Jerimaya 33:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ se vwe ki mi nyo kẹ wẹn, ke me ta imu ride re djahere na kẹ wẹ e rẹ wọ je riẹn devo-o.

Jerimaya 33:3 ပူးပေါင်းရင်းမြစ်များ

Une rẹ Ejiro 145:18

Ọrovwohwo si kẹre otu ri sere ejobi, ayen ejobi ri sere vwẹ uyota,

Une rẹ Ejiro 25:14

Ugbeyan re Ọrovwohwo eye ihwo re djẹ oshọ rọye, kọ cha vwẹ ọphọ rọye phia kẹ ayen.

Une rẹ Ejiro 50:15

rere wo se vwe vwe ọke rẹ ukpokpogho, ki mi sivwi uwe, ru wọ da vwẹ urinrin kẹ vwẹ.

Une rẹ Ejiro 91:15

Ọke ro de se vwe, ke me kpahe kẹ, Mi nene dia vwẹ ọke rẹ ukpokpogho, ki mi yoro no ri mi de mu ọghọ kẹ.

Aizaya 45:3

Ki Mi vwẹ efe re ebri na kẹ wẹ kugbe obo ra ghwẹ koko vwẹ odjahọ ejobi rere wọ vwọ riẹn nẹ Mẹvwẹ ọye, Ọrovwohwo na, Ọghẹnẹ rẹ Izrẹl, ro mu odẹ wẹn se we.

Aizaya 48:6

Wo nyori; Asakiephana gba mrẹ enana ejobi; wo gbi se dje phia-a? Ne ọke nana yanran Mi ru we vwo nyo imu ekpokpọ, imu re djahere ru wọ je riẹ-ẹn.

Aizaya 65:24

Tavwe re ayen ki se ki mi nyo, re ayen je vwo ta ota na ki Mi nyo ayen.

Jerimaya 23:35

Enẹ wọ ta, dohwo dọrivẹ rọye bru ra re dohwo doniọvo rọye ji bru ra, Die Ọrovwohwo kpahere vwo? eyẹ, Die Ọrovwohwo tare vwo?

Jerimaya 29:12

Kẹsiẹye we ki se vwe rhe nẹ ẹrhovwo kẹ vwẹ, ki mi nyo ovwan.

Jerimaya 32:17

E Ọrovwohwo Ọghẹnẹ! Wọwẹ vwẹ ogangan wẹn rode na vẹ ẹgba rẹ obọ wẹn ma odjuvwu vẹ akpọ na! Emu ọvuọvo bẹn kẹ wẹ-ẹ.

Jerimaya 32:27

Nighe, Mẹvwẹ Ọrovwohwo na, Ọghẹnẹ rẹ ihwo ejobi; o vwo emu ọvo rọ ganọ kẹ vwẹ?

Daniẹl 2:18

Ọ da ta kẹ ayen nẹ ayen nọ ekpẹn rẹ ehrọre vwẹ obọ rẹ Ọghẹnẹ rẹ odjuvwu kẹ emu rẹ igbunu nana, rere Daniẹl vẹ irivẹ rọye vwo je ghwo kugbe evwaghwanre ri chekọ vwi Babilọn na.

Daniẹl 2:22

Ọ vwẹ obo ri kodori vẹ emuigbunu vwọ phia, ọ riẹn obo rọ hẹ evun rẹ ebri, orẹmrẹ vọye gba dia.

Daniẹl 2:23

We, E Ọghẹnẹ rẹ esẹ mẹ, Me vwẹ ẹkpẹvwẹ vẹ ejiro kẹ, kidie wẹ re kẹ vwẹ ẹghwanre vẹ ogangan, obo ma nọ ekpẹn rọye vwẹ obọ wẹ, wọ vwe rọ phia kẹ vwẹ, kidie ota rẹ ovie na wọ vwẹ rọ phia kẹ avwanre.

Joẹl 2:32

Ọke yena de rhi tere ihwo ejobi ri se odẹ rẹ Ọrovwohwo na ke che sivwi ayen; kidie vwẹ Ugbenu ri Zayọn kugbe Jerusalẹm ka cha mrẹ ẹvo re djẹ vabọ, kirobo rẹ Ọrovwohwo tarẹe, vwẹ usun rẹ ihwo ri ghwu chekọ na ka cha mrẹ ẹvo rẹ Ọrovwohwo na seri.

Emọs 3:7

Uyota Ọrovwohwo Ọghẹnẹ na se ru emuọvo-o, ro de je odjahọ rọye ẹ vwọ phia kẹ ihwo rọye emraro na-a

Maika 7:15

Kẹrẹ ọke rẹ ovwan vwo nẹ otọ rẹ Ijipt rhe na ke Me vwẹ emu rẹ igbunu buebu nẹ ayen.

Matiu 13:35

Rere ota rẹ ọmraro na tare vwọ gba nẹ, Ki mi rhie unu mẹ vwo kpe itẹ; Eta re djahere nẹ ẹtuọhọ rẹ akpọ na rhe, keye me cha ta.

Iruo rẹ Iyinkọn na 2:21

O de ru nure kohwo kohwo ro se odẹ rẹ Ọrovwohwo na kọ cha rhọ.

1 Kọrẹnt 1:2

Vwo rhe ishọshi rẹ Ọghẹnẹ rọ hẹ Kọrẹnt, vwo rhe ihwo re rufon vwẹ evun ri Kristi Jesu, re seri ne rhe dia ihwo efuanfon kugbe ayen ejobi re hẹ kasan kasan ri se odẹ rẹ Ọrovwavwanre Jesu Kristi, ọye hẹ Ọrovwohwo rayen kugbe ọ rẹ avwanre.

Ẹfesọs 3:20

Asakiephana vwọ kẹ ohwo ro sa kẹ okẹ ro buru vwẹ ogangan rọye rọ hẹ udu rẹ avwanre vwẹ emu ejobi rẹ avwanre nọre eyẹ rẹ avwanre roro,

Urhi Rivẹ 4:29

Ẹkẹvuọvo ovwan da dia oboyi guọnọ Ọrovwohwo Ọghẹnẹ rẹ ovwan, ko wa cha mrẹ, ro wọ da vwẹ udu rẹ ovwan kugbe ẹnwẹn ejobi guọnọ.

Urhi Rivẹ 4:7

Ki didi ẹgborho rode ọfa herọ ri vwo ọghẹnẹ ro bi gba ayen, kirobo rẹ Ọrovwohwo Ọghẹnẹ rẹ avwanre epha na ro de nyo ọke ejobi rẹ avwanre vwo se?

Ẹvwọphia 2:17

Ohwo ro vwo erhọn, e jo nyo obo rẹ Erhi na ta kẹ ishọshi na. Ohwo ro phi kparobọ kẹ me vwẹ mana re sinu rhabae na kẹ, ke mẹ vwẹ ubioragha ọfuanfon kẹ, re si odẹ ọkpokpọ phihọ rẹ ohwo ọfa sa riẹ-ẹn jokpa rẹ ohwo ra vwerọ kẹ ọvo.