Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jerimaya 33:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

7 Me cha vwẹ oyovwe ri Juda vẹ oyovwe rẹ Izrẹl rhivwi rhe ayen, ke me rhoma bọn ayen kirobo rẹ ayen epha vwẹ ẹsosuọ.

အခန်းကိုကြည့်ပါ။ ကော်ပီ




Jerimaya 33:7
28 ပူးပေါင်းရင်းမြစ်များ  

Ọke rẹ Ọrovwohwo na vwọ rhan ughwẹ ri Zayọn rhivwi avwanre da họhọ otu re vwerhe evwerhẹ.


Rhan ughwẹ rẹ avwanre rhivwi rhe, E Ọrovwohwo, kerẹ urhie rẹ ọkẹre vwẹ obi Negẹb!


Mane kẹ esivwo se nẹ Zayọn rhe kẹ Izrẹl vwonẹ! Vwe ọke rẹ Ọrovwohwo da vwẹ ughwẹ re ihwo rọye rhivwi rhe, Jekọp cha ghọghọ, Izrẹl oma cha vwerhọ.


Ọrovwohwo, wo vwo evun esiri kẹ otọ wẹn; wọwẹ re vwẹ ughwẹ ri Jekọp rhivwi rhe.


Ki mi rhoma vwẹ iguẹdjọ wẹn mu kerẹ ọke rẹ ẹsosuọ ediẹguare wẹn kirobo re epha notọrhe. Ukuko rọye ke che se we orere re ọvwata, orere re esiri na.


Kerhọn rẹ ọrherotọ wẹn re kpare urhuru rayen kpenu, ayen ejobi re koko so ine; kidie ayen ohwohwo cha mrẹ ohwo ọke re Ọrovwohwo de che rhivwi rhe Zayọn.


Ke me ghwẹ igegede mẹ ri chekọ nẹ asan me djẹ ayen ra ejobi rhe, me ghwẹ ayen rhivwi rhe ukoko rayen, ayen ki vwiẹ ji bu phihọ.


Me vwẹ ẹro mẹ ni ayen fiki rẹ erhuvwu, me cha reyọ ayen rhe otọ nana, mi che mu ayen vi, me gbe ghwọrọ aye-en, me kọn ayen, mi gbi che ghwie aye-en.


Ovwan ke mrẹ vwẹ, eriyin Ọrovwohwo tare, ke me vwẹ ughwẹ rẹ ovwan rhivwi rhe ovwan ke me ghwe ovwan nẹ ẹgborho vẹ asan re me djẹ ovwan ra ejobi rhe, eriyin Ọrovwohwo tare, me je ghwa ovwan rhivwi nẹ asan ri mi mu ovwan ra kpo ighuvwu na.


Enẹ Ọrovwohwo tare: Nighe, me vwẹ erhieyovwo rhivwi rhe itughẹ ri Jekọp, Ke me re ehrọre kẹ ẹdia rọye; a cha rhoma bọn orere na phihọ ugbenu rọye, ighẹn ke dia asan rọ dia jovwo.


Emọ rayen na ke cha dia obo re ayen epha vwẹ awanre, ukoko rayen ko mudia vwẹ obaro mẹ, otu re nyẹ ayen muotọ ejobi mi che ru ayen ghwaghwa.


Kidie nighe, ẹdẹ cha, eriyin Ọrovwohwo tare, re me cha vwọ reyọ ughwẹ rẹ ihwo mẹ rhivwi rhe, Izrẹl vi Juda, eriyin Ọrovwohwo tare, ke me vwẹ ayen rhe otọ re me vwọ kẹ esẹ rayen, ayen ke reyọ.


O de rhi te re kirobo me rhẹrẹ ayen vwọ kọrọ ayen vwẹ ayen ghwiọtọ na, vwọ gere ayen she, vwọ ghwọrọ ayen, vwọ ghwẹ umiovwo rhe ayen na, ọtiọye me je cha rhẹrẹ ayen mu ayen vi kọn ayen, eriyin Ọrovwohwo tare.


Nighe, ẹdẹ cha, eriyin Ọrovwohwo na tare, ra cha vwọ rhuẹrẹ orho na bọn kẹ Ọrovwohwo nẹ uwevwi rẹ ohẹrhẹ ri Hananẹl re te Unurhoro rẹ Akakọ na.


