Jerimaya 34:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ẹkẹvuọvo wa da rha rhẹrioma kpo uko vwo miovwi ode mẹ wa rhoma reyọ dohwo dọviẹn rẹ ọshare vẹ ọ rẹ aye rọye, e re wo siobọ nu kerẹ obo rẹ ayen guọnọre, wa da nyẹ ayen phihọ otọ vwọ ru eviẹn rẹ ovwan.

Jerimaya 34:16 ပူးပေါင်းရင်းမြစ်များ

Ẹyano 20:7

Wọ se odẹ rẹ Ọrovwohwo Ọghẹnẹ wẹn ogbise-e, kidie Ọrovwohwo se bru orhiẹn ke otu ri se odẹ rọye ogbise-e.

Jerimaya 34:11

Ẹkẹvuọvo ukuko rọye ayen de kurhẹriẹ rhivwi ra reyọ eshare vẹ eya rẹ ayen siobọ nu na, ayen da rhoma vwẹ ayen ru eviẹn.

Izikiẹl 13:22

Fikiridie wọ nẹrhẹ udu bru evwata na ekueku, ye me vwẹ udu bro kẹ, wo de phi udu phihọ ohwo umwemwu awọ, rere o je rhivwi nẹ idjerhe umwemwu rọye ro sivwi arhọ rọye,

Izikiẹl 18:24

Ẹkẹvuọvo ọke rẹ ọvwata de kurhẹriẹ nẹ ọvwata rọye ro de ru orukuruku ro de ru emu ẹgua rẹ ohwo umwemwu ruẹ, kọ rhọ vwọ? A gbe karophihọ ọvuọvo rẹ iruo rẹ ọvwata ruru jovwo na-a; fiki rẹ ogbigbiru rọ re abe rọye na kugbe umwemwu ro ruru na, ko ghwu.

Izikiẹl 20:39

Vwọ kẹ wẹ, E uwevwi rẹ Izrẹl, Enẹ Ọrovwohwo Ọghẹnẹ tare: Yanran re ohwo ọvuọvo ra gọ ẹdjọ rọye, asakiephana vẹ ọke rọ cha, ọ da dianẹ ovwan rha kerhọn mẹ-ẹ, ẹkẹvuọvo odẹ ọfuanfon mẹ na ovwan gbe vwẹ ekẹ wẹn kugbe ẹdjọ wẹn vwọ miovwo-o.

Izikiẹl 3:20

Ọfa, ọ da dianẹ ọvwata kurhẹrie nẹ ọvwata rọye ro de ru orukuruku, ri mi de phi uchukurhe umwemwu phihọ obaro rọye, ko ghwu, fikiridie wo ghwoghwo kẹ-ẹ, ko ghwu fiki rẹ umwemwu rọye, ọvwata rọye ro ruru a gbe karohọ-ọ, ẹkẹvuọvo ọbara rọye ka guọnọ vwẹ obo wẹn.

Izikiẹl 39:7

Odẹ ọfuanfon mẹ na ka cha riẹn vwẹ uherevie rẹ ihwo mẹ Izrẹl; me gbe cha rhọvwe nẹ a phọphọ odẹ ọfuanfon mẹ na ọfa-a; ẹgborho na ke cha riẹn nẹ mẹvwẹ Ọrovwohwọ na, Ọfuanfon Ọvuọvo rẹ Izrẹl na.

Livitikọs 19:12

Ovwan vwẹ odẹ mẹ duvwu iyori rẹ efia-an, re e vwo miovwo odẹ rẹ Ọghẹnẹ re ovwa-an. Mẹvwẹ Ọrovwohwo na.

Malakae 1:12

Ẹkẹvuọvo wo miovwiro siẹ ro wọ da ta nẹ imẹjẹ rẹ Ọrovwohwo na e gbereku kugbe emu re mu kpahọ na ejobi a jẹ ayen fia.

Malakae 1:7

Wa vwẹ emu rẹ ẹgua ze izobo vwẹ enu rẹ agbada mẹ. Yẹ ovwan ta nẹ, idjerhe vọ me vwo gbe ẹgua? Yi we roro nẹ a cha vwẹ imẹjẹ rẹ Ọrovwohwo na je ọdẹ.

1 Samuẹl 15:11

Ọ davwẹ gangan nẹ mi vwi Sọl mu ovie; kidie ọ chuko ku vwe nure o gbi nene uvwe-e, o ru obo ri mi ji urhi rọye kẹ-ẹ. Ivun de miovwi Samuel; ọda viẹ se Ọrovwohwo vwẹ ason yena ejobi.