Jerimaya 33:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ a cha rhoma nyo urhuru rẹ ehwẹ vẹ omavwerhovwẹ, urhuru rẹ ọshare rẹ ọpha vẹ urhuru rẹ ọpha, urhuru rẹ otu re so une, re ayen da ghwẹ ẹkpẹvwẹ cha uwevwi rẹ Ọrovwohwo na. Vwẹ ẹkpẹvwẹ kẹ Ọrovwohwo rẹ otuofovwi na, kidie Ọrovwohwo na yovwiri kidie ẹguọnọ rọye ro jẹrhẹriẹ na dia bẹdẹ! kidie me cha vwẹ oyovwe rẹ otọ na rhivwi rhe kerẹ ọ rẹ ẹsọsuọ, eriyin Ọrovwohwo tare.

Jerimaya 33:11 ပူးပေါင်းရင်းမြစ်များ

1 Ikun rẹ Ivie 16:34

E vwẹ ẹkpẹvwẹ kẹ Ọrovwohwo kidie ẹguọnọ ro jẹrhẹriẹ rọye dia rhiri bẹdẹ

1 Ikun rẹ Ivie 16:8

E wa vwẹ ẹkpẹvwẹ kẹ Ọrovwohwo, se odẹ rọye, ghwoghwo uruemu rọye vwẹ ohri rẹ ihwo na.

2 Ikun rẹ Ivie 20:21

Rẹ ọ ve ihwo na vwọ jẹ iroro nu, ọ da vwẹ ihwo re cha so ine kẹ Ọrovwohwo mu ri ku iwun efuanfon phihọ vwo jiro, jẹ ayen ka obaro kẹ unuofovwi re sua, ayen me ta, vwẹ ẹkpẹvwẹ kẹ Ọrovwohwo na, kidie ẹguọnọ ro jẹrhẹriẹ rọye na dia bẹdẹ.

2 Ikun rẹ Ivie 29:31

Etiyin Hẹzikaya da ta, Asakiephana we ru oma rẹ ovwan fuanfon kẹ Ọrovwohwo nure, we gbe bi te obonẹ, wa vwẹ izobo vẹ ẹkpẹvwẹ vwọ rhe uwevwi rẹ Ọrovwohwo na. Ukoko na da vwẹ izobo vẹ ẹkpẹvwẹ rhe; ihwo ejobi ri vwo udu esiri da vwẹ izobo rẹ ẹtorhẹ rhe.

2 Ikun rẹ Ivie 5:13

ke je vwẹ iruo rẹ ihwo ri hworo ewanre na vẹ otu re sua ine na re ayen ku urhuru gbe ọvo vwọ so ejiro vẹ ẹkpẹvwẹ kẹ Ọrovwohwo na) Ọke rẹ ayen de mu une na re, vẹ ewanre vẹ igogo kugbe ekuakua rẹ ihwehworo efa, vwọ so ejiro kẹ Ọghẹnẹ, fikiridie o yovwiri; ẹguọnọ rọye ro jẹrhẹriẹ dia bẹdẹ bẹdẹ, uwevwi na, uwevwi rẹ Ọrovwohwo na, da rhe vọn vẹ ivwirhi,

2 Ikun rẹ Ivie 7:3

Ọke rẹ emọ rẹ Izrẹl ejobi vwọ mrẹ erhanre ro shotọ kugbe urinrin rẹ Ọrovwohwo vwẹ enu rẹ uwevwi na, ayen de gbe opharo phihọ otọ vwẹ enu rẹ umukpe na, ayen da ga ayen da vwẹ ẹkpẹvwẹ kẹ Ọrovwohwo na, tanẹ, Kidie o yoma, kidie ẹguọnọ rọye ro jẹrhẹriẹ dia bẹdẹ.

Ezra 6:22

Ayen da re orẹ rẹ ikara ro jephuo na ẹdẹ ighwrẹn soso vẹ aghọghọ, fikiridie Ọrovwohwo nẹrhẹ ayen ghogho. O de ku ẹnwẹ rẹ ovie rẹ Asiria rhẹriẹ kẹ ayen, rọ da nẹrhẹ ọ cha ayen uko vwo ru iruo rẹ uwevwi rẹ Ọghẹnẹ na, Ọghẹnẹ rẹ Izrẹl na.

Nehemaya 12:43

Ayen de ze izobo rode vwe ẹdẹ yena ayen da ghọghọ, kidie Ọghẹnẹ nẹrhẹ ayen ghọghọ aghọghọ rode, eya ve imitete na da je ghọghọ rhe E de nyo umri rẹ aghọghọ ri Jerusalẹm vwe ogboko.

Nehemaya 8:12

Ihwo na ejobi da yanran kpo dohwo dasan rọye ra rẹ ra da ayen da ghare ẹkẹn kẹ ihwo ayen da ghọghọ aghọghọ rode, fikiridie ayen riẹn otọ rẹ eta re ghwoghwo kẹ ayen na.

Une rẹ Ejiro 106:1

Jiri Ọrovwohwo na! E vwẹ ẹkpẹvwẹ kẹ Ọrovwohwo, kidie o yoma, kidie ẹguọnọ rọye ro jẹ rhẹriẹ na dia rhiri bẹdẹ!

