Jerimaya 36:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Siẹvo ye orẹ rayen che kpo obaro rẹ Ọrovwohwo, nẹ dohwo didjerhe umwemwu rọye cha rhẹriẹ nu, kidie ophu vẹ ivuemiovwo rẹ Ọrovwohwo ro roro kpahe ihwo nana rhoro gangan.

Jerimaya 36:7 ပူးပေါင်းရင်းမြစ်များ

Ivie rẹ Ivẹ 22:13

Yanran ra nọ Ọrovwohwo kẹ vwẹ, vwọ kẹ ihwo na, kugbe Juda ejobi, vwọ kpahe eta rẹ ọbe nana ra mrẹre na, kidie ophu rẹ Ọrovwohwo ọ rhuarho vwọ kpahe avwanre, fikiridie esẹ rẹ avwanre mu ọghọ kẹ eta rẹ ọbe nana rẹ ayen de ru emu nana ejobi kirobo re si ayen kpahe avwanre-e.

Ivie rẹ Ivẹ 22:17

Fikiridie ayen sen vwẹ ayen da torhẹ insẹns kẹ edjọ, rere ayen vwọ kpare ovwẹ ophu vẹ iruo rẹ abọ rayen, fiki rẹ ọtiọye na ophu mẹ kọ cha tua kpahe etinẹ na, e gbi se fuo-o.

2 Ikun rẹ Ivie 34:21

Yanran, re duotọ rẹ emu nana vwẹ obọ rẹ Ọrovwohwo kẹ vwẹ ji kugbe ayen ihwo ri chekọ vwẹ Izrẹl vi Juda, kpahe eta rẹ ọbe nana ra mrẹre na; kidie ophu rẹ Ọrovwohwo na pha tuatua kpahe avwanre, fikiridie esẹ rẹ avwanre yọnre eta rẹ Ọrovwohwo na-a, ayen ruru kirobo re si phihọ ọbe nana-a.

Jerimaya 1:3

Ọ je rhoma rhe vwẹ ọke ri Jehoakim, ọmọ ri Josaya ovie ri Juda, rhiri re te oba rẹ ẹgbukpe uhwọvo ri Zẹdikaya, ọmọ ri Josaya, ovie ri Juda, re te imu ri Jerusalẹm vwẹ emeranvwe riyori.

Jerimaya 16:10

Ọke wọ da ta eta na ejobi kẹ ihwo nana re, rẹ ayen da ta kẹ wẹ, Die nẹrhẹ Ọrovwohwo ghwoghwo umiovwo rode nana kpahe avwanre vwo? Die ọye orukuruku rẹ avwanre? Didi umwemwu me ru kpahe Ọrovwohwo rẹ Ọghẹnẹ rẹ avwanre vwo?

Jerimaya 19:15

Enẹ Ọrovwohwo rẹ otuofovwi, Ọghẹnẹ rẹ Izrẹl, tare, Nighe, me herọ ghwa umiovwo cha orere nana kugbe irere rọye ejobi umiovwo ri mi ghwoghwo kpahọ ejobi, fikiridie ayen gan udu phihọ, ayen rhọvwe nyo eta mẹ-ẹ.

Jerimaya 21:5

Ekpuyovwi mẹ cha vwẹ obọ ra riẹnre vẹ ugbobọ ọgangan họnre ovwan vwẹ evun rẹ ophu vwẹ evun rẹ ogidi kugbe evun rẹ ivuemiovwo rode.

Jerimaya 25:5

tanẹ, rhẹriẹ asakiephana ovwan na ejobi, nẹ idjerhe umwemwu vẹ iruo ebrabra rọye na, re wa dia otọ rẹ Ọrovwohwo vwọ kẹ ovwan vẹ esẹ rẹ ovwan nẹ awanre rhe rhiri bẹdẹ;

Jerimaya 26:3

Siẹvo ayen me kẹrhọn, ri dohwo dumiovwo rọye de siobọ nu, re me vwọ mrasa rhẹriẹ iroro omiomiovwi re mejẹkpahe ayen fikirẹ iruo umwemwu rayen.

