Jerimaya 33:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ihwo ri Kaldia na cha ohọnre ayen me rhe vwẹ irivwi rẹ eshare ri mi che hwe vwẹ ophu vẹ ivuemiovwo mẹ vọn ayen; kidie mi si opharo mẹ nu kẹ orho nana vwi fiki rẹ umwemwu rayen.

Jerimaya 33:5 ပူးပေါင်းရင်းမြစ်များ

Aizaya 64:7

O gbi vwo ohwo ọvuọvo ro se odẹ wẹ-ẹn, ro kpogho oma nẹ ọye gbanọ owẹ ba oma-a, kidie wo si opharo wẹn nu kẹ avwanre, wo de si avwanre ra ro obọ rẹ orukuruku rẹ avwanre.

Aizaya 8:17

Me hẹrhẹ Ọrovwohwo, ro si opharo rọye nu kẹ uwevwi ri Jekọp, ki mi phi ẹro phihọ.

Jerimaya 18:17

Kerẹ odju ro nẹ obaro ọnre cha eriyin me cha hra ayen vwẹ obaro rẹ ọvweghrẹ roye. Obuko mẹ me vwo ni ayen, ọ dia opharọ mẹ-ẹ, vwẹ ẹdẹ rẹ oghwọrọ rayen.

Jerimaya 21:10

Kidie mi mu opharo mẹ kpahe orere na vwẹ ọ rẹ umiovwo ọ dia ọ rẹ erhuvwu-u eriyin Ọrovwonwo tare. A cha vwọ kẹ Ovie ri Babilọn, ọ cha vwẹ erhanre torhẹ.

Jerimaya 32:5

Ke ghini mu Zedikaya kpo Babilọn, oboyi kọye ọ dia bẹsiẹye me rhe vwọ mrẹ, eriyin Ọrovwohwo tare; wo de nene ihwo ri Kaldia họnre dede, wọ sa kparobọ-ọ.

Jerimaya 42:18

Kidie enẹ Ọrovwohwo rẹ otuofovwi Ọghẹnẹ rẹ Izrẹl tare, Ọtiobo rẹ ophu vẹ ivuemiovwo mẹ hwẹ ku ihwo ri Jerusalẹm na, ọtioye ivuemiovwo mẹ ji hwẹ ku ovwan vwẹ ọke ru we de kpo Ijipt. Wa cha dia isọn, emuroshọ, ekan, vẹ ehwẹjẹ rode. Wa gbe mrẹ etinẹ na ọfa-a.

Uvwerhe 2:7

Ọrovwohwo na reyọ agbada rọye vwọ jehwẹ ọ da siẹn ẹshẹ rọye. O phi igbẹhẹ rẹ ighẹn rọye phihọ obọ rẹ ivwighrẹ rọye, Ọsẹghẹ de rhi she vwẹ uwevwi rẹ Ọrovwohwo kerẹ ẹdorẹ re bruru.

Izikiẹl 39:29

Mi gbi che si opharo mẹ nu kẹ ayen ọfa-a, vwẹ ọke ri mi de ku Erhi mẹ na ku uwevwi rẹ Izrẹl, eriyin Ọrovwohwo Ọghẹnẹ tare.

Maika 3:4

Etiyin kẹ ayen che kperi se Ọrovwohwo ẹkẹvuọvo yọ cha kpahe kẹ aye-en; ko si opharo rọye nu kẹ ayen vwẹ ọke yena, fikiridie uruemu rayen pha miomiovwi.

Urhi Rivẹ 31:17

Ophu mẹ kọ la kpahe ayen vwẹ ẹdẹ yena, ke Me sen ki mi si opharo mẹ nu kẹ ayen, ka ghwọrọ ayen; emiovwo vẹ ukpokpogho buebu ki bru ayen ra, eriyin na ayen ke ta vwẹ ẹdẹ yena, Ọ dianẹ emiovwo nana bru avwanre rhe fikirobo rẹ Ọrovwohwo gbe hẹ uherevie rẹ avwanre-e.

Urhi Rivẹ 31:18

Ki mi ghine si opharo mẹ nu kẹ ayen vwẹ ẹdẹ yena fiki rẹ umwemwu na ejobi rẹ ayen ruru na, kidie ayen rhẹriẹ bru edjọ ra.

Urhi Rivẹ 32:20

Ọ da tanẹ, Mi si opharo mẹ nu kẹ ayen, Me cha mrẹ obo rẹ oba rayen cha dia, kidie edje ogugunu ayen ruẹ, emọ rẹ uyota hẹ evun raye-en.