Jerimaya 36:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Siẹvo uwevwi ri Juda mi rhi nyo umiovwo mi roro kpahọ ri mi che ru ayen na, re ayen dohwo didjerhe umwemwu rọye da rhẹriẹ nu, me da vwẹ orukuruku vẹ imwemwu rayen ghovwo ayen.

Jerimaya 36:3 ပူးပေါင်းရင်းမြစ်များ

Nehemaya 1:9

Ẹkẹvuọvo ovwan de rhivwi bru vwe rhe, rẹ ovwan da sẹro rẹ irhi me ru we de ru ayen, owene a hra ovwan kpo asan ro me sheri vwẹ otọ rẹ ọnre na, ke me ghwe ayen koko ne asan ra ghwẹ ayen ra rhe, ke me vwẹ ayen rhe asan re me jẹreyọ na, rere odẹ ẹe vwọ dia etiyin.

Une rẹ Ejiro 139:24

Re wọ mrẹ se emu umwemwu he idjerhe mẹ, rere wọ sun vwe vwẹ idjerhe ri bẹdẹ.

Aizaya 6:10

Ru udu rẹ ihwo nana vwo ọkpan, re erhọn rayen di, rhurhu ẹro rayen, ayen da vwẹ ẹro rayen mrẹ orẹ, ayen da vwẹ erhọn rayen nyo ẹme, ayen da vwẹ udu rayen vughe, ayen de kurhẹriẹ e de sivwi ayen.

Jerimaya 18:11

Ọtiọye na gba ta kẹ ihwo ri Juda vwẹ asakiephana re wọ je ta kẹ ihwo re dia Jerusalẹm, Enẹ Ọrovwohwo tare, Nighe, me herọ choma re umiovwo kpahe owẹ, me je jẹ iroro kpahe owẹ. Dohwo didjerhe umwemwu rọye kurhẹriẹ nu wa rhuẹrẹ idjerhe vẹ eyere rẹ ovwan phihọ.

Jerimaya 18:8

ọ da dianẹ orere yena, re me ta ota kpahe na, kurhẹriẹ nẹ umiovwo rọye, ki mi ji kurhẹriẹ jẹ umiovwo ri mi rori nẹ mi ruo jovwo na.

Jerimaya 23:14

Ẹkẹvuọvo vwẹ emraro ri Jerusalẹm me mrẹ emuọvo ro muoshọ, ayen gbe igberadja ayen je yan vwẹ evun rẹ ofian, ayen ru obọ rẹ iruimwemwu gan, vwẹ eriyin ọ ro kurhẹriẹ nẹ umwemwu gbe herọ-ọ ayen ejobi da họhọ Sodọm kẹ vwẹ, ihwo re dia da họhọ Gomora.

Jerimaya 24:7

Me kẹ ayen udu rẹ ayen vwọ riẹn nẹ mẹvwẹ Ọrovwohwo na; ayen cha dia ihwo mẹ ke me dia Ọghẹnẹ rayen, kidie ayen cha vwẹ udu rayen ejobi rhivwi bru uvwe rhe.

Jerimaya 26:3

Siẹvo ayen me kẹrhọn, ri dohwo dumiovwo rọye de siobọ nu, re me vwọ mrasa rhẹriẹ iroro omiomiovwi re mejẹkpahe ayen fikirẹ iruo umwemwu rayen.

Jerimaya 35:15

Mi ji idibo mẹ rẹ emraro na ejobi bru ovwan rhe, mi ji ayen ejojo, nẹ, Dohwo didjerhe umwemwu rọye rhẹriẹ ru, wa rhuẹrẹ eyere rẹ ovwan, vwo je edjọ efa ẹyan nene re we jẹn ayen egọ, re wa sa dia evun rẹ otọ re me kẹ ovwan vẹ esẹ rẹ ovwan na. Ẹkẹvuọvo wa vwẹ erhọn kpọtọ-ọ wa je kerhọn mẹ-ẹ.

Jerimaya 36:7

Siẹvo ye orẹ rayen che kpo obaro rẹ Ọrovwohwo, nẹ dohwo didjerhe umwemwu rọye cha rhẹriẹ nu, kidie ophu vẹ ivuemiovwo rẹ Ọrovwohwo ro roro kpahe ihwo nana rhoro gangan.

Izikiẹl 12:3

kidie ayen uwevwi ri muẹkpahe ohwo. Fiki rẹ ọtiọye na, ọmọ rẹ ohwo, gba choma wo kru oghwa rẹ imu kẹ oma wẹn, rere wọ yan kpo imu vwẹ oghẹruvo vwẹ irharo rayen; wọ cha yanran kerẹ ohwo re muru nẹ asan ọvo kpo ọrivẹ vwẹ irharo rayen. Ọkeọvo ayen me riẹn, dede na yẹ ayen uwevwi ro muẹkpahe ohwo.