Jerimaya 36:3

Siẹvo uwevwi ri Juda mi rhi nyo umiovwo mi roro kpahọ ri mi che ru ayen na, re ayen dohwo didjerhe umwemwu rọye da rhẹriẹ nu, me da vwẹ orukuruku vẹ imwemwu rayen ghovwo ayen.

Jerimaya 37:20

Gbe nyo, me rẹ wẹ, E ọrovwovwe ovie me, jẹ orẹ mẹ rhe obaro wẹn, wọ gbe reyọ ovwe rhivwi kpo uwevwi ri Jonatan rẹ osiẹbe na-a, mi de rhe ghwu vwẹ etiyin.

Jerimaya 4:4

Yanvwẹ oma rẹ ovwan kẹ Ọrovwohwo na, we si ohọrọ rẹ obenu na nẹ udu rẹ ovwan, E eshare ri Juda vẹ ihwo re dia Jerusalẹm; ophu mẹ da rhe torhẹ kerẹ erhanre, ọ da la a sa mrẹ ohwo ro fue-e, fiki rẹ uruemu umwemwu rẹ ovwan na.

Jerimaya 42:2

Ayen da ta kẹ Jerimaya rẹ ọmraro na, Jẹn omaevwerhe rẹ avwanre te obaro wẹn wọ rẹ Ọrovwohwo Ọghẹnẹ wẹn na kẹ avwanre, kidie umuku rẹ avwanre ro chekọ na rhe bu-u, kirobo rẹ ẹro wẹn je ghwa mrẹ na.

Uvwerhe 4:11

Ọrovwohwo da kpa ophu rọye rhe, o de ku ọtotorhẹ rẹ ophu rọye kuo, o de koko erhanre phihọ Zayọn, rọ torhẹ ichivwo rọye.

Izikiẹl 12:3

kidie ayen uwevwi ri muẹkpahe ohwo. Fiki rẹ ọtiọye na, ọmọ rẹ ohwo, gba choma wo kru oghwa rẹ imu kẹ oma wẹn, rere wọ yan kpo imu vwẹ oghẹruvo vwẹ irharo rayen; wọ cha yanran kerẹ ohwo re muru nẹ asan ọvo kpo ọrivẹ vwẹ irharo rayen. Ọkeọvo ayen me riẹn, dede na yẹ ayen uwevwi ro muẹkpahe ohwo.

Izikiẹl 13:13

Fiki rẹ ọtiọye na enẹ Ọrovwohwo Ọghẹnẹ tare: Me cha vwẹ odju rẹ ogiribo cha vwẹ ophu mẹ, osio rẹ oghwe kọ cha rhọ vwẹ ivuemiovwo mẹ, ibieragha ride rẹ ophu mẹ ke guọghọ.

Izikiẹl 20:33

Re me vwọ herọ na, eriyin Ọrovwohwo Ọghẹnẹ tare, uyota te obọ rẹ ẹgba mẹ vẹ ogangan rẹ ugbobọ mẹ, kugbe ophu ọgangan mẹ, ọye me vwọ dia ovie vwẹ enu wẹ.

Izikiẹl 22:20

Kirobo rẹ ihwo ghwẹ idọnọ kugbe ẹrovwo kugbe odje kugbe utehru kugbe isinika koko phihọ erhanre, e mi dju erhanre na phihọ rere ọ vwọ wran na, ọtiọye me ghwẹ ovwan koko vwẹ ivuemiovwo mẹ kugbe ophu mẹ, ke me ghwẹ ovwan phihọ evun rọye ke me wran ovwan.

Izikiẹl 5:13

Enẹ kọye ophu mẹ cha dia, ke me kpa ivuemiovwo ku ayen kẹ ọhọre mẹ she; kẹ ayen riẹn nẹ mẹvwẹ Ọrovwohwo na, ta ota vwẹ evun rẹ omẹriọ mẹ nure, vwẹ ọke ri mi de ku ophu mẹ ku ayen nu.

