Jerimaya 33:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ O nana kọ dia odẹ rẹ aghọghọ kẹ vwẹ, kugbe ejiro vẹ urinrin vwẹ obaro rẹ irere rẹ akpo na ri che nyo erhuvwu ri mi che ru kẹ ayen, oshọ ko mu ayen rẹ ayen de kpogho vwi fiki rẹ erhuvwu vẹ oyovwe ejobi re me rhuẹrẹ hẹrhẹ na.

Jerimaya 33:9 ပူးပေါင်းရင်းမြစ်များ

2 Ikun rẹ Ivie 20:29

Oshọ rẹ Ọrovwohwo de rhi mu uvie rẹ irho na ejobi ọke rẹ ayen vwo nyo nẹ Ọrovwohwo re họnre ivwighrẹ rẹ Izrẹl kẹ ayen.

Nehemaya 6:16

Re ivwighrẹ rẹ avwanre ejobi vwo nyo re, ẹgborho re yariẹ avwanre phihọ na da rhe vọn vẹ oshọ oma da rhọ ayen; kidie ayen vwe evun roro nẹ e ruiruo nana vwẹ ọchuko rẹ Ọghẹnẹ re avwanre.

Ẹsta 8:17

Kubrakpọ ọvuọvọ vẹ orere ọvuọvo, asan rẹ ota vẹ urhi rẹ ovie na teri, omavwerhovwẹ vẹ aghọghọ kọye herọ vwọ kẹ ihwo ri Ju, ore vẹ omerovwo. Ihwo rẹ orho na buebu da vwẹ oma ru ihwo ri Ju, kidie oshọ rẹ ihwo ri Ju mu ayen.

Une rẹ Ejiro 130:4

Ẹkẹvuọvo evwoghovwo rhe we, rere a vwọ djẹ oshọ wẹn.

Une rẹ Ejiro 40:3

O de phi une ọkpokpọ phihọ unu mẹ, une rẹ ejiro kẹ Ọghẹnẹ rẹ avwanre. Buebu ke mrẹ kẹ ayen djẹ oshọ, ke ayen vwe ẹro so Ọrovwohwo na

Aizaya 43:21

ihwo re Me mare kẹ oma mẹ rere ayen vwo ghwoghwo ejiro mẹ phia

Aizaya 55:13

Asan rẹ inwe epha jovwo ọwangha kọ dia etiyin, asan re ebẹ epha jovwo ke odi ghevweghe; kọ dia ke Ọrovwohwo ẹkarohọ ri bẹdẹ, kọ dia oka ri bẹdẹ ro je phoro.

Aizaya 60:5

Etiyin ayen ke cha mrẹ ke ayen sa edada rẹ elo, udu wẹn kọ vọn vẹ omavwerhe vẹ aghọghọ; fikiridie oburhubu rẹ abadi na ejobi ki rhivwi bru uwe, efe rẹ ẹgborho na ki che bru we rhe.

Aizaya 62:1

Fiki ri Zayọn Mi se rhurhu unu-u, fiki ri Jerusalẹm Mi se rovwoma-a, bẹsiẹ rẹ ase rọye che vwo lo phia wrowro, esivwo rọye kerẹ urhukpẹ ro la.

Aizaya 62:12

Ke se ayen ihwo efuanfon na, re Ọrovwohwo tan hirhe, ke se we nẹ Aguọnọ phia, orere re jẹ siọ.

Aizaya 62:4

E gbi se we ọfa nẹ Ọ rasere-e, otọ wẹn e gbi se ọfa nẹ Ọ ra kuanu-u, ẹkẹvuọvo ke se we nẹ Ojevwe Me hẹ evun rọye, otọ wẹn kẹ Orọvwe, kidie ivun wẹn vwerhe Ọrovwohwo, otọ wẹn ka rọvwọ.

Aizaya 62:7

Wa je vwẹ urovwoma kẹ-ẹ bẹsiẹ ri Jerusalẹm vwọ kpọvi rọ da dia ejiro vwẹ akpọ na.

Aizaya 64:2

kerẹ ọke re de koko erhanre phihọ ehẹbe re erhanre da nẹrhẹ ame họrhọ re ivwighrẹ wẹn vwọ riẹn odẹ wẹn, re ẹgborho na de kpogho vwẹ obaro wẹn!

Jerimaya 13:11

Kidie obo rẹ otehun ta muẹ ehun rẹ ohwo ye, ọtiọye mi ru uwevwi rẹ Izrẹl ejobi kugbe uwevwi ri Juda ejobi ne tamu uvwe, eriyin Ọrovwohwo tare, rere ayen vwọ dia ihwo mẹ vwẹ odẹ, ejiro, kugbe urinrin, ẹkẹvuọvo ayen kerhọ-ọn.

Jerimaya 16:19

E Ọrovwohwo, ogagan mẹ vẹ odjahọ mẹ, adjẹrhọ mẹ vwẹ ẹdẹ rẹ ukpokpogho, wọwẹ ẹgborho na ejobi che bre cha nẹ oba re akpo rhe tanẹ: Esẹ rẹ avwanre reuku rẹ emu ọvuọvo-o jokpa rẹ efian ọvo, erharhe rẹ emu ri fi erere-e?

Jerimaya 24:6

Me vwẹ ẹro mẹ ni ayen fiki rẹ erhuvwu, me cha reyọ ayen rhe otọ nana, mi che mu ayen vi, me gbe ghwọrọ aye-en, me kọn ayen, mi gbi che ghwie aye-en.

Jerimaya 26:6

ki mi che ru uwevwi nana kerẹ Shilo ki mi ji ru orere nana ekan vwọ ke irere re akpọ na ejobi.

