Jerimaya 36:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Jerimaya ki se Barọk ọmọ ri Neraya, Barọk de si eta rẹ Ọrovwohwo rọ ta kẹ Jerimaya na ejobi phihọ ekpirhi rẹ ọbe na vwẹ ọke ri Jerimaya vwo se ayen kẹ.

Jerimaya 36:4 ပူးပေါင်းရင်းမြစ်များ

Aizaya 30:8

Asakiephana, yanran, re sio phihọ isemeti vwọ kẹ ayen, re wọ tuọn phihọ ọbe, rere ọ vwọ dia vwẹ ọke rọ cha kerẹ iseri bẹdẹ.

Aizaya 8:1

Etiyin Ọrovwohwo da ta kẹ vwẹ nẹ, Reyọ ophapha rode ri wo si phihọ re ihwo ejobi se vughe, Ophapha re Mahashalal-hashbaz.

Jerimaya 25:13

Mi che ru otọ yana kiroho re me ta kpahọ na ejobi, emu kemu re siri vwẹ ọbe nana ọ ri Jerimaya mraro rọye kpahe irere na ejobi.

Jerimaya 30:2

Enẹ Ọrovwohwo, Ọghẹnẹ rẹ Izrẹl tare. Si eta me ta kẹ owẹ na ejobi phihọ ọbe

Jerimaya 32:12

me da vwẹ ọbe na kẹ Barọk ọmọ ri Neraya ọmọ ri Maseya, vwẹ aro rẹ Hanamẹl rẹ omoni mẹ vwẹ irharo rẹ iseri re ghwẹ obọ phihọ ọbe na, kugbe aro ri Ju ejobi ri tidia ọguan rẹ ẹrhẹrẹ na.

Jerimaya 36:14

Ọye isun na ejobi de ji Jehudi ọmọ ri Netamaya, ọmọ ri Shelemaya, ọmọ ri Kushi, ra ta kẹ Barọk, Vwẹ obọ wẹn reyọ ọbe wo se kẹ ihwo na nyo na, wọ yanrhe. Ọtiọye Barọk rẹ ọmọ ri Nẹraya, da vwẹ obọ rọye reyọ obẹ na o de bru ayen ra.

Jerimaya 36:21

Etiyin ovie de ji Jehudi ra reyọ ọbe na, ọ da reyọ nẹ uvun rẹ Elishama rẹ osiẹbe na rhe; Jehudi de se kẹ ovie vẹ isun na ejobi ri mudia yariẹ ovie phihọ na.

Jerimaya 36:23

Jehudi ghwe se urhie erha eyẹ ẹne nu, ovie na da vwẹ aphia bru ayen no phihọ erhanre rọ hẹ enyerhanre na, bẹsiẹ rẹ ọbe na ejobi vwo ton vwẹ evun rẹ erhanre na.

Jerimaya 36:26

Ovie na de ji iji kẹ Jeramil rẹ ọmọ rẹ ovie na vẹ Seraya ọmọ ri Azriẹl kugbe Shelemaya ọmọ rẹ Abdil ne mu Barọk osiẹbe na vẹ Jẹrimaya rẹ ọmraro na, ẹkẹvuọvo Ọrovwohwo de si ayen nu.

Jerimaya 36:27

Kọye re rẹ ovie vwọ torhẹ ọbe na vẹ eta ri Jerimaya se kẹ Barọk si na nu, ota rẹ Ọrovwohwo de bru Jerimaya rhe:

Jerimaya 36:28

Reyọ ọbe ọfa re wo si eta rẹ ọbe rẹ ẹsosuọ phihọ, e ri Jehoiakim ovie ri Juda torhẹre na. Ku wọ ta kpahe Jehoiakim ovie ri Juda, Enẹ Ọrovwohwo tare, Die nẹrhe wo si eta re ọbe rẹ ẹsosuọ phihọ, e re Jehoiakim ovie ri Juda tọrhẹre na.

Jerimaya 36:32

Kẹsiẹye Jerimaya ke reyọ ọbe ọfa vwọ kẹ Barọk rẹ osiẹbe na, ọmọ ri Neraya, ọye si eta na ejobi phihọ ọbe ri Jerimaya se kẹ, eta rẹ ọbe rẹ ẹsosuọ ri Jehoiakim ovie ri Juda torhẹre vwẹ erhanre na, e ji phi eghẹre rẹ eta tiọyẹ na efa ba ayen.

Jerimaya 36:6

Ọtiọye na gba ra, vwẹ ẹdẹ rẹ owẹvwe echiro na wo se eta rẹ Ọrovwohwo ru wo si phihọ ọbe ri mi se kẹ wẹ na kẹ ihwo na nyo vwẹ uwevwi rẹ Ọrovwohwo na. Wo ji se ayen kẹ eshare ri Juda ri nẹ irere rayen rhe re ayen nyo ayen rhe.

Jerimaya 43:3

ẹkẹvuọvo Barọk ọmọ ri Neraya ru we vwo mu kpahe avwanre rere wo vwo phi avwanre phihọ obọ rẹ ihwo ri Kaldia, re ayen mrasan hwe avwanre eyẹ vwo mu avwanre ighuvwu kpo Babilọn.

Jerimaya 51:59

Ota ri Jerimaya ọmraro na ji urhi kẹ Siraya ọmọ ri Neraya ọmọ ri Masiya, ọke ro vwo nene Zẹdikaya ovie ri Juda kpo Babilọn, vwẹ ukpe rẹ ẹne rẹ ẹriọ rọye. Siraya da dia ohwo rọ vwẹ ẹro te emuọre.

Jerimaya 51:60

Jerimaya de si umiovwo ro te Babilọn ejobi phihọ ọbe, eta nana ejobi re siri kpahe Babilọn na.

Izikiẹl 2:9

Mi vwo ni, nighere, obo da riẹn bru vwe rhe, mi rhe vwo no, ekpirhi rẹ ọbe re siri da herọ,

Daniẹl 7:1

Vwẹ ukpe rẹ ẹsosuo ri Bẹlshaza ovie rẹ Babilọn, Daniẹl da vwerhẹ evwerhẹ ọ da mrẹ emramrẹ ọke ro vwo shevwerhẹ enu rẹ ehwa rọye. Etiyin ọ de si evwerhẹ na phihọ otọ, ọ da rha ta obo re hẹ evun rọye.

Zekaraya 5:1

Me da rhoma kpare opharo mẹ, me da mrẹ, gbe nighe, ọbe re kpirhiri rọ rhan!

Ọbe ri Pọl si rhe Ihwo ri Rom 16:22

Mẹvwẹ Tẹtiọs, ro si ọbe nana, yere ovwan vwẹ odẹ rẹ Ọrovwohwo.