Jerimaya 38:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Eriyin na Ebẹdmẹlẹk da reyọ eshare na kugbe oma, ayen da yan kpo uwevwi rẹ ovie na, te uvun ra vwẹ emwa ya, ayen da dia etiyin reyọ ebẹre emwa re ghwore, e de phi ifi phihọ ayen kpo obotọ rhe Jerimaya vwẹ evun rẹ orhare na.

Jerimaya 38:11 ပူးပေါင်းရင်းမြစ်များ

Jerimaya 38:10

Ọye ovie na da vuẹ Ebẹdmẹlẹk, ohwo rẹ Ẹtiopia na, nẹ, Reyọ eshare erha nẹ etinẹ vwọ ba oma, ru wọ kpare Jerimaya re ọmraro na nẹ evun rẹ orhare na rhe re o ki ghwu.

Jerimaya 38:12

Etiyin Ebẹdmẹlẹk ohwo rẹ Ẹtiopia na, da ta kẹ Jerimaya, phi ebẹre emwa na kugbe ifi na phihọ aviavwe wẹn Jerimaya de ru ọtiọye.

Jerimaya 38:6

Eriyin ayen de mu Jerimaya phihọ orhare ri Malkaya, ọmọ rẹ ovie, ro hẹ evun rẹ ọguan rẹ ohẹrhe na, a da vwẹ ifi lọrọ Jerimaya kpo obotọ. Ame herọ-ọ, ẹkẹvuọvo ibrehre ọvo, Jerimaya de sheruẹ ibrehre na.

Jerimaya 38:7

Ọke re Ebẹdmẹlẹk ohwo rẹ Ẹtiopia, oghwanran na, ohwo rọ herọ vwẹ evun rẹ uwevwi rẹ ovie na, vwo nyo nẹ ayen mu Jerimaya phihọ evun rẹ orhare na. Yẹn ovie na tidia vwẹ Anurhoro ri Benjamin–

Joshua 6:19

Ẹkẹvuọvo idọnọ kugbe oro ejobi, vẹ ekuakua rẹ ẹrovwo kugbe itehru, e pha fuanfon kẹ Ọrovwohwo; ka ghwẹ ayen kpo uwevwi rẹ efe rẹ Ọrovwohwo na.