Jerimaya 29:1

Enana eta rẹ ọbe ri Jẹrimaya rẹ ọmraro na si nẹ Jerusalẹm rhe ekpako rẹ ighuvwu na, ji rhe irherẹn na, te emraro na, vẹ ihwo na ejobi, ihwo ri Nebukadneza mu ighuvwu nẹ Jerusalẹm kpo Babilọn na.

Jerimaya 3:17

Vwẹ ọke yena ke se Jerusalẹm nẹ ekete rẹ uvie rẹ Ọrovwohwo, irere na ejobi ki koko bro rhe, obaro rẹ Ọrovwohwo vwi Jerusalẹm, ayen gbe rha vwẹ udu ọgangan vwo nene umwemwu rẹ udu rayen ọfa-a.

Jerimaya 3:19

Mi de roro nẹ komavọ mi vwo se phi we phihọ ohri rẹ emọ mẹ, re me vwẹ otọ esiri na kẹ ovwan uku ro me yovwi vwẹ irere na ejobi. Ki mi ji roro nẹ ovwan che se vwe, Ọsẹ mẹ, nẹ ovwan gbi che nene uvwe-e

Jerimaya 31:14

Ke me vwẹ emu esiri buebu vwọ ghẹrẹ ẹnwẹn rẹ irherẹn na, erhuvwu mẹ cha vọn ihwo mẹ evun, eriyin Ọrovwohwo tare.

Jerimaya 31:4

Me je rhọma bọn wẹ, ka je bọn wẹ, E ọmọtobẹ Izrẹl! Wọ cha rhoma vwẹ eshẹghẹshẹghẹ rhuẹrẹ oma wẹn, wọ cha ro ehegbe rẹ otu re ghọghọ.

Jerimaya 32:42

Kidie enẹ Ọrovwohwo na tare: Ọtiobo me ghwẹ umiovwo nana rode na phihọ enu rẹ ihwo nana na, eriyin me je cha ghwẹ erhuvwu ri mi veri kẹ ayen na phihọ enu rayen rhe.

Jerimaya 33:14

Nighe, ẹdẹ cha, eriyin Ọrovwohwo tare ri mi che vwo ru ive mẹ gba kẹ uwevwi rẹ Izrẹl vẹ uwevwi ri Juda.

Jerimaya 4:2

Wo de duvwu iyori, kirobo rẹ Ọrovwohwo herọ na, vwẹ evun rẹ uyota, vẹ ọsoso kugbe ọvwata, irere na ejobi ki vwo ebruba vwẹ oma rọyen, vwẹ oma rọye kọye ayen de vwo urinrin.

Jerimaya 44:8

Die sorọ re wọ vwọ reyọ iruo rẹ abọ rẹ ovwan vwọ nẹrhẹ ovwe phihọ ophu, rọ vwọ torhẹ ugboduma kẹ edjọ efa vwẹ otọ ri Ijipt re wa rhere rhe dia na, rere e vwo bru ovwan kufia re we rhi hirhe phihọ ekan vẹ ehwẹje kẹ uvwiẹ rẹ akpọ na?

Jerimaya 49:25

Mavọ a vwọ siẹn orho ro kperi usi na, orho rẹ aghọghọ na!

Izikiẹl 26:20

Etiyin ki mi che keke uwe ruotọ kugbe ayen ihwo ri kpo obo Ukpotọ, bru ihwo rẹ awanre ra, ku wọ ra dia akpọ rọ obotọ na, vwẹ ohri rẹ iwevwi rẹ awanre ri sheri, vwo kugbe ayen ihwo ri kpo obo ukpotọ, ọtiọye na a gbe cha mrẹ ihwo re dia wẹ ọfa-a eyẹ wo gbi che vwo asan vwẹ ohri rẹ ihwo ekpokpọ-ọ.

Izikiẹl 36:35

Ayen ke ta, otọ nana ra kuanu jovwo na rhe rhoma hirhe phihọ ogba rẹ Idẹn; te otọ ofefe ra kuanu ro hirhe phihọ erhurhu vwẹ evun rẹ irere na ejobi a rhoma dia ayen re a je gba ogba phihọ ayen.

Izikiẹl 39:13

Ihwo rẹ otọ na ejobi ri che shi ayen, ke che phiẹba ọghọ rẹ ayen vwẹ ẹdẹ re me da cha vwẹ urinrin mẹ phia, eriyin Ọrovwohwo Ọghẹnẹ tare.

Hosia 3:5

Ukoko rọye emọ rẹ Izrẹl ki rhivwi rhe rhe guọnọ Ọrovwohwo rẹ Ọghẹnẹ rayen, kugbe Devid rẹ ovie rayen, ayen ki bru Ọrovwohwo rhe vẹ oshọ kugbe ughwẹ rẹ esiri rọye vwẹ ukoko rọye.

Zekaraya 1:17

Rhoma kperi, E nẹ Ọrovwohwo rẹ otuofovwi tare, irere mẹ cha rhoma vọn vẹ oyouvwe, Ọrovwohwo cha rhoma vwẹ uchebro kẹ Zayọn ọ je cha rhoma je Jerusalẹm reyọ.

Zekaraya 12:2

Nighere, mi muegbe mi vwo ru Jerusalẹm vwọ dia uko ro kpogho kẹ ihwo ejobi re yarierẹ phihọ; o ji mu kpahe Juda ro vwo se ogodogo riariẹ Jerusalẹm.

Urhi Rivẹ 30:5

Ọrovwohwo Ọghẹnẹ rẹ ovwan na cha reyọ ovwan rhe otọ rẹ esẹ rẹ ovwan diare na, rere ovwan vwọ mrasan dia; ko ru ovwan yovwi ku we bu nọ esẹ rẹ ovwan.