẹ ovie ri Babilọn, ke sivwi arhọ wẹn, a rha vwẹ erhanre torhẹ orere na-a, wọ vẹ uwevwi wẹn ke rhọ.

Jerimaya 38:17 ပူးပေါင်းရင်းမြစ်များ

Jẹnẹsis 12:13

Gba ta kẹ ayen nẹ wẹ oniọvo mẹ, rere o vwo yovwi kẹ vwẹ fiki wẹ, rere Me mrasan rhọ fiki wẹ.

Ivie rẹ Ivẹ 24:12

Jehoyakin ovie ri Juda da vwẹ oma rọye kẹ ovie ri Babilọn, oma rọye, vẹ oni rọye, vẹ idibo rọye, vẹ isun rọye kugbe ediaguare rọye ye vwẹ oma rayen kẹ. Ovie rẹ Babilọn de mu Jehoyakin phihọ uwodi rọ vwọ re uvie ikpe ẹrẹnre nu.

Ivie rẹ Ivẹ 25:27

Vwẹ ẹdẹ uje gbẹ ighwrẹ re emeranvwe rihwe gbẹ ivẹ rẹ ukpe rọgban gbẹ ighwrẹ ri Jehoyakin ovie ri Juda vwọ ijọpha, Ivomerodak ovie ri Babilọn da vwẹ ẹnwẹ esiri si Jehoyakin nẹ imu vwẹ evun rẹ ukpe yena rọ vwọ to uvie ẹriọ phihọ na.

1 Ikun rẹ Ivie 17:24

Odẹ wẹ kọ dia, ka je kparọ kpenu bẹdẹ; nẹ Ọrovwohwo rẹ ofovwi, Ọghẹnẹ rẹ Izrẹl ọye Ọghẹnẹ ri Izrẹl, uwevwi rẹ odibo wẹn Devid kọ dia vwẹ obaro wẹn.

Ezra 9:4

Etiyin ihwo ejobi re phariẹ vwẹ oma rẹ eta rẹ Ọghẹnẹ rẹ Izrẹl na, fiki ri je segbuyota rẹ ihwo ri rhivwi nẹ imu rhe na, ayen da rhe gba yariẹ ovwẹ phihọ vwẹ ọke mi vwo tidia fọ gbiei na rhiri rhi te ọke rẹ izobo rẹ ovwọnvwon.

ỌBE RẸ JOB 23:13

Ẹkẹvuọvo ọ rhẹriẹ-ẹ ono ri se kuo rhẹriẹ? Obo ri jere ọye o ruẹ.

Une rẹ Ejiro 80:14

Kuoma rhẹriẹ rhe, E Ọghẹnẹ rẹ otuofovwi Ni otọ nẹ obo odjuvwu rhe, re wo mrẹ, se vain nana gbe emu,

Une rẹ Ejiro 80:7

Vwe avwanre rhivwi rhe, E Ọghẹnẹ rẹ otuofovwi, jẹn opharo wẹn lo, rere ma vwọ sa rhọ!

Jerimaya 27:12

Me da ta enana ejobi vwọ kẹ Zẹdikaya ovie ri Juda Phi ohọre wẹn phihọ otọ rẹ urhekpe rẹ ovie ri Babilọn, re wọ ga je ga ihwo rọye, re wọ rhọ.

Jerimaya 27:17

Wa kerhọn raye-en wa ga ovie ri Babilọn re wa rhọ. Die nẹrhẹ orere nana rhe dia ofefe?

Jerimaya 27:8

Ẹkẹvuọvo ọ da dianẹ uvie ọvo gbe rhọvwe ga Nebukadreza nana rẹ ovie ri Babilọn na-a, ro gbi ji phi ohọre rọye phihọ otọ rẹ urhekpe rẹ ovie ri Babilọn na-a, me vwẹ ọlọkọ kugbe owẹvwe vẹ emiavwe ru ẹgborho yena gangan, bẹsiẹye me vwọ wan obọ rọye ghwọrọ ẹgborho yena nu, eriyin Ọrovwohwo na tare.

Jerimaya 38:2

nẹ, Enẹ Orovwonwo tare, Ohwo ro chekọ ọrho nana ọlọkọ vẹ owẹvwe kugbe emiavwe che hwe; ẹkẹvuọvo ohwo rọ yan bru ihwo ri Kaldia cha rhọ, arhọ rọye cha dia kerẹ osa rẹ ofovwi, ọ me rhọ.

Jerimaya 39:3

Ra vwọ reyọ Jerusalẹm nu, isun rẹ ovie ri Babilọn ejobi da rhe ri tidia anurhoro rẹ uherevie: Negalshareza Samganebo, Sasekim ri Rabsa, Negalshareza, ri Rabmag, kugbe isun rẹ ovie ri Babilọn ejobi.

Jerimaya 40:9

Gedalaya ọmọ rẹ Ahikam, ọmọ ri Shafan, de ve kẹ ayen vẹ ihwo rayen, tanẹ, Wa djẹ oshọ rẹ ovwan vwọ ga ihwo ri Kaldia na-a. Wa dia otọ na, re wa ga ovie ri Babilọn, kọ che yovwẹ kẹ ovwan.

Jerimaya 44:7

Vwẹ asakiephana enẹ Ọrovwohwo Ọghẹnẹ rẹ otuofovwi, Ọghẹnẹ rẹ Izrẹl tare: Die sorọ ru we vwo ru umwemwu kpahe ekpuyovwi rẹ ovwan, re wa vwọ nyavwẹ ọshare vẹ aye, omotete vẹ ọmọfofa nẹ uherevie ri Juda, rẹ ohwo ọvuọvo vwo je chekọ kẹ ovwan?

Izikiẹl 8:4

Gbe nighe, urinrin rẹ Ọghẹnẹ rẹ Izrẹl na hẹ etiyin, kerẹ emramrẹ re me mrẹre vwẹ obo uphephẹ na.

Emọs 5:27

fiki rẹ ọtiọye na ki mi che mu ovwan kpo imu vrẹn Damaskọs, eriyin Ọrovwohwo na tare, rẹ odẹ rọye Ọghẹnẹ rẹ otuofovwi na.