Jerimaya 35:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Yan kpo uwevwi rẹ ihwo ri Rekah na re wo nene ayen ta ota, re wọ reyọ ayen rhe uwevwi rẹ Ọrovwohwo na, vwo rhe ovọ vwe ivun na, wọ ke ayen wain da.

Jerimaya 35:2 ပူးပေါင်းရင်းမြစ်များ

1 Ivie 6:10

Ọ da gba ogba vwọ so uwevwi na ejobi riariẹ, kuẹ ubruwevwi kubit iyori o kpenu te, a da vwẹ ephapha rẹ igẹdu vwọ tan vẹ uwevwi na kugbe.

1 Ivie 6:8

Anurhoro rẹ ubruwevwi rọ ka obotọ na da hẹ obo ọnre rẹ uwevwi na, ichichiyi kọye e vwo yere ra ro uhriẹ uwevwi rẹ uherevie na, nẹ ubruwevwi re uherevie ra ro ọ rerha.

1 Ikun rẹ Ivie 2:55

Orua rẹ isiẹbe re dia Jabẹz: ihwo ri Tirat, Shimeat, kugbe Sukat. Enana ihwo ri Kẹn ri nẹ Hammat rhe, ọsẹ rẹ uwevwi ri Rekab.

1 Ikun rẹ Ivie 23:28

Ẹkẹvuọvo iruo rayen kẹ ayen vwẹ ọchuko kẹ emọ rẹ Erọn vwẹ iruo rẹ uwevwi rẹ Ọrovwohwo na, re vwẹ ẹro te ọguan vẹ ivun na, orufuọn rẹ emu ejobi re fonro, kugbe kiruo kiruo rẹ ẹga rẹ uwevwi rẹ Ọghẹnẹ na.

1 Ikun rẹ Ivie 28:12

kugbe iroro rẹ obo rẹ ọguan rẹ uwevwi rẹ Ọrovwohwo na dia, vẹ ivun re riarie rẹ phihọ, iwevwi rẹ efe vwẹ uwevwi rẹ Ọghẹnẹ na, vẹ uwevwi rẹ efe ra da sẹro rẹ ekuakua re ẹse re rufon na.

1 Ikun rẹ Ivie 9:26

kidie ihuhu ẹchẹ ẹne ri vwo uyovwi na, re dia ihwo ri Livae na, eye hẹ enu rẹ ivun kugbe uwevwi rẹ efe rọ hẹ uwevwi rẹ Ọghẹnẹ na.

1 Ikun rẹ Ivie 9:33

Asakiephana enana ibuine na, esẹ ri vwo uyovwi vwẹ uwevwi ri Livae, re dia evun vwẹ uwevwi rẹ Ọrovwohwo re vwẹ obọ te iruo efa-a, kidie ayen ru iruo vwẹ ason vẹ uvo.

2 Ikun rẹ Ivie 3:9

Ehọhọ rẹ ibibẹ na da dia ọvo rẹ te ujuvẹ gbe ihwe ri shekẹl rẹ oro. Ọ da vwẹ omamọ rẹ oro vwọ pharọ obenu rọye.

2 Ikun rẹ Ivie 31:11

Etiyin Hẹzikaya de ji iji kẹ ayen nẹ ayen so erheri buebu phihọ uwevwi rẹ Ọrovwohwo na; e de ru ayen.

Ezra 8:29

Rhẹrẹ ayen sẹro rẹ ayen bẹsiẹ wọ vwọ vwanvwẹ ayen vwẹ irharo rẹ ilori rẹ irherẹn na kugbe ihwo ri Livae kugbe igbuyovwi rẹ uwevwi rẹ esẹ rẹ Izrẹl vwi Jerusalẹm, vwẹ evun rẹ ivun rẹ uwevwi rẹ Ọrovwohwo na.

Nehemaya 13:5

ọ da rhuẹrẹ uvun rode ra ghwẹ eka re izobo phihọ jovwo, adjija, ekuakua, kugbe ẹkẹnhwe re ọka, udi, evwri, re urhi tanẹ a vwọ kẹ ihwo ri Livae, ibuine, kugbe erhẹrẹchẹ, kugbe arhọghọ re toro ke irherẹn vwọ ke Tobaya

Jerimaya 35:3

Eriyin na me da reyọ Jazanaya, ọmọ ri Jerimaya rẹ ọmọ ri Habazinaya, vẹ iniọvo rọye, kugbe emọ rọye ejobi vẹ uwevwi rẹ ihwo ri Rekab na ejobi.

Jerimaya 35:4

Me da reyọ ayen rhe uwevwi rẹ Ọrovwohwo na. Me davwẹ ayen kpo uvun rẹ emọ ri Hanan ọmọ rẹ Igdalaya, ohwo rẹ Ọghẹnẹ na, rọ kẹrẹ uvun rẹ isun na, vwẹ enu rẹ uvun ri Maeseya ọmọ ri Shalum, rọ rhẹrẹ unurhoro na.

Jerimaya 35:8

Me de nyo urhuru ri Jonadab ọmọ ri Rekab rẹ ọse rẹ avwanre vwẹ obo ro ji urhi kẹ avwanre ejobi, re vwo ji wain ẹda vwẹ ẹdẹ rẹ akpọ re avwanre ejobi, eya rẹ avwanre, emeshare rẹ avwanre, eyẹ emetẹ rẹ avwanre.

Izikiẹl 40:16

Anurhoro na de vwo evakpo riariẹ, ri siuvun ra ro ichivwo rayen re hẹ ivun rẹ akakọ na, ọtiọye rhe ọmọguan na ji vwo evakpo re riarierẹ phihọ vwẹ obo evun, vwẹ asan rẹ ichivwo na iriẹ da herọ.