Une rẹ Ejiro 107:1

E vwẹ ẹkpẹvwẹ kẹ Ọrovwohwo, kidie oyovwiri; kidie ẹguọnọ rọye ro jẹ rhẹriẹ herọ rhiri bẹdẹ!

Une rẹ Ejiro 107:22

Jẹn ayen ze izobo rẹ ẹkpẹvwẹ, re gbe ikun re uruemu rọye vwẹ ine rẹ aghọghọ!

Une rẹ Ejiro 116:17

Ki mi ze izobo rẹ ẹkpẹvwẹ kẹ wẹ ri mi se odẹ rẹ Ọrovwohwo na.

Une rẹ Ejiro 147:13

Kidie ọ vwẹ ogangan kẹ ogbẹn rẹ anurhoro wẹn; ọ vwẹ ebruba kẹ emọ rẹ evun wẹn.

Une rẹ Ejiro 85:7

Dje ẹguọnọ wẹn ro je rhẹriẹ na, E Ọrovwohwo, re wọ kẹ avwanre esivwọ wẹn.

Aizaya 35:10

Ihwo ra tan hirhe rẹ Ọrovwohwo ọvo ri che rhivwi, rhe Zayọn vẹ ine ẹsuọ, vẹ aghọghọ ri bẹdẹ na vwẹ uyovwi rayen, kẹ ayen vwo aghọghọ vẹ omavwerhe, oja vẹ unuẹfiọn ke dje ghwru.

Aizaya 51:11

i re si nẹ ijọpha re Ọrovwohwo na mrasan rhivwi, ayen Me rhe vẹ ine ẹsuọ vwọ rhe Zayọn, aghọghọ ri bẹdẹ na kọ dia uyovwi rayen, kẹ ayen vwo aghọghọ vẹ omavwerhe, te oja vẹ unuẹfiọn ke dje ghwru.

Aizaya 51:3

Kidie Ọrovwohwo se bru Zayọn uche, ko bru asan ra ghwọre ejobi na uche, ko ru aghwa rọye kerẹ Idẹn, aghọghọ vẹ omavwerhe keye a mrẹ vwọ, ẹkpẹvwẹ kugbe urhuru rẹ ine.

Aizaya 52:8

Kerhọn rẹ ọrherotọ wẹn re kpare urhuru rayen kpenu, ayen ejobi re koko so ine; kidie ayen ohwohwo cha mrẹ ohwo ọke re Ọrovwohwo de che rhivwi rhe Zayọn.

Aizaya 52:9

We koko va so ine, ovwan asan ifefe ri Jerusalẹm, kidie Ọrovwohwo bru ihwo rọye uche, ọ tan Jerusalẹm hirhe.

Jerimaya 16:9

Kidie enẹ Ọrovwohwo rẹ otuofovwi na tare, Ọghẹnẹ rẹ Izrẹl na, Nighe, mi che ru rere urhuru rẹ omavwerhovwẹ vẹ urhuru rẹ aghọghọ, urhuru rẹ ọshare rẹ ọpha kugbe urhuru rẹ ọpha de ghwru nẹ etine na, vwẹ aro rẹ ovwan na ejobi.

Jerimaya 17:26

Ihwo che nẹ irere ri Juda vẹ asan re yariẹ Jerusalẹm phihọ, nẹ otọ ri Bẹnjamin, nẹ Shefela, nẹ orere rẹ ugbenu, ji nẹ Nẹgẹb rhe, re ghwa izobo rẹ ẹtorhẹ kugbe izobo cha, izobo rẹ ọka kugbe adjija, ke vwẹ ẹkpẹvwẹ rhe uwevwi rẹ Ọrovwohwo na.

Jerimaya 25:10

Ọ rọ ma rho, mi che si urhuru rẹ omavwerhovwẹ vẹ urhuru rẹ aghọghọ, urhuru rẹ oshare rẹ ọpha vẹ urhuru rẹ ọpha nẹ ayen obọ, ẹnọ rẹ elanọ vẹ elo rẹ urhukpẹ.

Jerimaya 29:14

Ovwan ke mrẹ vwẹ, eriyin Ọrovwohwo tare, ke me vwẹ ughwẹ rẹ ovwan rhivwi rhe ovwan ke me ghwe ovwan nẹ ẹgborho vẹ asan re me djẹ ovwan ra ejobi rhe, eriyin Ọrovwohwo tare, me je ghwa ovwan rhivwi nẹ asan ri mi mu ovwan ra kpo ighuvwu na.

Jerimaya 30:19

Evun rayen ine rẹ ẹkpẹvwẹ nurhe, vẹ urhuru rẹ otu re ghọghọ. Mi che ru ayen buẹ phihọ, ayen gbe cha havwe-e, ki mi ru ayen vwo ọghọ, ayen cha dia ihwo itete-e.

Jerimaya 30:3

Kidie nighe, ẹdẹ cha, eriyin Ọrovwohwo tare, re me cha vwọ reyọ ughwẹ rẹ ihwo mẹ rhivwi rhe, Izrẹl vi Juda, eriyin Ọrovwohwo tare, ke me vwẹ ayen rhe otọ re me vwọ kẹ esẹ rayen, ayen ke reyọ.

