Jerimaya 34:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ayen da rhọvwe ota na, isun ejobi vẹ ihwo na ejobi re re ọphọ na nẹ ohwo kohwo siobọ nẹ oviẹn rọye ọ rẹ ọshare eyẹ ọ rẹ aye, rere e je ayen evwo ru eviẹn ofa, ayen rhọvwere e de siobọ nẹ ayen kpo ọphẹ.

Jerimaya 34:10 ပူးပေါင်းရင်းမြစ်များ

Ẹyano 21:2

Wọ da dẹ ọviẹn ri Hibru, ọ me ga ikpe esan, ọ rẹ ighwrẹn yẹ e mi siobọ no kpo ọphẹ.

Aizaya 29:13

Ọrovwohwo na da ta: Fikiridie ihwo nana vwẹ ugbunu rayen si kẹre ovwẹ ayen da vwẹ ẹbẹrunu rayen mu ọghọ kẹ vwẹ, yẹ udu rayen sheri kẹ vwẹ, oshọ mẹ rayen djẹ da dia urhi rẹ ihwo rẹ akpọ re erianriẹ rẹ ayen yono phihọ uyovwi;

Jerimaya 26:10

Ọke rẹ isun ri Juda vwo nyo imu nana, ayen de nẹ uwevwi rẹ ovie rhe obo uwevwi rẹ Ọrovwohwo ayen de tidia vwẹ unu rẹ Anurhoro Ọkpokpọ rẹ uwevwi rẹ Orovwohwo na,

Jerimaya 26:16

Kẹsiẹye isun vẹ ihwo na ejobi ke ta kẹ irherẹn na vẹ emraro na nẹ, Ohwo nana fo abe rẹ ughwu-u, kidie ode rẹ Ọrovwohwo rẹ Ọghẹnẹ rẹ avwanre ọ vwọ ta ota kẹ avwanre na.

Jerimaya 34:11

Ẹkẹvuọvo ukuko rọye ayen de kurhẹriẹ rhivwi ra reyọ eshare vẹ eya rẹ ayen siobọ nu na, ayen da rhoma vwẹ ayen ru eviẹn.

Jerimaya 34:19

Isun ri Juda, isun ri Jerusalẹm, eghwanra na, irherẹn na, vẹ ihwo rẹ otọ na ejobi re wan uherevie rẹ ọmọ rẹ erhuẹn ra vare na vrẹn,

Jerimaya 36:12

ọ da yanran kpo uwevwi rẹ ovie, ra ruẹ uvun rẹ osiẹbe na, isun na ejobi tidia vwẹ etiyin. Elishama osiẹbe na, Dalaya ọmọ ri Shemaya, Ẹlnatan ọmọ rẹ Akbọ, Gẹmaraya ọmo ri Shefan, Zedikaya ọmọ ri Hananaya, kugbe isun na ejobi.

Jerimaya 38:4

Ọye isun na da ta kẹ ovie na, je hwe ohwo nana, kidie o re ruẹ abọ rẹ isodje ri chekọ vwẹ orere na lọhọ, vẹ abọ rẹ ihwo na ejobi, rọ vwọ ta eta nana kẹ ayen na. Kidie ohwo nana guọnọ ufuoma rẹ ihwo na-a, ẹkẹvuọvo umiovwo rayen.

Livitikọs 25:10

Ikpe ujuvẹ gbẹ ihwe na de te re ovwan mi mu ọghọ kẹ, we mi ghwoghwo obọesiono vwọ kẹ ihwo rẹ ikpe ujuvẹ gbe ihwe kẹ ovwan ri kohwo kohwo ejobi vwo rhivwi kpo ughwẹ rọye, ri kohwo kohwo ejobi de rhivwi kpo orua rọye.

Iyẹnrẹ Esiri ri Mak 6:20

Kidie Herọd djẹ oshọ ri Jọn ọ riẹnre nẹ ọvwata kugbe ohwo rọ fonro o ruẹ, ọ da sẹro rọye egberhẹnẹdẹ. Ọkẹ ro vwo nyo, ọ da dia gedegede; dede na o de nyo ota rọye vẹ aghọghọ.