Jerimaya 37:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Eriyin na Ovie Zedikaya ki ji urhi ayen ki phi Jerimaya phihọ ọguan rẹ isodje rọ rhẹrẹ na, kẹdẹ kẹdẹ kọye a vwọ kẹ ọko rẹ ikara ọvo nẹ urhuvwu rẹ ọkakikara na cha, bẹsiẹye rẹ ikara rẹ orere na rhi vwo re. Ọtiọye Jerimaya da dia ọguan rẹ isodje rọ rhẹrẹ na.

Jerimaya 37:21 ပူးပေါင်းရင်းမြစ်များ

Ivie rẹ Ivẹ 25:3

Ẹdẹ irhiri rẹ emeranvwe rẹne rẹ ukpe yena owẹvwe de rhi fi gangan kidie emuọre rha herọ kẹ ihwo rẹ otọ na-a.

ỌBE RẸ JOB 5:20

Vwẹ ọke rẹ owẹvwe de fi o se sivwi uwe nẹ ughwu. O sivwi uwe nẹ ogangan rẹ ọlọkọ.

Une rẹ Ejiro 37:19

Oma sa vọ ayen vwe ọke re ukpokpogho-o, vwẹ ọke owẹvwe evun sa vọn ayen.

Une rẹ Ejiro 37:3

Vwẹ ẹro so Ọrovwohwo, ru wo ru ọ re esiri ko wọ dia otọ na, oma ko fu we.

Isẹ 16:7

Ọke rẹ idjerhe rẹ ohwo de je Ọrovwohwo, ivwighre rọye dede na ke rhoma dia ọnse rọye.

Isẹ 21:1

Udu rẹ ovie epha kerẹ uto rẹ ame vwẹ obọ rẹ Ọrovwohwo na; o se kuo rhẹriẹ kirobo ri jere.

Aizaya 33:16

Kọ cha dia asan ro kpenu; asan ekpọfia rọye ọye uwevwi rẹ oragha, a vwe emuọre rọye ke, ame rọye ro da omuero

Jerimaya 20:2

Kọye Pashọ da teyọ Jẹrimaya re ọmraro na, ọ da vwẹ igoni rẹ unurhoro ro kpenu rẹ Bẹnjamin vwẹ uwevwi rẹ Ọrovwohwo na karọ

Jerimaya 32:2

Ọke yena otuo-fovwi rẹ ovie ri Babilọn yarie Jerusalẹm phihọ, ye e mu Jẹrimaya re ọmraro phihọ uwodi vwẹ ọguan rẹ ọhẹrhẹ rẹ ovie ri Juda.

Jerimaya 32:8

Kọye Hanamẹl rẹ oniọvo mẹ de bru vwe rhe vwẹ obo uwodi rẹ ọguan na kirobo rẹ ota rẹ Ọrovwohwo na epha, ọ da vuẹ vwẹ nẹ, Dẹ udju mẹ rọ hẹ obo Anatọt vwẹ otọ ri Benjamin, kidie we yi fo ohwo rọ je sa tan, dẹ ke oma wẹn. Me ke ghwa riẹn nẹ ọnana ota rẹ Ọrovwohwo na.

Jerimaya 33:1

Ota rẹ Ọrovwohwo na da rhoma bru Jerimaya rhe vwẹ obọ rivẹ, yọ je hẹ uwodi vwẹ ọguan rẹ ohẹrhẹ.

Jerimaya 38:13

Ayen da vwẹ ifi na si Jerimaya kpo enu nẹ orhare na rhe. Jerimaya da dia ọguan rẹ ohẹrhẹ na.

Jerimaya 38:28

Jerimaya da dia ọguan rẹ ohẹrhe na bẹsiẹ ra rhe vwọ reyọ Jerusalẹm.

Jerimaya 38:6

Eriyin ayen de mu Jerimaya phihọ orhare ri Malkaya, ọmọ rẹ ovie, ro hẹ evun rẹ ọguan rẹ ohẹrhe na, a da vwẹ ifi lọrọ Jerimaya kpo obotọ. Ame herọ-ọ, ẹkẹvuọvo ibrehre ọvo, Jerimaya de sheruẹ ibrehre na.

Jerimaya 38:9

Ọrovwovwe ovie mẹ, ihwo nana ru bra rẹ ayen vwo mu Jerimaya rẹ ọmraro na phihọ evun rẹ orhare, owẹvwe che hwe ghwẹ, kidie ikara gbi chekọ vwẹ orere na-a.

Jerimaya 52:6

Ẹdẹ rirhiri rẹ emeranvwe rẹne owẹvwe da rhe gan gangan vwẹ orere na, rẹ emuọre rha herọ kẹ ihwo rẹ otọ na-a.

Uvwerhe 5:10

Oma rẹ avwanre kọ rhorha kerẹ enyerhanre vẹ ọtotorhẹ rẹ owẹvwe.

Matiu 6:33

Ẹkẹvuọvo gba ka guọnọ uvie rẹ Ọghẹnẹ tavwe, kugbe ọvwata rọye, kọ vwẹ emu na ejobo ba kẹ wẹ.

Iruo rẹ Iyinkọn na 12:5

Eriyin na Pita da hẹ evu rẹ uwodi; ẹkẹvuọvo kọke kọke kọye ishọshi na vwọ rẹ Ọghẹnẹ kẹ.

Iruo rẹ Iyinkọn na 24:27

Ẹkẹvuọvo ọke rẹ ikpe ivẹ vwọ wan nu, Pọkiọs Fẹstọs de rhi wene Fẹliks; re o vwo phoro aro kẹ ihwo ri Ju, ọ da yan jẹ Pọl vwo vwẹ uwodi.

Iruo rẹ Iyinkọn na 28:16

Ọke rẹ avwanre rhi vwo te Rom, a da rhovwe kẹ Pọl nẹ ọ dia asan obọ roye san, ọ vẹ isodje re rhẹrẹ.

Iruo rẹ Iyinkọn na 28:30

O dia etiyin ikpe ivẹ soso ọye ọvo re ghẹrẹ oma rọye, ọ de dede ayen otu ri bruro rhe ejobi.

Ẹfesọs 4:1

Mẹvwẹ, rọ hẹ uwodi fiki rẹ Ọrovwohwo na, nabọ rẹ ovwan rere ovwan yere eyere ro fori kẹ use nana re se ovwan phihọ na.

Ẹfesọs 6:20

Fiki rọye me vwọ hẹ ọyinkọn vwẹ igoni na; rere mi vwo se ghwoghwo vẹ udu, kirobo re me sa ta te.

2 Timoti 1:8

Wo jẹ oma rẹ iseri ru wo se kẹ Ọrovwavwanre na vo owẹ-ẹ, eyẹ mẹvwẹ rọ hẹ uwodi na-a, ẹkẹvuọvo gba re ẹkẹn oja wẹn fiki rẹ iyẹnrẹ esiri na vwẹ ogangan rẹ Ọghẹnẹ,

2 Timoti 2:9

iyẹnrẹ esiri ri nu vwi fiki rọye reoja na ra vwọ vwẹ igoni kanre ovwẹ kerẹ ozighẹ. Ẹkẹvuọvo a sa vwẹ igoni kanre ota rẹ Ọghẹnẹ-ẹ.