Jerimaya 32:44

A cha vwẹ igho de idju vwọ vwobọ ọbe rẹ eshashẹ ka ghwẹ obọ phihọ ji se oseri kpahọ vwẹ otọ ri Benjamin, vwẹ asan re yariẹ Jerusalẹm phihọ kugbe irere ri Juda, vwẹ irere rẹ obọ igbenu na, vwẹ irere re obi Shefela, kugbe evun rẹ irere rẹ obi Nẹgẹb na; kidie me cha vwẹ oyovwe rayen rhivwi rhe ayen, eriyin Ọrovwohwo tare.

Jerimaya 33:26

kẹsiẹye me ke siẹn uvwie ri Jekọp vẹ Devid odibo mẹ mia rha sanọ ọvo vwẹ emọ rọye na nẹ ọ re uvie vwẹ enu rẹ uvwiẹ rẹ Ebraham, Aizik, vẹ Jekọp ofa-a. Kidie me cha vwẹ oyovwe rayen rhivwi rhe ki mi ji che ni arodọvwẹ rayen.

Jerimaya 33:7

Me cha vwẹ oyovwe ri Juda vẹ oyovwe rẹ Izrẹl rhivwi rhe ayen, ke me rhoma bọn ayen kirobo rẹ ayen epha vwẹ ẹsosuọ.

Jerimaya 7:34

Ki mi fue urhuru rẹ aghọghọ vẹ omavwerhovwẹ nẹ irere ri Juda kugbe Jerusalẹm ejobi, urhuru rẹ opha vẹ ọshare rọye, kidie otọ na cha dia ofefe.

Emọs 9:14

Ke Me cha rhoma reyọ ughwẹ rẹ ihwo mẹ Izrẹl rhivwi rhe ayen, irere ri sheri na ka rhoma bọn ayen ka dia ayen; kẹ ayen kọn ogba ri vain, kẹ ayen da udi rọye, kẹ ayen kọn ogba ayen ke re ibi rọye.

Jona 2:9

Ẹkẹvuọvo me vẹ urhuru rẹ ẹkpẹvwẹ gbe che ze izobo kẹ wẹ. Obo ri mi veri dẹn me hwa osa rọye. Esivwo Ọrovwohwo o rheri!

Nahum 1:7

Ọrovwohwo na yoma, asan odjahọ vwẹ ẹdẹ rẹ ukpokpogho; ọ riẹn ihwo re djẹ sioma nu vwẹ evun rọye.

Zẹfanaya 3:14

Van sọ une, E ọmọte ri Zayọn; kperi, E Izrẹl! Ghọghọ re wọ vwẹ udu wẹn ejobi mu oma kpenu, E ọmọtẹ ri Jerusalẹm!

Zekaraya 10:7

Etiyin re Ifrem kọ cha họhọ ọgbọfovwi rode, udu rayen cha ghọghọ kerẹsiẹ ra mrẹ nẹ ayen da wain. Emọ rayen da mrẹ, oma kọ vwerhe ayen, udu rayen ke ghọghọ vwẹ evun rẹ Ọrovwohwo na .

Zekaraya 8:19

E nẹ Ọrovwohwo rẹ otuofovwi tare Owenẹ owẹvwe rẹ echiro rẹ emeranvwe rẹne, re fi ọriyori, vẹ ọrighwrẹ, re te ọrihwe, cha dia vwẹ uwevwi ri Juda ọke rẹ oghọghọ vẹ omavwerhe kugbe orẹ rẹ omavwerhe, ọtiọye na gba guọnọ uyota vẹ ufuoma.

Zekaraya 9:17

Ghine uyota, mavọ oyovwi te, mavọ o fẹro te! Emuọre cha nẹrhẹ imighene na rho, wain ọkpokpọ mi rhe ru emetẹ na rho.

Iyẹnrẹ Esiri ri Jọn 3:29

Ọ rọ yanvwe ọpha ọye hẹ ọshare rẹ ọpha; ugbeyan rẹ ọshare rẹ ọpha na, ro mudia kẹrẹ ro nyo ota rọye, oma ra vwerhọn vwẹ urhuru rẹ ọpha na ro nyo; vwẹ ọtiọye na aghọghọ mẹ na kẹ ọvọnvọn.

Hibru 13:15

E gbe jẹn avwanre wan oma rọye gọ iye rẹ ejiro kẹ Ọghẹnẹ kọke kọke, kọye hẹ, ẹbẹrunu rẹ avwanre re vwo jiri odẹ rọye.

Ẹvwọphia 18:23

kugbe erhanre rẹ urhukpẹ ọ gbe la vwẹ evun wẹn ọfa-a; kugbe urhuru rẹ ọpha yẹ ọshare rọye e gbi nyo vwẹ evun wẹn ọfa-a; kidie ineki wẹn hẹ ikpihwo ride rẹ akpọ na, ka phiẹn ẹgborho na ejobi fiki rẹ aroẹmrẹ wẹn.