Izikiẹl 18:23

Mi vwo omavwerhovwẹ vwẹ ughwu rẹ oruimwemwu-u eriyin Ọrovwohwo Ọghẹnẹ nọre, ọ dianẹ rọ kurherie nẹ idjerhe rọye rere ọ rhọ?

Zẹfanaya 2:3

Guọnọ Ọrovwohwo na, ovwan ihwo dẹndẹn re dia otọ na, re yọnrọ irhi rọye, guọnọ ovwata, guọnọ omaevwokpotọ; ọkeọvo se se si we nu vwẹ ẹdẹ rẹ ophu rẹ Ọrovwohwo na.

Matiu 13:15

Kidie udu rẹ ihwo nana figberi, Erhọn rayen diri; Ẹro rayen ji ghwe rhu; Re ayen jẹ orẹ ẹmrẹ, Rere ayen vwo jẹ ẹme enyo; Udu rayen de rhe roro; Ayen de rhe kurhẹriẹ, E de rhe sivwi ayen.

Iyẹnrẹ Esiri ri Mak 4:12

re emrẹ ayen mrẹ yẹ ayen se vughe-e, enyo ayen nyo, yẹ ayen sa riẹn otọ rọye-e; ayen de rhe kurhẹriẹ e de rhe vwo ghovwo ayen.

Iyẹnrẹ Esiri ri Luk 20:13

Etiyin ọ ro vwo ogba ri vain na da ta, Kidie mi ru? Mi ji ọmọ mẹ ro jevwe na; ọkeọvo ayen mi mu ọghọ kẹ.

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

Iruo rẹ Iyinkọn na 26:20

ẹkẹvuọvo ki mi ke ghwoghwo vwi Damaskọs, o ki rhi te Jerusalẹm ra wan orho ri Judia ejobi, kugbe otu ri Keferi rhe, rere ayen kurhẹriẹ bru Ọghẹnẹ rhe re ayen ru uruemu ro fori kẹ ekuorhẹriẹ rayen.

Iruo rẹ Iyinkọn na 28:27

Kidie udu rẹ ihwo nana djeri, erhọn rayen e họhọhọ kẹ eme-enyo, ẹro rayen rhurhuru, ayen da vwẹ ẹro rayen vughe, ayen da vwẹ erhọn rayen nyo ẹme, rẹ udu rayen de vwo ẹruọ, i de kurhẹriẹ mi de sivwi ayen.

Iruo rẹ Iyinkọn na 3:19

Ovwan gbe kurhẹriẹ rere ephoro imwemwu rẹ ovwan nu, rere omamọ rẹ eyere rẹ arhọ na vwo nẹ obọ rẹ Ọrovwohwo na bru ovwan rhe.

Urhi Rivẹ 30:2

ovwan vẹ emọ rẹ ovwan gbe rhivwi bru Ọrovwohwo rẹ Ọghẹnẹ rẹ ovwan we de nyo urhuru rọye vwi kemu kemu ejobi ri mi ji urhi rọye kẹ ovwan nonẹ na, vwẹ udu rẹ ovwan ejobi ji kugbe ẹnwẹn rẹ ovwan ejobi;

Urhi Rivẹ 30:8

Ko wọ rhoma nyo urhuru rẹ Ọrovwohwo ku wọ yọnrọn irhi rọye ejobi ro ji kẹ ovwan nonẹ na.

Urhi Rivẹ 5:29

E manẹ oghẹre rẹ udu ọtiọye na kọye he evun rayen, re ayen vwọ djẹ oshọ Mẹ, vwọ yọnrọn irhi mẹ vwẹ ọke ejobi, ro vwo yovwi kẹ ayen, ro ji vwo yovwi kẹ emọ rayen, bẹdẹ!

2 Pita 3:9

Ọrovwohwo sa phiẹn ohwo vwẹ oma rẹ ive ro veri kirobo rẹ otu evo ta na-a, ẹkẹvuọvo o chirako rẹ ovwan, ọ guọnọre nẹ ohwo ọvuọvo ghwu-u, ẹkẹvuọvo nẹ ihwo ejobi kurhẹriẹ.

1 Samuẹl 7:3

Etiyin Samuẹl da ta kẹ uwevwi rẹ Izrẹl ejobi, Wa da vwẹ udu rẹ ovwan ejobi kurhẹriẹ bru vwe rhe, we gbe ku edjọ erhorha na kufia kugbe Ashera na nẹ ohri rẹ ovwan, re we hirhe udu rẹ ovwan ku Ọrovwohwo, re wa ga ọye ọvo, ko sivwi ovwan nẹ obọ rẹ ihwo ri Filistia.