Me je rhọma bọn wẹ, ka je bọn wẹ, E ọmọtobẹ Izrẹl! Wọ cha rhoma vwẹ eshẹghẹshẹghẹ rhuẹrẹ oma wẹn, wọ cha ro ehegbe rẹ otu re ghọghọ.


A cha vwẹ igho de idju vwọ vwobọ ọbe rẹ eshashẹ ka ghwẹ obọ phihọ ji se oseri kpahọ vwẹ otọ ri Benjamin, vwẹ asan re yariẹ Jerusalẹm phihọ kugbe irere ri Juda, vwẹ irere rẹ obọ igbenu na, vwẹ irere re obi Shefela, kugbe evun rẹ irere rẹ obi Nẹgẹb na; kidie me cha vwẹ oyovwe rayen rhivwi rhe ayen, eriyin Ọrovwohwo tare.


a cha rhoma nyo urhuru rẹ ehwẹ vẹ omavwerhovwẹ, urhuru rẹ ọshare rẹ ọpha vẹ urhuru rẹ ọpha, urhuru rẹ otu re so une, re ayen da ghwẹ ẹkpẹvwẹ cha uwevwi rẹ Ọrovwohwo na. Vwẹ ẹkpẹvwẹ kẹ Ọrovwohwo rẹ otuofovwi na, kidie Ọrovwohwo na yovwiri kidie ẹguọnọ rọye ro jẹrhẹriẹ na dia bẹdẹ! kidie me cha vwẹ oyovwe rẹ otọ na rhivwi rhe kerẹ ọ rẹ ẹsọsuọ, eriyin Ọrovwohwo tare.


kẹsiẹye me ke siẹn uvwie ri Jekọp vẹ Devid odibo mẹ mia rha sanọ ọvo vwẹ emọ rọye na nẹ ọ re uvie vwẹ enu rẹ uvwiẹ rẹ Ebraham, Aizik, vẹ Jekọp ofa-a. Kidie me cha vwẹ oyovwe rayen rhivwi rhe ki mi ji che ni arodọvwẹ rayen.


Ọ da dianẹ we ghinẹ dia otọ nana, etiyin ke me bọn ovwan me gbe guọghọ ovwa-an, ke me kọn ovwan, me gbe kọrọ ovwa-an, kidie me rhẹriẹ nẹ umiovwo ri mi ru ovwan na re.


Vwẹ ẹdẹ yena vẹ ọke yena eriyin Ọrovwohwo tare, ihwo rẹ Izrẹl vẹ ihwo ri Juda che kuoma gbe, ayen cha, jẹ ayen viẹ; ayen cha guọnọ Ọrovwohwo Ọghẹnẹ rayen na.


Ehwẹ rẹ orukuruku rẹ ovwan, E ọmọtẹ ri Zayọn ọ gbare, o gbi che je ovwan vwo vwẹ imu ọfa-a ẹkẹvuọvo orukuruku wẹn E ọmọtẹ rẹ Idọm, ko hwe ko che rhie imwemwu wẹn phihọ.


Fiki rẹ ọtiọye na e nẹ Ọrovwohwo Ọghẹnẹ tarẹ: Asakiephana me cha rhoma reyọ ughwẹ ri Jekọp rhivwi rhe, re mi ni arodọvwẹ kẹ uwevwi rẹ Izrẹl ejobi, ke me rioma kpahọ fiki rẹ odẹ ọfuanfon mẹ.


Etiyin ke me vwẹ ogba ri vain rọye vwọ kẹ, ki mi ru iyara rẹ Akọ ẹchẹ rẹ iphiẹrohọ. Etiyin ọ de che nyo kerẹ ọke rọ vwọ hẹ emeghene, kerẹ ọke rọ vwo vrẹn nẹ otọ rẹ Ijipt rhe.


Vwẹ ọke yena ki mi se we kpo uwevwi, vwẹ ọke yena ri mi de che se ovwan koko; e, ki mi ru we vwo kperi usi re de jiri uwe vwẹ ohri rẹ ihwo rẹ akpọ na, re me da vwẹ ughwẹ rẹ ovwan rhivwi rhe vwẹ irharo rẹ ovwan na, eriyin Ọrovwohwo na tare.


Rhoma kperi, E nẹ Ọrovwohwo rẹ otuofovwi tare, irere mẹ cha rhoma vọn vẹ oyouvwe, Ọrovwohwo cha rhoma vwẹ uchebro kẹ Zayọn ọ je cha rhoma je Jerusalẹm reyọ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