Jerimaya 34:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Wọ sa djẹ nẹ obọ rọye-e, ẹkẹvuọvo vwẹ ọruyota e che mu we re de phi we phihọ obọ rọye; ku wọ vẹ ovie ri Babilọn cha vwẹ ẹro mrẹ ohwohwo ji hirhe aro ku ohwohwo ta ota, ku wo kpo Babilọn.

Jerimaya 34:3 ပူးပေါင်းရင်းမြစ်များ

Jerimaya 21:7

Ukuko rọye, eriyin Ọrovwohwo tare, mi che phi Zẹdikaya ovie ri Juda tẹ idibo rọye, vẹ ihwo rẹ orere nana rẹ emiavwe vẹ ọlọkọ kugbe owẹvwe hwe chekọ phihọ obọ ri Nẹbukadreza ovie ri Babilọn ji phihọ obọ rẹ ivwighrẹ rayen, phihọ obọ rẹ ihwo re guọnọ arhọ rayen. Ọ cha vwẹ arọ rẹ ọlọkọ nyavwẹ ayen, o che mu ayen ẹro-o, o ji jẹn ayen vwo-o, ọ je rẹ ehrọre raye-en.

Jerimaya 27:22

A cha ghwa ayen kpo Babilọn re ayen da dia oboyi bẹsiẹye ro vwo te ẹdẹ me vwọ kerhọn rayen, eriyin Ọrovwohwo tare, kẹsiẹye me ke reyọ ayen rhe ri mi de phi ayen phihọ etinẹ na.

Jerimaya 32:28

Vwẹ ọtiọye na, enẹ Ọrovwohwo tare: Nighe, mi che phi orere nana phihọ abọ rẹ ihwo ri Kaldia ji phihọ obọ ri Nẹbukadreza ovie ri Babilọn, kọ cha reyọ.

Jerimaya 32:3

Kidie Zẹdikaya ovie ri Juda muro phihọ uwodi, ta nẹ, Die sorọ wo vwọ mraro tanẹ, Enẹ Ọrovwohwo tare. Nighe mi phi orho nana phihọ obọ rẹ ovie ri Babilọn, kọ cha reyọ;

Jerimaya 32:4

Zedikaya rẹ ovie ri Juda sa djẹ nẹ obọ rẹ ihwo ri Kaldia na-a, e che ghine phio phihọ obọ rẹ ovie ri Babilọn, ayen ki hirhe aro kuaro ta ota ayen je vwẹ ẹro mrẹ ohwohwo.

Jerimaya 34:21

Zẹdikaya ovie ri Juda vẹ isun rọye mi che phi ayen phihọ obọ rẹ ivwighrẹ rayen ji te obọ rẹ otu re guọnọ urhuarhọ rayen, phihọ obọ rẹ otuofovwi rẹ ovie ri Babilọn rọ yan jẹn ovwan vwo jovwo nu na.

Jerimaya 34:4

Dede na gbe nyo ota rẹ Ọrovwohwo na, E Zẹdikaya ovie ri Juda! Enẹ Ọrovwohwo ta kpahe owẹ: A cha vwẹ ọlọkọ hwe we-e.

Jerimaya 37:17

Ovie Zedikaya de ji ohwo re se, Ovie na da bẹbẹ nọ vwẹ uwevwi rọye, ta nẹ, Ota nẹ obọ rẹ Ọrovwohwo rhe? Jerimaya da ta, Ota herọ Kẹsiẹye ọ ke ta, E che phi we phihọ obọ rẹ ovie ri Babilọn.

Jerimaya 38:18

Ẹkẹvuọvo wọ rha vwẹ oma wẹn kẹ isun rẹ ovie ri Babilọn na-a, ke che phi orere nana phihọ obọ rẹ ihwo ri Kaldia, ka cha vwẹ erhanre torhẹ, wọ gbe sa djẹ nẹ obọ raye-en.

Jerimaya 38:23

Eya wẹn kugbe emọ wẹn ejobi ke sun ayen rhe ihwo ri Kaldia, wẹ vẹ ekpuyovwi wẹn cha sa djẹ va ayen abọ-ọ, ẹkẹvuọvo ovie ri Babilọn che mu we; ra da vwẹ erhanre torhẹ orere na totọ.

Izikiẹl 12:13

Ki mi che phi obriki mẹ rhurho, ufi mẹ ko muo, ke me reyọ rhe Babilọn vwẹ otọ rẹ ihwo ri Kaldia, yẹ ọ cha mrẹ-ẹ, ko ghwu vwẹ oboyi.

Izikiẹl 17:15

Ẹkẹvuọvo o de mu kpahọ ro vwo je ikọn kpo Ijipt, rere ayen kẹ iyesi vẹ unuofovwi rode. Kọ sa kparobọ? Kẹ ohwo ro ru emu ọtiọye sa djẹ vabọ? Ko se miovwi ọphọ na rọ da djẹ vabọ?

Izikiẹl 17:16

Kirobo re me herọ na, eriyin Ọrovwohwo Ọghẹnẹ tare, imuẹro herọ nẹ asan rẹ ovie na rọ reyerọ vwo mu ovie na, ohwo ro vwo ive rọ jẹfia na, ro vwo ọphọ ro miovwiri na, vwẹ evun rẹ Babilọn kẹ etiyin o de ghwu.

Izikiẹl 21:25

Wẹ rhe, E ọ ro jẹfuọn, ohwo umwemwu na, ovie rẹ Izrẹl, ọ rẹ ẹdẹ rọye gba nure na, ọke rẹ ehwe wẹn rẹ oba gbare,