Jerimaya 36:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Vwẹ ukpe rẹ ẹne ri Jehoiakim ọmọ ri Josaya ovie ri Juda na, ota nana de nẹ obọ rẹ Ọrovwohwo bru Jerimaya rhe:

Jerimaya 36:1 ပူးပေါင်းရင်းမြစ်များ

2 Ikun rẹ Ivie 36:5

Jehoyakim da dia ikpe uje gbe iyori ọ ghwanre te ọke ro vwo mu phihọ ẹriọ, ọ da re ikpe uhwọvo vwi Jerusalẹm. O de ru obo re brare vwẹ obaro rẹ Ọrovwohwo Ọghẹnẹ rọye.

Jerimaya 25:1

Ota ro bru Jẹrimaya rhe kpahe ihwo ri Juda ejobi, vwẹ ẹgbukpe rẹne ri Jehoiakim rẹ ọmọ ri Josaya, ovie ri Juda (oyena ẹgbukpe rẹsosuo ri Nebukadreza ovie ri Babilọn),

Jerimaya 25:3

Etiyin ikpe uje gbẹ erha re, nẹ ẹgbukpe ihwe gbẹ erha ri Josaya ọmọ rẹ Amọn ovie ri Juda na, rhi te nonẹ na, ota rẹ Ọrovwohwo na bru vwe rhe, me je ta kẹ ovwan ẹtẹta kẹ, dede na wa kerhọ-ọn.

Jerimaya 35:1

Ota rọ nẹ obọ rẹ Ọrovwohwo bru Jerimaya rhe vwẹ ẹdẹ ri Jehoiakim ọmọ ri Josaya ovie ri Juda.

Jerimaya 36:9

Ukpe riyori ri Jehoiakim ọmọ ri Josaya, ovie ri Juda, vwẹ emeranvwe rihiri ihwo rẹ Jerusalẹm ejobi vẹ ihwo ri nẹ irere ri Juda rhe Jerusalẹm ejobi de ghwoghwu owẹvwe echiro vwẹ obaro rẹ Ọrovwohwo.

Jerimaya 45:1

Ota ri Jerimaya rẹ ọmraro na ta kẹ Baruk ọmọ ri Neraya vwẹ ọke ro vwo si eta nana phihọ ọbe ri Jerimaya vwọ se kẹ, vwẹ ẹgbukpe rẹne ri Jehoakim ọmọ ri Josaya, ovie ri Juda:

Jerimaya 46:2

Kpahe Ijipt. Ro she kpahe unuofovwi ri Fẹro Nẹko, ovie rẹ Ijipt, rọ kẹrẹ urhie ri Yufretis vwi Kakimish ri Nebukadreza ovie ri Babilọn phi kua vwẹ ukpe rẹnẹ ri Jihoiakim ọmọ ri Josaya, ovie ri Juda;

Daniẹl 1:1

Vwẹ ukpe rerha ri Jehoiakim vwọ hẹ ovie ri Juda, etiyin Nebukadreza, ovie ri Babilọn da ghwẹ unuofovwi rọye rhe vwọ gba riariẹ Jerusalẹm phihọ.