Jerimaya 36:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ukpe riyori ri Jehoiakim ọmọ ri Josaya, ovie ri Juda, vwẹ emeranvwe rihiri ihwo rẹ Jerusalẹm ejobi vẹ ihwo ri nẹ irere ri Juda rhe Jerusalẹm ejobi de ghwoghwu owẹvwe echiro vwẹ obaro rẹ Ọrovwohwo.

Jerimaya 36:9 ပူးပေါင်းရင်းမြစ်များ

2 Ikun rẹ Ivie 20:3

Etiyin oshọ de mu Jehoshafat, ọ da ghwa fọkotọ rẹ duotọ rọye vwẹ obọ rẹ Ọrovwohwo, ọ de ghwoghwo nẹ Juda ejobi chiri owẹvwe.

Nehemaya 9:1

Asakiephana vwẹ ẹdẹ uje gbẹ ẹne rẹ emeranvwe na ihwo re Izrẹl ejobi da rhe ghwẹ koko vẹ owẹvwe echiro vẹ emwa rẹ uvweri, vẹ ekpẹn ra ghwẹ kuhọ iyovwi rayen.

Ẹsta 4:16

Yanran, re koko ihwo ri Ju ejobi ra mrẹ vwi Susa, re we chiri owẹvwe kẹ vwẹ, wa ria-a, wa je da-a vwẹ ẹdẹ erha te ason te uvo. Mẹvwẹ vẹ emetẹ mẹ ji chiri owẹvwe kirobo ri wo ruru na. Ọke yena ki mi bru ovie na, jẹ ọna vẹ urhi she phihọ-ọ, ọ da dianẹ me ghwọrọ, me ghwọrọ.

Jerimaya 36:1

Vwẹ ukpe rẹ ẹne ri Jehoiakim ọmọ ri Josaya ovie ri Juda na, ota nana de nẹ obọ rẹ Ọrovwohwo bru Jerimaya rhe:

Jerimaya 36:22

Ọke na da dia emeranvwe rirhiri, ye ovie na tidia uwevwi rẹ ohwahwa ye erhanre la vwẹ enyerhanre vwẹ obaro rọye.

Jerimaya 36:6

Ọtiọye na gba ra, vwẹ ẹdẹ rẹ owẹvwe echiro na wo se eta rẹ Ọrovwohwo ru wo si phihọ ọbe ri mi se kẹ wẹ na kẹ ihwo na nyo vwẹ uwevwi rẹ Ọrovwohwo na. Wo ji se ayen kẹ eshare ri Juda ri nẹ irere rayen rhe re ayen nyo ayen rhe.

Joẹl 1:13

Vwẹ esiso rhuo re wọ viẹ, E irherẹn na berọma, E otu ri gbe odibo vwẹ enu rẹ agbada na Ro uwevwi, vwẹ esiso rhuo shevwerhẹ. E otu ri gbe odibo kẹ Ọghẹnẹ mẹ! Fikiridie izobo rẹ ọka vẹ izobo rẹ udi e si ayen nẹ uwevwi rẹ Ọghẹnẹ wẹn re.

Joẹl 1:14

Bru ẹdẹ orẹ, se ọghwẹgbe ri ruru Se ekpako na kugbe ihwo re dia otọ na ejobi re koko uwevwi rẹ Ọrovwohwo Ọghẹnẹ wẹn; re wa viẹ kẹ Ọrovwohwo.

Livitikọs 23:27

Ẹdẹ rihwe vwẹ emeranvwe rẹ ighwrẹn na ọye ẹdẹ ra vwọ gọ ẹgua, ẹdẹ yena kọ dia ẹdẹ rẹ ọghwẹgbe ọfuanfon vwọ kẹ ovwan, ovwan ke vwẹ oja re oma rẹ ovwan we mi rhe ze izobo rẹ ẹtorhẹ kẹ Ọrovwohwo na.

Jona 3:5

Ihwo ri Ninivẹ de se Ọghẹnẹ gbuyota; ayen de ghwoghwo ewẹvwe e chiro, ayen da vwẹ isiso rhuo; nẹ ohwo rọ marho vwẹ ohri rayen re te omotete rẹ ayen.

Zekaraya 8:19

E nẹ Ọrovwohwo rẹ otuofovwi tare Owenẹ owẹvwe rẹ echiro rẹ emeranvwe rẹne, re fi ọriyori, vẹ ọrighwrẹ, re te ọrihwe, cha dia vwẹ uwevwi ri Juda ọke rẹ oghọghọ vẹ omavwerhe kugbe orẹ rẹ omavwerhe, ọtiọye na gba guọnọ uyota vẹ ufuoma.

Iguẹdjọ 20:26

Etiyin otu rẹ ofovwi, rẹ ihwo rẹ Izrẹl ejobi na, da yanran ra viẹ vwẹ obi Bẹtẹl; ayen de tidia chiri owẹvwe vwẹ obaro rẹ Ọrovwohwo re te ọke rẹ ovwọnvwọn vwẹ ẹdẹ yena, ayen de ze izobo ra torhẹre kugbe izobo rẹ ufuoma vwẹ obaro rẹ Ọrovwohwo.

1 Samuẹl 7:6

Etiyin ayen da ra ghwẹ koko vwi Mizpah, ayen de vo ame kpare ku hẹ obaro rẹ Ọrovwohwo, ayen de chiri owẹvwe vwẹ ẹdẹ yena, ayen da ta vwẹ etiyin, Avwanre ru umwemwu kpahe Ọrovwohwo. Samuẹl da vwẹ ihwo rẹ Izrẹl gu ẹdjọ vwi Mizpah.