Jerimaya 37:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ovie Zedikaya de ji ohwo re se, Ovie na da bẹbẹ nọ vwẹ uwevwi rọye, ta nẹ, Ota nẹ obọ rẹ Ọrovwohwo rhe? Jerimaya da ta, Ota herọ Kẹsiẹye ọ ke ta, E che phi we phihọ obọ rẹ ovie ri Babilọn.

Jerimaya 37:17 ပူးပေါင်းရင်းမြစ်များ

1 Ivie 22:15

Ọke ro rhi vwo te asan rẹ ovie, ovie na da ta kẹ, Maikaya, avwanre kpare ofovwi kpo Ramot-gilead, gbenẹ avwanre jovwo? Ọ da kpahe kẹ, Ra re phi kparobọ; Ọrovwohwo che phio phihọ obọ rẹ ovie.

1 Ivie 22:16

Ẹkẹvuọvo ovie da ta kẹ, Bro ọke me ta ota kẹ wẹ nẹ ta uyota ọvo kẹ vwẹ vwẹ odẹ rẹ Ọrovwohwo?

Ivie rẹ Ivẹ 25:7

Ayen de hwe emeshare ri Zedikaya vwẹ irharo rọye, ayen de rhe yoghro ibiẹro ri Zẹdikaya no, ayen da vwẹ igoni karọ, ayen de muo kpo Babilọn.

Jerimaya 15:11

Jọ dia ọtiọye, E Ọrovwohwo, ọ da dianẹ me rẹ wẹ vwi fiki rẹ erhuvwu raye-en me rha rẹ wẹ vwọ ke ayen fiki rẹ ivwighrẹ vwẹ oke rẹ ukpokpogho!

Jerimaya 21:7

Ukuko rọye, eriyin Ọrovwohwo tare, mi che phi Zẹdikaya ovie ri Juda tẹ idibo rọye, vẹ ihwo rẹ orere nana rẹ emiavwe vẹ ọlọkọ kugbe owẹvwe hwe chekọ phihọ obọ ri Nẹbukadreza ovie ri Babilọn ji phihọ obọ rẹ ivwighrẹ rayen, phihọ obọ rẹ ihwo re guọnọ arhọ rayen. Ọ cha vwẹ arọ rẹ ọlọkọ nyavwẹ ayen, o che mu ayen ẹro-o, o ji jẹn ayen vwo-o, ọ je rẹ ehrọre raye-en.

Jerimaya 24:8

Ẹkẹvuọvo enẹ Ọrovwohwo tare, Kirobo ri fig imiomiovwi na ri miovwi nọ re ja re-e na, epha na, ọtiọye mi che ru Zedikaya rẹ ovie ri Juda, te isun rọye, otu ri chekọ vwi Jerusalẹm re jẹ hẹ otọ nana, kugbe ayen otu re dia otọ rẹ Ijipt.

Jerimaya 25:35

Urhurho rhe chekọ kẹ isuigegede na-a, eyẹ ẹdjẹnọ gbe herọ kẹ ikru rẹ igegede na-a.

Jerimaya 37:3

Ovie Zedikaya de ji Jehukal ọmọ ri Shelemaya, vẹ Zẹfanaya orherẹn na, ọmọ ri Maseya, bru Jerimaya re ọmraro na rhe nẹ, Re Ọrovwohwo Ọghẹnẹ rẹ avwanre na kẹ avwanre.

Jerimaya 38:5

Ovie Zedekaya da ta, Nighe, ọ hẹ abọ rẹ ovwan; kidie ovie na se ru emuọvo kpahe ovwa-an.

Jerimaya 52:8

Ẹkẹvuọvo unofovwi ri Kaldia da vwọ tua ovie na, ayen da vwa Zẹdikaya vwẹ uphephẹ ri Jerikọ, unofovwi rọye ejobi da hra jovwo.

Izikiẹl 7:26

Ughwu kpahe ughwu, ekuvwie kpahe ekuvwie, ayen guọnọ emramrẹ vwẹ obọ rẹ ọmraro na, yẹ urhi re ghwrẹ vrẹn orherẹn abọ, aghwanre phiẹn ekpako na.

Ukeri 23:17

O de bro rhe, e vwo no, o mudia kẹrẹ asan izobo rẹ ẹtorhẹ na kugbe isun ri Moab ri mudia kẹrẹ. Etiyin Balak da ta kẹ, Die Ọrovwohwo tare?

Iyẹnrẹ Esiri ri Mak 6:20

Kidie Herọd djẹ oshọ ri Jọn ọ riẹnre nẹ ọvwata kugbe ohwo rọ fonro o ruẹ, ọ da sẹro rọye egberhẹnẹdẹ. Ọkẹ ro vwo nyo, ọ da dia gedegede; dede na o de nyo ota rọye vẹ aghọghọ.