Jerimaya 38:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ọye Ovie Zedikaya da bẹbẹ ve kẹ Jerimaya, kirobo rẹ Ọrovwohwo herọ na, rọ ma ẹnwẹn ejobi, mi che hwe we-e, me je reyọ o wẹn kẹ ihwo nana re guọnọ arhọ wẹn na-a.

Jerimaya 38:16 ပူးပေါင်းရင်းမြစ်များ

Aghwoghwo 12:7

Rẹ iwurhie vwo rhivwi kpo ekpẹn kirobo rọ epha jovwo, erhi na de rhivwi bru Ọghẹnẹ ro vworo.

Aizaya 42:5

Enẹ Ọghẹnẹ tare, Ọrovwohwo na, rọ ma idjuvwu rọ da nabọ riẹn phihọ na, rọ riẹn akpọ na phihọ vẹ obo re djẹ no rhe ejobi, rọ vwẹ ẹnwẹn kẹ ihwo re dia evun rọye kugbe erhi kẹ ihwo re yan vwẹ evun rọye.

Aizaya 57:16

Kidie mi dje ẹghwọ ẹghwọ bẹdẹ-ẹ, eyẹ ivunvun ri miovwo uvwe bẹdẹ-ẹ; kidie obọ Mẹ erhi nẹ cha, Mẹvwẹ re ma ẹnwen rẹ arhọ na.

Jerimaya 34:20

ki mi che phi ayen phihọ obọ rẹ ivwighrẹ rayen kugbe obọ rẹ otu re guọnọ urhuarhọ rayen. Irivwi rayen ke cha dia emuọre kẹ emephran rẹ obenu vẹ eranvwe rẹ akpọ na.

Jerimaya 37:17

Ovie Zedikaya de ji ohwo re se, Ovie na da bẹbẹ nọ vwẹ uwevwi rọye, ta nẹ, Ota nẹ obọ rẹ Ọrovwohwo rhe? Jerimaya da ta, Ota herọ Kẹsiẹye ọ ke ta, E che phi we phihọ obọ rẹ ovie ri Babilọn.

Zekaraya 12:1

Ota rẹ Ọrovwohwo kpahe Izrẹl: Enẹ Ọrovwohwo tare, ohwo rọ ma enu rọ mama akpọ na ro phi erhi phihọ ohwo oma.

Ukeri 16:22

Ayen de she bọvwọn epharo rayen rhu otọ, ayen da ta, E Ọghẹnẹ, Ọghẹnẹ rẹ irhi rẹ ihwo rẹ akpọ na ejobi, kẹ ohwo ọvo de ru umwemwu kọye wo vwo mu ophu kpahe ihwo rẹ ukoko na ejobi?

Ukeri 27:16

Jẹn Ọrovwohwo Ọghẹnẹ rẹ erhi rẹ ihwo ejobi na, ọ vwẹ ohwo mu vwẹ enu rẹ ukoko na,

Iyẹnrẹ Esiri ri Jọn 3:2

Ọhwo nana de bru Jesu rhe vwẹ ason ọ da ta kẹ, Rabbi, avwanre riẹnre nẹ wọwẹ oyono ro nẹ obọ rẹ Ọghẹnẹ rhe; kidie ohwo ọvuọvo ro se ru eka nana ru wo ruẹ na herọ-ọ, jokpa nẹ Ọghẹnẹ vwọ ba.

Iruo rẹ Iyinkọn na 17:25

eyẹ kẹ abọ rẹ ohwo rẹ akpọ a vwọ ga-a, kerẹsiẹ ra da mrẹ nẹ ọ guọnọ emu-u, kidie ekpuyovwi rọye re kẹ ihwo ejobi arhọ kugbe ẹnwẹn kugbe kemu kemu.

Iruo rẹ Iyinkọn na 17:28

kidie Evun rọye avwanre epha etiyin avwanre da yan etiyin arhọ rẹ avwanre epha; kirobo rẹ isiẹbe rẹ ovwan evo tare, Kidie uyota avwanre ghine uvwiẹ rọye.

Hibru 12:9

Ọfa, ọsẹ rẹ aruakpọ na ghwọ kuẹ avwanre avwanre mi mu ọghọ kẹ ayen. Kẹ avwanre rhe se mu ọghọ kẹ Ọsẹ ro vwo irhi ejobi re wa rhọ-ọ?