Izikiẹl 8:18

Fiki rẹ ọtiọye na ayen kpare o vwẹ ophu; ẹro mẹ gbi jẹn ayen vwo-o, eyẹ me gbe re ehrọre-e, owenẹ ayen kperi phihọ ovwẹ erhọn vẹ urhuru ọgangan dede, me cha kerhọn rẹ aye-en.

Daniẹl 9:13

Kirobo re siro phiho urhi ri Mosis, ukpokpogho nana ejobi bru avwanre rhe, rhi te ọke na avwanre ji re yovwunu je siẹn ọgbẹvwẹ kẹ Ọrovwohwo Ọghẹnẹ ra avwanre-e, rẹ avwanre da rhẹriẹ nẹ orukuruku rẹ avwanre, vwọ nabọ kerhọn rẹ uyota wẹ-ẹn.

Daniẹl 9:18

E Ọghẹnẹ mẹ, rhiẹ erhọn wẹn ke vwẹ wo rhe nyo vwẹ; rhiẹ ẹro wẹn wọ mrẹ obo ra kua avwanre fiotọ, te orere nana ra vwẹ odẹ wẹn se na, fikiridie ọ dianẹ ifiki rẹ ọvwata avwanre vwọ rẹ orẹ nana vwẹ obaro wẹ-ẹn, ẹkẹvuọvo fiki rẹ arodọvwẹ wẹn rode na.

Hosia 5:15

Mi che rhivwi kpo ẹdia mẹ, bẹsiẹ rẹ ayen vwọ rhọvwe abe rayen ayen me rhe guọnọ opharo mẹ vwẹ evun rẹ ọdjorho rayen ke ayen cha guọnọ ovwẹ tane,

Joẹl 2:12

Dede vwẹ Asakiephana, eriyin Ọrovwohwo tare, vwẹ udu wẹn ejobi rhivwi bru vwẹ rhe,. vẹ owẹvwe echiro, vẹ oviẹ, kugbe omaemuohọ,

Joẹl 2:13

rere wọ bẹrẹ udu wẹn ọ dia amwa wẹ-ẹn, Re wo rhivwi bru Ọrovwohwo, Ọghẹnẹ wẹn, kidie ọ vẹ ehrọre vẹ arodọvwẹ, ọ fobọ mu ophu-u, o vwo ẹguọnọ esiri gangan ọ kpare iroro vrẹn umwemwu.

Jona 3:8

ẹkẹvuọvo e jẹn ohwo eyẹ eranvwe vwẹ esiso rhuo re jẹn ayen viẹ hwe Ọghẹnẹ gangan; e, e jẹn ohwo kohwo siobọ nẹ uvun umwemwu rọye re o ji siobọ nẹ ozighi egbe ejobi.

Zekaraya 1:4

Wa họhọ esẹ rẹ ovwa-an, e rẹ emraro rẹsosuọ kperi phia kẹ, E nẹ Ọrovwohwo rẹ otuofovwi tare, We rhivwi nẹ idjerhe umwemwu rẹ ovwan vẹ uruemu ebrabra rhe. Ẹkẹvuọvo ayen nyo vwe-e, ayen je kerhọn mẹ-ẹ, Ọrovwohwo tare.

Urhi Rivẹ 31:16

Ọrovwohwo ke vuẹ Mosis, Nighe, wo che ghwu bru ihwo wẹn; ihwo nana ki che bibi ra gọ edjọ rẹ otọ na, asan rẹ ayen vẹ ihwo na de yenri kugbe, ayen ke cha sen vwẹ ayen ki miovwi ọphọ mẹ re Me vẹ ayen rere na.

Urhi Rivẹ 31:17

Ophu mẹ kọ la kpahe ayen vwẹ ẹdẹ yena, ke Me sen ki mi si opharo mẹ nu kẹ ayen, ka ghwọrọ ayen; emiovwo vẹ ukpokpogho buebu ki bru ayen ra, eriyin na ayen ke ta vwẹ ẹdẹ yena, Ọ dianẹ emiovwo nana bru avwanre rhe fikirobo rẹ Ọrovwohwo gbe hẹ uherevie rẹ avwanre-e.